Matthew 17:2 - Hawa Naga Bible 2001

² Tsuingshiq muik lawc nuex vpiq shvmx kv-phelc wvnc vtueq, vpiq htvlx kuex shalx ikhoc phez ruiux, vsvmhung muinz raungwuic ikhoc lez tueq.

ASII LAKDAP Bible (BSI)

² Tsangshiq raq apaiq ka liishat liipan niili, Jesuq sham ka aklai riikito. Apaiq theaphi ka rashe kaü ikha chhaihea langlang chhairai wanto. Kiimaq apaiq khum na khu akhea asam thun kriimin maiqmak alirat rashe kii li ikha lüdiidii hea she chhairai wanto.

Muklom

² Ning aa Jesu tha siing siin chey ta tho, Jesu tha kaley ta! Piq sham tha rangsal mal phángta, etho piq khat tha apung hal angta.

Matthew 17:2 Referencias Cruzadas

Tvtsvmc 104:2

Mshauk gvnz kuex raungwuic maq yop taq toq. Mnoz rueq raungmungx htenc kuex moka tap ikhoc tvparc juinx taq vtueq

ASHICHONG 6:10

Raungnvp raungwuic ikhoc dung wvnc vtueq lawc yaq kuex ukhaq lac? piq kuex shalx nuiyc yapix ikhoc phelez vtueq, svp rvp hvlc maq phelep yaq.

Matthew 17:1

Raungx tvruk httvmx yix maq Yesu rueq Peter, Yaku nuiyc vnox Yohan hez kuex shvlx wvnc vtueq johvlc kanx nuex duiz woz tueq. Vganc jix miq washiz muinz lomx muq.

Matthew 17:3

Kvruex yimaq sangac wathuimx rueq Moshe nuiyc Elia kuex dung kaz vtueq Yesu rulc rvbomc yaq kuex khiz tueq.

Matthew 28:3

Piq shvmx kuex raunglep ikhoc phez vtueq, piq khoz vkhvy htenc kuex tsuik hek ikhoc luiz yaq.

Mark 9:3

vpiq khoz vkhvy muinz phesuimz rawx nyaz phez wvnc vtueq pinhtumc luic hvlc rvtueq, vtanc khvnc luic mungkawx vyuq uraq muinz tvhungx lot muq.

Luke 9:29

Piq rueq vjux thoz yaq baunglaung, vpiq htvlx phawc shvmx kv-phelc wvnc tueq nuiyc vpiq svmhung kvmuinz luic hvlc phelez wvnc tueq.

John 1:14

Bomjungc kuex miqsaz gvnngvmx muex yaungx kaz vtueq, kejux nuiyc tsuingrux lvmx mvrc ruiux naungshiq rulc httax wvnc tueq. Naungshiq rueq vpiq ngauz vngax kuex khiz wvnc tiq, kvruex ngauz vngax kuex Vwaz kox wawc Vsaz vshiz lauklauk waz rueq lvp wvnc tueq lvmz rvtueq.

John 17:24

“Iwaz lex! Mungkawx max tvdung sung nuex phuex mnoz rueq ngaz lungwawx vtueq kuq phux ngauz vngax kuex, mnoz rueq ngaz muex kuq phux jix htenc rueq khic lvp tvkoc ngaz httax vtaungx baung nuex tsuingshiq muinz tvhttaz roc vshaungx.

Romans 12:2

Nuimshiq rueq mungkawx htungx vlayx kuex nauk phvnx kaz, nuimshiq kuex Tishox maq raz tueq nuimshiq thuinz kuex tvsawc ric kvlayc wvnc kuinz. Kvkaq nuimshiq kuex Tishox thuinroc lvmx, vhvlx lvmx, vpiq muex tvraungc raq yaq lvmx nuiyc hunghtaungx yaq lvmx kuex yvmx lac rvtvnx tv-phvlc tuiuz wvnc lvp shuinx.

Revelation 10:1

Kvruex yimaq raungmungx wawc hungc vlaungc httaz hvlc raungkamx washiz svt kaz yaq kuex ngaz rueq khiz tauk. Piq rueq phuemx kuex svmx ruiux, vkhux tvroz tuimz nuex mvlx thuingx httax yaq; vhtvlx kuex shalx rulc rv-ngvlc yaq, Vyaz kuex wvr htung ikhoc rvtueq.

Revelation 20:11

Kvruex yimaq vluiz hoc daungraungc vyungx vshiz muinz, kvruex yuq ngaungc yaq waz kvmuinz ngaz rueq khiz tauk. Vpiq khaungkac nuex ghaq nuiyc raungmungx kuex moz wvnc vtueq kvruex nueyc kuex khiz mauk shex.