Matthew 18:9 - Hawa Naga Bible 2001

⁹ Mmuik rueq mnoz kvmluimx thuinz tvyaq ruiux yuq, mmuik kuex vluc rvgay shuiuz! Muik nueyc rac vhttax maq ngarvyx wvr mungx nuex dvy wvnc ngoc mvnx, muik kox dvyx yuq muinz rullungx tvraungx juing nuex nyuip wvnc kuex vhvlx pinhtumc rvtueq.

ASII LAKDAP Bible (BSI)

⁹ Kiimaq üm makpo raq üm kamtsantsii kra tiijam kiiphaü la, alatli riibaiq laq! Maknai wiita maq wamungtan na dea wan nam ma khoti, makko ma li jiimin pattup pat-sa rilung lap wan raüta siwan riiwe ka ahea miraq.”

Muklom

⁹ Etho nim miik eq nim ma ngarey jaksom tasom phin jo, eshi lat eq bichak inn. Ani miik ang eq pattuk wal náng nim bichak phey náng eq, ashey miik ahung ang eq, pattuk rollung náng nop raa nim ma aqhal.”

Matthew 18:9 Referencias Cruzadas

Matthew 16:26

Miqsaz rueq mungkawx nuex httax yaq phvnx lotlaz lvp luz taq ruiux, miqmac rullungx momaq wvnc ruiux kuex yvmx vjux lac httax tvnx? Miqmac rullungx kuex yvmx maq lac httungx phvyx wvnc lot shuinx?

Matthew 18:8

“M-yauk rvmuq ngoz ruiux m-yaz rueq mnoz muex kvmluimx thuinz tvyaq kuq ruiux yuq vjumc rvgay shuiuz! Yauk vyaz vhvlx maq rullungx pattup wvr mungx nuex tvdvy gay rvhumc ngoc mvnx, yauk rvmuq ngoz ruiux yaz lomx muq maq rullungx tvraungx juing nuex nyuip kuex vhvlx pinhtumc rvtueq.

Matthew 19:17

Yesu rueq, “Mnoz rueq vhvlx lvmx yauk shuimc nuex seng vtueq ngaz muex yvmx ruemc wiz lac? Vhvlx waz kuex vshiz dvyx httax yaq. Mnoz rueq pattup rullungx lvp wvnc roc ngoz ruiux kuex bomkhvrc tvrac kuex phvnx shuiuz,” ngoz tueq jungx tueq.

Matthew 5:22

Yuq muinz majuiuc ngaz rueq jungx kuq ix, miqmac phuz vnox waz muex thuinkhvy jix waz ukhaq yuq muinz vphoc rvhumc tuex, miqmac phuz vnox waz muex “Mnoz yvmx vjux muinz vguez!” ngoc jix waz kuex Suingdaungx muingdaungx rvtuimx yaq maq htvp htaz aungx yaq, kvmaq miqmac phuz vnox waz muex ngoc “Vngauk vngaz” ngoc jix ukhaq yuq muinz ngarvyx wvr mungx nuex juiuz gay rvhumc tuex.

Matthew 5:29

Mmuik muikkeq kox kvraq mnoz muex tvyaq ruiux lec kvruex muik kuex vluc rvgay shuiuz, yvmx khoc lac ngoz ruiux lec wvpumz tuimx ngarvyx mungx nuex dvy wvnc ngoc mvnx m-gvnz ngvmx phushiz saz bac kay kuex tsemc ruiyc lanc rvtuex.

Mark 9:47

Mmuik rueq mnoz kvmluimx lvmx tvyaq kuq ruiux yuq, vluc rvgay shuiuz! Muik vnueyc rac maq ngarvyx mungx nuex tvdvy gay rvhumc ngoc mvnx, muik kox maq Tishox Mungtan nuex nyuip wvnc ruiux kuex vhvlx pinhtumc rvtueq.

Acts 14:22

“Naungshiq kuex Tishox Mungtan nuex httuiuc tvkoc kuilc daz htemc rvmc paunghvlc rvhumc wvnc tix,” ngoz tueq jungphvnx kuq ruiux kvmluimx miqsaz kuex tv-phaungx ngaungx kuq tueq. Tsuingshiq kvmluimx thuinz phaungx ngaungx tvkoc muinz honc tvsvmz jungx kuq tueq.

Hebrews 4:11

Kvkhoc rvtueq tsuingshiq kvmluimx muq ningkhvnc nuex nyec tvkuiyq juing lvp muq jix htenc ikhoc naungshiq ukhaq nuex muinz yaungx muq mruez kueq, nyec tvkuiyq lvp wvnc tvkoc naungshiq hungc htumx laz maq hunglaungx wuez ix.

Revelation 21:27

Yuq muinz vshuy vshac phvnx yvmx yuq muinz kvruex ghaqyungx kvyuq nyuip lvp tuex rvmuq, miqsuirc vsac phvnx shuimc jix, vrot vkaq kvjaz jungc jix htenc muinz nyuip lvp muq. Khelbuenx Saz rullungx luik dvp nuex muingc wvlc tvy yoalx jix dvyx kvruex ghaqyungx kvyuq nyuip lvp tuex.