Matthew 21:5 - Hawa Naga Bible 2001

⁵ “Zion ghaqyungx muex jungx shuinz, Lawc shuinz, nuimshiq hokhvmx waz kuex nuimshiq kox nuex httuiuc kaz yaq! Vpiq kuex tvyomx tv-nyenc thuinz maq loze kuiux muex vsaz htauk nuex ngaungc yaq rvtueq, loze kuiux muex vsaz htauk nuex ngaungc yaq,” ngoz tueq.

ASII LAKDAP Bible (BSI)

⁵ “Jerusalem chela ma chong laq, ‘Liilaq, ümhokham we ka ümphana watlo! Apaiq ka tsan nin woknin we, kumtoq kaü thaq na nga raü watlo, kiimaq kumtoq kaüse thaq na nga raüta watlo.’ ”

Muklom

⁵ “Zion miqtang ma bat u, Siin inn, nim lungwang wa nim relnáng kapha, Piq anin ang eq mok aming kho shina tong eq kapha, Piq mok amingsa kho shina tong eq ka pha.”

Matthew 21:5 Referencias Cruzadas

RAPHA HIQWA LAK 49:10

Yuda rueq hokhvmx jowvyx kuex shuimx shuex, Piq suiuz vsaz phvnx rueq rullungx wvlex guimz lawc shuex. Miq phvnx ruip rawx rueq piq kox nuex yauk noalc htenc lvmz wvnc vtueq, piq khaungkac nuex nawk vtueq piq yix phvnx wuez shuex.

2 SAMUEL 16:2

Hokhvmx Dawid rueq piq muex ngoc, “Kvruex htenc lotlaz kuex yvmx ruec muex lac?” ngoz tueq wiz tueq. Ziba rueq, “Vruex loze vnueyc kuex Taungjix hokhvmx waz yuimx wuinz ngaungc muex rvtueq, wanx nuiyc pulx thuey htenc kuex miq rueq phuiuz svy tvkoc rvtueq, svpiq tix kuex yaruix rumz maq hunnyec hvlc nuex nuingc tvkoc rvtueq,” ngoz tueq tvralc tueq.

1 HOKHVMX 1:33

piq rueq tsuinghez muex ngoc, “Nuimhez rulc vdvmz ngvy hoc wawc vyungx vlaungx bix kuex gvl vtueq; isaz Solomon kuex ngvy mvre htauk kvyuq tv-ngaungc ruiux, piq kuex bvmc lawc hvt maq Gihon ruilx nuex shvlx laq shuinz,

1 HOKHVMX 10:26

Solomon rueq nolaungx renc 1,400 rac mvre nolaungx daungx nuex mvre 12,000 httax yaq nolaungx ghaqshungc kuex tec taq tueq. Kvruex wvyvmc kuex Yerusalem nuex, wvyvmc kuex vganc ghaqyungx nuex tvremx taq tueq.

Tvtsvmc 9:14

kvkaq Yerusalem miqsaz htenc htumc nuex ngaz kvtenc jvp vtueq, ngaz rueq mnoz muex tvtsvmc kvmc vphaungx phvnx htenc kuex jungx kuq shaungx. Mnoz rueq ngaz palc daungc wvnc phux ningkhvnc nuex kokez lvp vtaungx.

ISAIA 12:6

Zion nuex httax jix miq htenc kuex guyc sez vtueq mshix ngoyx wuez kueq! Israel muex vsawc Tishox kuex yunghvlc, vpiq kuex vpiq miqsaz hvlwvl nuex httax naungx yaq,” ngoz tueq shic ngoyc vkhing httuiuc wvnc yaq.

ISAIA 40:9

Yerusalem lex, kanx vjoz nuex duiz woz vtueq thuix thaungx vhvlx kuex ramc shuiuz! Zion lex, yunghvlc maq gvl vtueq, thuix thaungx vhvlx kuex tvtay shuiuz! Nauk hiz kaz maq tvtay jungx shuiuz. Tsuingshiq Tishox httuiuc kaz yaq ngoz tueq Yuda ghaq htenc nuex jungx shuiuz!

ISAIA 62:11

Yehowa rueq ghaq lotlaz nuex vkhoc tvtay jungx yaq: “Yehowa kuex mnoz palc kay tvkoc httuiuc kaz yaq, Vpiq rueq vdaungc wvnc miqsaz htenc kuex vpiq rulc vdvmz nuex shvlx laq yaq, ngoz tueq Yerusalem ghaq wuinz muex jungx shuiuz.”

EJEKIEL 34:24

Ngaz, Yehowa kuex tsuingshiq Tishox muex yaungx vtueq, ngvy nvrc waz Dawid rulc rv-ngvlc yaq hokhvmx waz kuex tsuingshiq guimz lawc jix vyungx yaungx tuex. Ngaz rueq jungx vshaungx.

EJEKIEL 37:24

Ngvy nvrc waz Dawid ikhoc hokhvmx vshiz kuex tsuingshiq hokhvmx muex yaungx tuex. Tsuingshiq lotlaz guimz lawc jix vyungx washiz khung nuex httax vtueq, ngvy tvrac htenc kuex tvmtuing maq phvnx wuez shuex.

Hosea 1:7

Yuq muinz Yuda miqsaz muex kuex lungwawc thuinz tvkhic shaungx. Ngaz, Yehowa tsuingshiq Tishox rueq tsuingshiq kuex palc wvnc shaungx, yuq muinz ngaz rueq ralx lungc nuex yaung, laq, laqsvnz, mvre nuiyc mvre nuex ngaungc jix miq htenc kuex shuimc vtueq tsuingshiq kuex palc wvnc shaungx rvmuq.”

Mikha 5:2

Yehowa rueq, “Betlehem Ephratha lex, mnoz kuex Yuda mungx wawc miqghaq vruinx pinhtumc vshiz rvtoq, yuq muinz Israel tvkoc guimz lawc jix washiz kuex mnoz kox wawc ngaz rueq tvdung shaungx, piq waruiuz kuex vjix vwaz pat maq phuex vhttax rvtueq,” ngoz tueq jungx tueq.

WEAWEA 24:19

Israel miqsaz rueq tsuingshiq kuex nyet nuiuz gay ruiux, Washiz muinz tvjungx muq tvsawc ruiyc tvbac gay shuex.”

Matthew 11:29

Ngaz kuex thuinz tvyomx vtueq thuinz tv-nyenz vshaungx ningkhvnc nuex ngaz rueq pix vshaungx kandaungc kuex pix vtueq, ngvy lvmx kuex tvluing wuez shuinz; ngoz ruiux nuimshiq thuinz suing maq nyec tvkuiyq rvhumc tuinx.

Matthew 2:2

vkhoc wiz tueq, “Yuda Hokhvmx yaungc tvkoc jawx kaz tueq nox kuex m-yuq lac? Shaldungc mungx nuex vpiq ruiysuiyq dung tueq kuex nuiyshiq rueq khiz lvp vtueq, vpiq nawk palx kay nuiyshiq httuiuc kaz tiq,” ngoz tueq jungx tueq.

Matthew 2:6

‘Yuda mungx Betlehem ghaq lex, mnoz kuex Yuda mungx ghaq yungx htenc htauk nuex vruinx pinhtumc yaungx tuiux rvmuq, ngvy miqsaz Israel kuex remc lawc tvkoc walaungx washiz kuex, mnoz kox wawc dung tuex,’” ngoz tueq jungx tueq.

Matthew 21:6

Kvkhoc rvtueq sangac wanueyc kuex kaz wvnc vtueq Yesu rueq nvr tueq rulc rv-ngvlc shuimx vtueq,

Luke 24:27

Kvmaq Yesu rueq, Moshe rueq vwuiyq shec wawc nuiyc shvmmax bix rueq vwuiyq shec Rumvrc luik htenc wawc vpiq duix nuex tvhungx vtueq vwuiyq shec htenc kuex tsuingnueyc muex jungphvnx kuq tueq.

John 1:49

Kvkaq Nathanael rueq, “Tvluingc waz lex, mnoz kuex Tishox Saz rvtoq! Mnoz kuex Israel phvnx Hokhvmx waz rvtoq!” ngoz tueq tvralc tueq.

2 Corinthians 10:1

Nuimshiq htumc nuex thuinz tvyomx tv-nyenc lvmz kuex tvkhic ruiux, nuimshiq rulc yal wvnc vtueq jix khvmc thuinz tvkhic yaq ngoz tueq ngoc rvhumc tauk ngaz Polu rueq nuimshiq muex jungx kuq vphaungx.

TRI CHONGKE 17:16

Hokhvmx waz rueq piq ralx daungx tvkoc mvre paunghvlc tvy mvy muq, Ejip mungx nuex mkaq muinz yek kay mvy muq, ngoz tueq Yehowa rueq vpiq miqsaz muex jungx tueq ningkhvnc nuex kvruex mungx wawc mvre rez kay tvkoc miq kuex tvkay mvy muq.

PHOWEBI 12:14

Piq nuex vsaz waz 40 nuiyc vsuiuz waz 30 httax yaq, tsuinghez kuex loze kuiux phuq raz tueq kuiux 70 htauk nuex ngaungc yaq. Abdon rueq Israel miqsaz kuex wawc tvjvt shunshvlc yix,

PHOWEBI 5:10

Loze luiz nuex ngaungc jix hez lex, mvre tox htauk nuex ngaungc jix hez lex, baung ruip saz nuex khuemc jix nuk lex, kvruex lvmz jungx kuq shuinz.