Matthew 18:3 - Hawa Naga Bible 2001

³ “Nuimhez muex ngaz rueq vsuing jungx kuq ix, nuimshiq thuinz kvlayc vtueq nosaz saz vkhoc yaungx muit ngoz ruiux kuex raungx Mungtan nuex nyuip lvp muit.

ASII LAKDAP Bible (BSI)

³ Raüta akha nguto, “Ngi raq chongtiikang arka tengteng. Namshiq ka ara nonose akha klai wan man wiiwii Ramungtan ümtiikiimin saü man mirhan.

Muklom

³ Etho batta, “Nga nim ma asing batphang, nim tin kaley eq nijangsa tang mal ang min ang inn jo, nim baluk otho Rangmungtan náng jin nop min ang nin.

Matthew 18:3 Referencias Cruzadas

Tvtsvmc 131:2

Kvkhoc ruec tvraung, nomic lvmx nuex ngvy thuinhvlx yaq. Noshawx saz kuex vnyuiuz yaz pemc nuex suinglix lix hvlc woalc yaq ikhoc, ngvy thuinz vmungx muinz suinglix lix hvlc httax yaq.

ISAIA 6:10

Kvruex yimaq vpiq rueq ngaz muex, “Miq htenc kvruex thuinz kuex tvbvruz tuz gay shuiuz, tsuinghez nac htenc tvbawx gay shuiuz, muik htenc tvmawz gay shuiuz, kvkaq tsuingshiq rueq khiz lot muq, tay lot muq nuiyc tuiuz muq rvshuex. Tsuingshiq kvkhoc yaungx wvnc ruiux yuq, tsuingshiq kuex ngvy kox nuex kvroz yek vtueq tvhvlc tvsawc kuy rvhumc tuex,” ngoz tueq jungx phuex.

Matthew 13:15

yvmx khoc lac ngoz ruiux lec tsuingshiq thuinz vmungx htenc kuex htvy wvnc vtueq, tsuingshiq nac kuex bawx wvnc ruiux tsuingshiq muik htenc juk wvnc tuex. Rvmuq ngoz ruiux kuex, tsuingshiq muik htenc kvkhic wvnc vtueq, tsuingshiq nac htenc maq tay wvnc ruiux tsuingshiq thuinz vmungx htenc maq tuiuz wvnc ruiux kuex tsuingshiq kuex ngaz muex kvmx vtueq ngaz rueq muinz tsuingshiq muex tvhvlc kuq shaungx ngoz tueq Tishox rueq jungx tueq,’ ngoz tueq.

Matthew 18:2

Kvkhoc rvtueq Yesu rueq nosaz saz washiz kuex gvl vtueq, tsuinghez max nuex tvjvp ruiux,

Matthew 18:4

Vruex nosaz saz vkhoc thuinz tv-nyenz tvyomx jix waz ukhaq yuq muinz raungx Mungtan nuex vyungx pinhtumc yaungx tuex.

Matthew 19:14

Yesu rueq, “Nosaz rulx kuex ngvy kox nuex mkaz rueq nauk tuingshaung kaz, yvmx khoc lac ngoz ruiux lec raungx Mungtan kuex vruex sahez vkhoc jix mungtan rvtueq,” ngoz tueq.

Matthew 19:23

Kvkhoc rvtueq Yesu rueq vpiq sangac hez muex jungx tueq, “Ngaz rueq nuimshiq muex vsuing jungx kuq ix, luiz waungx jix hez tvkoc raungx Mungtan nuex nyuip muex vgvrx pinhtumc rvtueq.

Matthew 5:18

Nuimshiq muex ngaz rueq vsuing jungx kuq ix, raungx nuiyc ghaq httax ruq wawwawx kuex Tvrac wawc luik kuiux thuey poshiz nuiyc vruinx saz kvjaz tvpat vshiz doc muinz moz maq kaz muq, kvruex luik nuex jungx shec tueq lotlaz kuex hungx wvnc tuex.

Matthew 5:20

Ngaz rueq nuimshiq muex jungx kuq ix, Tishox thuinroc lvmx phvnx vshuinx lvmx kuex Tvrac tvluingc waz hez nuiyc Pharise hez htauk nuex jvnc muit ngoz ruiux kuex raungx Mungtan nuex nyuip lvp tuinx rvmuq.

Matthew 6:16

“Nuimshiq rueq phuiuz svy mamc ruiux yuq kvyonc yuk jix miq ikhoc htvlx tvyuiuq shvmx nauk tvkhic kaz. Tsuingshiq kuex miqmac rueq phuiuz svy mamc yaq lvmz tvkhic roc vtueq, tsuingshiq htvlx kuex tvyuiuq wuez yaq. Nuimshiq muex vsuing jungx ix, tsuingshiq rueq miqmac yauk mauk kuex vlvp lvy wuez shex rvtueq.

Matthew 6:2

“Kvkhoc rvtueq rax thuiyc yaq miq vshiz muex mnoz rueq phvnx shishiz kuq noalx ruiux kuex naungnuk rueq ikhoc nawk palx yuimx nuiyc lvmx htenc nuex miqmac shauk vgvnz kvkhic laz bolic nauk tuimz kaz. Tsuingshiq kuex miq rueq tvtsanc nganc tvkoc kvkhoc shuimx yaq. Ngaz rueq nuimshiq muex vsuing jungx kuq ix, tsuingshiq rueq yauk mauk vlvp wuez shex.

Matthew 6:5

“Mnoz rueq vjux thoz ruiux yuq kvyonc yuk jix miq ikhoc nauk kvyaungx shaungx kaz! Tsuingshiq kuex miq rueq khiz laz juing ngoz tueq, vjux thoz juing baung htenc nuex nuiyc lvmx heq htenc nuex jvp vtueq vjux thoz kuex raungc raq yaq. Nuimshiq muex ngaz rueq vsuing jungx ix, tsuingshiq rueq yauk mauk vlvp lvy wuez shex.

Mark 4:12

Yvmx rvtueq lac ngoz ruiux lec, ‘Tsuingshiq rueq vlawc kuex lawc yaq, yuq muinz khiz muq; tsuingshiq rueq vtay kuex tay yaq, yuq muinz tuiuz tay muq. Mkhoc shoc maq tsuingshiq rueq lawc shuex kuex khiz vtueq, tay shuex kuex tuiuz ruiux yuq, tsuingshiq kuex Tishox kox nuex kvwek yek tuex, vpiq rueq tsuingshiq mvrax kuex dawc kuq gay shuex,’ ngoz tueq vsawc luik nuex jungx tueq,” ngoz tueq tsuingshiq muex jungx kuq tueq.

Luke 13:24

“Vtsaungx kaluix puc kvmaq nyuip lvp tvkoc nuimshiq hunglaungx wuez kuinz; yvmx khoc lac ngoz ruiux lec miq paunghvlc rueq kvruex kaluix puc kvmaq nyuip wvnc tvkoc hunglaungx wuez tuex, yuq muinz nyuip lot wuez muq rvtuex.

Luke 22:32

Yuq muinz mnoz kvmluimx thuinbac kaz muq mruez kueq mnoz Simon tvkoc ngaz rueq vjux thoz kuq vphaungx. Kvkhoc mnoz kuex ngaz kox nuex kvroz yek vtueq mphuz mnox hez muex hungc vlaungc tvmvrc kuq shuiux rvtueq,” ngoz tueq jungx tueq.

John 1:51

Kvruex kaq vpiq rueq tsuingshiq muex, “Ngaz rueq nuimshiq muex vsuing jungx kuq ix, raungx kvdaz wvnc vtueq, Tishox raungkamx waz hez kuex Miq Saz htauk vyuq vduiz vsvt rvyaq kuex nuimshiq rueq khiz lvp shuinx,” ngoz tueq.

John 3:3

Yesu rueq, “Ngaz rueq mnoz muex vsuing jungx kuq ix, vjawc rvhumc yek muq waz ukhaq yuq muinz Tishox Mungtan kuex khiz lvp shuex rvmuq,” ngoz tueq tvralc tueq.

John 3:5

Yesu rueq, “Ngaz rueq mnoz muex vsuing jungx kuq ix, yuix nuiyc Siyac maq vjawx rvmuq ngoz ruiux kuex ukhaq muinz Tishox Mungtan nuex nyuip lvp muq.

Acts 14:22

“Naungshiq kuex Tishox Mungtan nuex httuiuc tvkoc kuilc daz htemc rvmc paunghvlc rvhumc wvnc tix,” ngoz tueq jungphvnx kuq ruiux kvmluimx miqsaz kuex tv-phaungx ngaungx kuq tueq. Tsuingshiq kvmluimx thuinz phaungx ngaungx tvkoc muinz honc tvsvmz jungx kuq tueq.

Acts 28:27

Yvmx khoc lac ngoz ruiux lec vruex phvnx vmaq thuinz kuex bvrutuz vtueq, tsuingshiq nac httuiuq gay tueq, tsuingshiq muik kuex puingc gay tueq. Mkhoc shoc maq tsuingshiq muik maq khiz vtueq tsuingshiq nac maq tay ruiux, tsuingshiq thuinz maq tuiuz ruiux yuq kuex, tsuingshiq ngvy kox nuex kvroz wvnc vtueq ngaz rueq muinz tsuingshiq muex tvhvlc kuq shaungx,’ ngoz tueq Tishox rueq jungx tueq,” ngoz tueq.

Acts 3:19

Kvkhoc rvtueq Tishox rueq nuimshiq mvrax htenc kuex mdawc kuq kv-phuinx thuinz kvlayc wuez kuinz. Nuimshiq rueq kvkhoc ruez ruiux yuq,

1 Corinthians 14:20

Phunox bix lex, nuimshiq rueq tvmaung vshuinx lvmz nuex nosaz muex nauk yaungx kaz, honc vbac lvmx nuex dvyx nosaz rulx ikhoc yaungx wuez kuinz; tvmaung shuinx lvmx nuex kuex rullungx nyuiuz waz wvtharc jix ikhoc yaungx wuez kuinz.

1 Peter 2:2

Noshawx sahez ikhoc siyac nuex seng yaq puix muik shauk kuex mkaq muinz khvmx tvsac wuez shuinz, kvkhoc ngoz ruiux jix nuimshiq kuex yungx luz wvnc vtueq palc daungc wvnc rvhumc tuinx.

2 Peter 1:11

Kvkhoc phvnx ruiux yuq kuex naungshiq Taungjix nuiyc Palc daungc Taungjix Yesu Christu vpiq pattup Mungtan nuex nyuip lvp vkhangx nuimshiq muex hunghtaungx laz kuq kv-phuinx.