Matthew 17:5 - Hawa Naga Bible 2001

⁵ Piq rueq kvkhoc jungx yaq baunglaung phelez hvlc phuemx daungshiz rueq tsuinghez kuex buingc wvnc tueq, phuemx mungx maq, “Vruex waz kuex ngaz rueq raungc raq hvlc Saz rvtueq, vpiq kuex ngaz rueq lungwawx vshaungx, vpiq kvjaz tay wuez shuinz,” ngoz tueq.

ASII LAKDAP Bible (BSI)

⁵ Apaiq ka abom rai liipan kiijiiniili, tiidong chhaq maq phongtsok ra wa chhaihea langlang phumlü da ashi deaki raüta, tsangshiq tarü ka pang baiqto. Kiimaq phumda mong wa maiq bom ashi akha taito, “Ahata I tsantsii ran chang I Se. Ngi ka apaiq ma pinthum khoqriiq wan tiikang. Apaiq bom ka tai rong laq!”

Muklom

⁵ Piq irimal raaq chey atho ashey alip phun ka eq ning tha homta etho ethi phun thiwang ashey raaq batta, “Ira i Miqwasa, bara nga tinma ang etho nga piq ma rapney sungrang ang! Piq raaq tat inn.”

Matthew 17:5 Referencias Cruzadas

YOBA 38:1

Kvruex yimaq Yehowa kuex Yoba muex raunghtiq raungguil maq rvbomc tueq.

Tvtsvmc 81:7

Nuimshiq kuilc daz rvhumc tuit nuex, ngaz gvl phuinx tueq, ngaz rueq nuimshiq kuex palc wvnc phaungx. Raunghtiq raungguil mungx nuex ngaz kvhttuiyq yaq baung maq, ngaz rueq nuimshiq muex tvralc phaungx. Meriba yuix ruilx maq ngaz rueq nuimshiq muex taruiyx phaungx.

DUNGWVNC 19:19

Bolic thuic muinz yunghvlc yungx wvnc tueq. Moshe rueq tvtay jungx koq tueq, Tishox rueq raungmuk ikhoc tvralc tueq.

ISAIA 42:1

Yehowa rueq, “Vruex waz kuex ngaz rueq hungc vkuq, ngvy nvrc waz, ngaz rueq vthvl waz, ngaz rueq raungc raq vshaungx waz rvtueq. Ngaz rueq vpiq kuex ngvy Siyac maq tvmvrc tauk, vpiq rueq miqphvnx ruip rawx kox nuex tvrac vlvmz kuex lvmz kuq laq shuex.

ISAIA 42:21

Yehowa kuex vpalc wvnc tvkoc raungc yaq Tishox rvtueq, kvkhoc rvtueq vpiq tvrac htenc nuiyc tvluingc laungc lvmz htenc kuex somraungc wvnc vtueq, kvruex htenc kuex vpiq miqsaz htenc rueq tvtsanc nganc tvkoc roc yaq.

Matthew 12:18

“Ngaz rueq vthvl taq, ngvy nvrc waz, ngaz rueq lungwawx vshaungx nuiyc raungc raq vshaungx waz kuex lawc shuinz. Ngvy Siyac kuex vpiq htauk nuex ngaz rueq tvhttuiuc kuq shaungx, Ngaz rueq muingphox shaungx lvmx kuex vpiq rueq miqphvnx lotlaz muex tvtay kuq shuex.

Matthew 17:6

Vsangac hez rueq kvruex tay vtueq pinhtumc hiyaz vtueq, tsuinghez htvlx kuex ghaq nuex bumx kaz wuez tueq.

Matthew 3:17

Kvruex yimaq raungmungx maq kvjaz tvruingc kuex, “Vruex waz kuex ngaz rueq raungc raq vshaungx, ngaz rueq lungwawc hvlc Saz rvtueq,” ngoz tueq.

Mark 1:11

Kvkaq raungx maq bomc poshiz jungx tueq, “Mnoz kuex ngaz rueq lungwawx vphaungx Isaz shauk rvtoq, mnoz kuex ngaz rueq raungc raq vphaungx,” ngoz tueq.

Mark 9:7

Kvkaq phuemx daungx shiz rueq tsuinghez kuex puingc wvnc vtueq, phuemx mungx maq kvjak tueq kuex, “Vruex waz kuex ngaz rueq lungwawx vshaungx Isaz rvtueq, vpiq kvjaz tay shuinz!” ngoz tueq.

Luke 3:22

Vsawc Siyac kuex hituiuc saz ikhoc vpiq htauk nuex svt kaz tueq. Raungmungx maq, “Mnoz kuex ngaz rueq lungwawx vphaungx Isaz rvtoq. Mnoz kuex ngaz rueq raungc raq vphaungx,” ngoz tueq raungx maq kvjaz dung tueq.

John 3:16

Yvmx khoc lac ngoz ruiux lec Tishox rueq vpiq Saz muex kvmluimx jix htenc kuex batac momaq kay rvhumc muq maq pattup rullungx mlvp wvnc shueq ngoz tueq, vpiq Saz vshiz lauk lauk kuex kuy gay nuex httuiuc laz mungkawx kuex pinhtumc lungwawx tueq.

John 3:35

Vwaz rueq Vsaz kuex lungwawx vtueq vpiq luimc vkawc phvnx ruip saz kuex vpiq muex lekuq tueq.

John 5:37

Ngvy tvkay jix waz Iwaz rueq muinz ngvy lvmz hakhix khvmc kuq yaq. Nuimshiq rueq mkaq muinz Iwaz thuic vbomc kuex tay muit doc, vpiq shvmx muinz khiz muit.

Acts 1:9

Kvkhoc jungc kuy lot yix, kamx waz hez muik lawc nuex dvyx vpiq kuex raungx nuex shvlc wvnc rvhumc tueq, phuemx rueq muinz vpiq kuex yop wvnc vshuex.

Acts 7:37

‘Nuimshiq suiuz vsaz kvwawc ngaz vkhoc shvmmax washiz kuex Tishox rueq nuimshiq tvkoc tvdung shuex,’ ngoz tueq Israel miqsaz muex jungc kuy jix waz muinz Moshe rvtueq.

Ephesians 1:6

Vpiq rueq lungwawc hvlc vsaz maq raz tueq vhtawz vrawz thoz muq maq naungshiq muex kuq phuex ngauz vngax httax yaq vpiq kejux ningkhvnc nuex Tishox muex tvtsvmc wuez ix!

TRI CHONGKE 18:15

Yehowa rueq nuimshiq phvnx vmaq kvwawc ngaz vkhoc shvmmax washiz tvkaz shuex ningkhvnc nuex piq kvjaz kuex tay wuez shuinz.

TRI CHONGKE 18:19

Piq rueq ngvy muingc maq jungx kuq shuex, piq kvjaz tay muq waz kuex ngaz rueq murx tvgurc shaungx.

TRI CHONGKE 5:22

“Yehowa rueq kanx hep nuex rvtuimx kaz tuit nuimshiq htenc muex tvrac htenc vruex kuq kv-phuinx. Yehowa rueq wvr nuiyc nyauk hvlc phuemx daungx mungx maq thuic bomc yunghvlc maq tvrac htenc vruex jungx kuq kv-phuinx, laukshiz hulawx jungx yek muq shex. Kvruex yimaq vpiq rueq tvrac htenc kuex lungdvmx vnueyc nuex wuiyq vtueq ngaz muex kuq phuex.

Colossians 1:13

Vpiq rueq naungshiq kuex raungx nyauk mungx wawc palc tvdung wvnc vtueq, vpiq rueq lungwawc yaq Vsaz mungtan kvyuq tv-nyuip shvlx wvnc phuex.

Hebrews 5:9

Vpiq hungx htaungx yaq waz tvyaungc lot yix, vpiq kuex kvjaz tay phvnc jix lotlaz laung nuex pattup palc daungc wvnc lvmx vjungx yaungx wvnc tueq.

Revelation 1:7

Lawc shuinz, vpiq kuex phuemx htauk nuex ngaungc vtueq httuiuc kaz yaq! Vpiq kuex paq maq shuy jix htenc rueq nuiyc miq lotlaz rueq vpiq khiz wvnc lvp shuex. Ghaq htauk wawc miqphvnx lotlaz muinz vpiq ningkhvnc nuex thuinbac yonzyex wuez tuex. Kvrulc rv-ngvlc m-yaungx wvnc kueq!

Revelation 14:14

Kvmaq ngaz rueq lawc koq tueq phuemx luiz daungx vshiz khiz tauk. Kvruex phuemx htauk nuex miq ikhoc washiz ngaungc yaq, vkhux poz nuex kuimshawx khushec kuex buz yaq, vyauk nuex httehvlc suiykungc vshiz shuimx yaq.