Matthew 21:22 - Hawa Naga Bible 2001

²² Nuimshiq rueq kvmluimx thuinz maq vjux thoz ruiux yuq thoz shuinx lotlaz kuex lvp wvnc shuinx,” ngoz tueq tsuinghez muex jungx tueq.

ASII LAKDAP Bible (BSI)

²² Namshiq raq Shiikeawe ma riikhaqli maq kam lanta achu jaü han jiila, jamlai phan miitu wa achu jaü tlan, kriika namshiq ma miklo kuq.”

Muklom

²² Nim aa kam eq chamlang chu nin, eshi tang thaji sha ukap eq nin.”

Matthew 21:22 Referencias Cruzadas

Matthew 18:19

“Kvkhoc rvtueq ngaz rueq nuimshiq muex vsuing jungx ix, ghaq htauk vruex maq nuimshiq phungc kvwawc miq wanueyc kuex rungx raz vtueq vjux thoz ruiux yuq raungmungx nuex httaz yaq Iwaz rueq muinz tsuingnueyc muex tvhungx kuq shuex.

Matthew 7:11

Nuimshiq kvkhoc vbac miqsaz rueq doc muinz miqmac sahez muex vhvlx phvnx kuy tuiuz vshuinx. Kvruex htauk nuex jvnc vtueq raungmungx wawc nuimshiq Waz rueq vpiq kox wawc thoz jix muex vhvlx phvnx htenc kuex kuq shuex rvtueq!

Matthew 7:7

“Thoz shuinz, ngoz ruiux nuimshiq rueq lvp shuinx, thuiyx shuinz, ngoz ruiux nuimshiq rueq humc shuinx, wung tvruingx shuinz, ngoz ruiux daz kuq kv-phuinx.

Mark 11:24

Kvkhoc ningkhvnc nuex ngaz rueq nuimshiq muex jungx ix: nuimshiq rueq vjux thoz vtueq phvnx shishiz thoz ruiux yuq, nuimshiq rueq lvp shuinx ngoz tueq kvmx kuinz, ngoz ruiux yuq nuimshiq rueq thoz shuinx yvmx yuq muinz kuq kv-phuinx.

John 14:13

Vsaz htauk maq Vwaz ngauz vngax tvkhic tvkoc ngvy muingc ruingc vtueq, nuimshiq rueq thoz shuinx htenc kuex ngaz rueq shuimx kuq phaungx.

John 15:7

Nuimshiq kuex ngaz nuex rvwak vtueq ngvy kvjaz vruex muinz nuimshiq nuex rvwak ruiux kuex, nuimshiq rueq thoz shuinx phvnx htenc kuex lvp wvnc shuinx.

John 16:24

Majuiuc nuex httuiuc laz nuimshiq rueq ngvy muingc maq yvmx muinz thoz muit dvyx doc, nuimshiq kokez juing mvrc laz lvp tvkoc thoz wuez shuinz, nuimshiq rueq thoz shuinx kvkhoc lvp wvnc shuinx.

James 5:16

Kvkhoc rvtueq nuimshiq vdvmz dvmz miqmac mvrax htenc kuex kvjungc vtueq vdvmz dvmz vjux thoz ruiux yuq, nuimshiq vthuiuz vsac htenc kuex hvlx wvnc tuex. Miqhvlx jix rueq vjux thoz kuex luimc vkawc httax yaq.

1 John 3:22

Naungshiq kuex vpiq nvrc bomc htenc kuex phvnx tvhungx vtueq vpiq rueq raungc raq yaq yauk shuimc kuex shuimx vshix ningkhvnc nuex, naungshiq rueq thoz shix kuex naungshiq rueq lvp wvnc tiq.