Matthew 19:7 - Hawa Naga Bible 2001

⁷ Pharise nuk rueq, “Kvkhoc rvyruiux kuex, rv-phvlc luik wuiyq vtueq piq kuex tvkay gay mvy yaq, ngoz tueq Moshe rueq tvrac kuex yvmx ruemc lac kuq shec tvnx?” ngoz tueq wiz tueq.

ASII LAKDAP Bible (BSI)

⁷ Kra tai raüta Phorisinok raq Jesuq ma waito, “Ikhiijiika, Mosheq raq atawe raq ata-nyung ma amiim baiq lak waiqkuq raüta shubaiq wan mimai nguta Thungtri ka jaram wa thü wanta?”

Muklom

⁷ Phorisi tang aa piq ma pitta, “Etha otho ashey miqwa uhimteynu shingchak ma tathin ajo, wapak likwit wit eq piq aa jin shing chak eq na ta Moses aa thong na cham ma batta?”

Matthew 19:7 Referencias Cruzadas

ISAIA 50:1

Yehowa rueq, “Vtaungx nyuiuz shurc gay tueq miq washiz ikhoc ngaz rueq ngvy miqsaz htenc kuex yurc gay tueq ngoz tueq haz tvmaung vshuinx? Kvkhoc ngoz ruiux rv-phvlc luik phux htenc kuex m-yuq lac? Miq washiz rueq vsaz hez kuex dax muex shaung gay tueq ikhoc ngaz rueq mnoz kuex wuinz saz muex shaung gay tueq ngoz tueq haz tvmaung vshuinx? Rvmuq, mnoz thuq lvy rvhumc tuit kuex mmvrax htenc ningkhvnc nuex rvtueq; mnoz rueq shuimx wvnc toq vbac yauk shuimc ningkhvnc nuex vyurc gay rvhumc tuit.

JEREMIA 3:8

Israel kuex ngaz kox wawc kvroz kaz wvnc vtueq mephex muex yaungc ningkhvnc nuex ngaz rueq piq kuex shurc gay ruiux vluz nuex tvkaz gay tauk. Yuq muinz Israel muex vnox tvmtuing vguez Yuda kuex hiz muq. Piq muinz mephex nyuiuz muex yaungx vtueq

MALAKI 2:16

Yehowa Israel Tishox rueq, “Ngaz rueq rvshurc rvpawc lvmz kuex shuiuc vshaungx. Nuimshiq wawc washiz shiz rueq miqmac taungnyuiuz muex kvkhoc guirguenz ruiux yuq, kvruex ngaz rueq shuiuc vshaungx. Mtaungx nyuiuz muex tvmtuing httax taungx ngoz tueq mbomkhvmc kuq toq kuex mnoz rueq vsuing tvbac gay mvy muq.”

Matthew 1:19

Yosep kuex tsuingrux raz tueq vlvmz maq mkaq muinz shuimx lvmz yaq waz rvtueq rulc rv-ngvlc, piq rueq Mary kuex miq htumc nuex yvlc svy tvrvhumc roc muq ningkhvnc nuex piq vtvkvp taq shec lvmz kuex vyumx maq httvrc tvy gay dvnc tueq.

Matthew 19:6

Ekvkhoc rvtueq tsuingnueyc kuex vnueyc yaungx yaq rvmuq, pumshiz dvyx shex rvtueq. Tishox rueq vtvrvhumc kuq kuex miq rueq tv-phvlc kuy mvy muq,” ngoz tueq.

Matthew 19:8

Yesu rueq tvralc tueq, “Nuimshiq kuex vjungc kuy mvy muq thuinz tsanc hvlc ningkhvnc nuex Moshe rueq nuimshiq muex miqmac taungnyuiuz mamc gay tvkoc vkhangx kuq kv-phuinx rvtueq. Yuq muinz tvdungc sungc rvtueq vkhing nuex kvkhoc ngoz muq doc rvtueq.

Matthew 5:31

“‘Miqmac taungnyuiuz rulc rv-phvlc roc ruiux lec piq mamc gay tvkoc hakhix luik vshiz m-wuiyq kuq shueq,’ ngoz tueq kvjaz muinz vhttax rvtueq.

Mark 10:4

Tsuingshiq rueq, “Vtaungx nyuiuz rulc rvmamc luik wuiyq vtueq piq kuex tvkay juing Moshe rueq vkhangx kuq shec tueq,” ngoz tueq tvralc tueq.