Matthew 15:11 - Hawa Naga Bible 2001

¹¹ Miq muex sawc muq tvyaungc yaq phvnx kuex nuix mungx nuex nyuip wvnc yaq phvnx kvruex rvmuq, nuix mungx maq dung yaq kvraq sawc muq tvyaungc yaq,” ngoz tueq jungx tueq.

ASII LAKDAP Bible (BSI)

¹¹ Maiqse raq anü mong na jamlai wa thii wan tlaq kra riika, apaiq ka Shiikeawe man na ashe miika tiija mak. Shatmaq, apaiq raq anübok maq jamlai phan bomtsi wa bom tlaq, kriiraq apaiq ka Shiikeawe man na ashe ma tiija tlo.”

Muklom

¹¹ Nung o wang phan shey miq sha thanaan moq. Etharin nung wang chamlang thalat aa, iri wang hun miq sha thanaan aa.”

Matthew 15:11 Referencias Cruzadas

Tvtsvmc 10:7

Piq nuix kuex mvnhttonc mvn-tvmc kvjaz, vrot vkaq kvjaz nuiyc tvhiz tvsungx kvjaz dvyx mvrc yaq; piq rueq vshuiuc vpac kvjaz nuiyc layx bac kvjaz jungx muex lvwvnz yaq.

Tvtsvmc 12:2

Tsuingshiq lotlaz rueq vdvmz dvmz vrot vkaq kvjaz maq tvyoq yvmx jungx vtueq laulawc wuez yaq.

ISAIA 37:23

Ukhaq muex lac mnoz rueq shummarc vtueq ngoz ngax gay vshuiux? Mnoz rueq Israel muex vsawc Tishox ngaz kuex wvlc guez tvyaungc vphux.

Matthew 15:10

Kvkaq Yesu rueq nuk miqsaz htenc gvl vtueq jungx kuq tueq kuex, “Tay tvtsuingc vtueq tuiuz tay wuez shuinz!

Matthew 15:12

Kvkaq vpiq sangac hez kuex vpiq kox nuex kvnvp kaz vtueq, “Mnoz rueq jungx vshuiux kvjaz kvruex Pharise nuk rueq tay vtueq tsuingshiq thuinkhaq wuez yaq kuex tuiuz vshuiux haz?” ngoz tueq jungx tueq.

Mark 7:15

Miqsaz kantsec kox maq piq vmungx kox nuex nyuip wvnc vtueq miq kuex sawc muq muex tvyaungc lot muq, vmungx kox maq dung yaq kvraq dvyx miq kuex sawc muq tvyaungc yaq,” ngoz tueq.

Romans 14:14

Yvmx phvnx phuiuz vsvy yuq muinz vjungx vbaung kuex lawc wvnc ruiux yuq, nawk palx htungx maq kuex sawc muq phuiuz vsvy rvtueq, ngoz tueq jungc juing lvmz vguez kuex Taungjix Yesu nuex ngaz rullungx tvraungx vtaungx ningkhvnc nuex rvkhauk laz tuiuz vshaungx; yuq muinz phuiuz vsvy kuex sawc muq rvtueq ngoz tueq kvmx ruiux yuq, vkvmx jix waz tvkoc dvyx sawc muq rvtueq.

Romans 14:17

Yvmx khoc lac ngoz ruiux lec Tishox Mungtan kuex vphuiuz vsvy nuiyc vnuingc htauk nuex seng muq. Vsawc Siyac rueq vkuq kejux rvtueq tsuingrux, nomic nuiyc kokez juing lvmx nuex dvyx seng yaq.

Romans 14:20

Phuiuz vsvy phvnx shishiz phuiuz svy ningkhvnc nuex Tishox yauk shuimc kuex nauk tvbac kaz. Phuiuz vsvy lotlaz kuex phuiuz svy mvy yaq, yuq muinz kvruex phuiuz svy gay ningkhvnc nuex miq vganc kuex mvrax nuex tvrul gay ruiux kuex mnoz rueq mvrax lvp shuiux.

1 Timothy 4:3

Kvkhoc jix miqsaz htenc rueq miqlvmc miq tvwaungc mvy muq lvmz nuiyc vganc phuiuz vsvy htenc kuex koayc tvkoc tvluing kuq tueq. Yuq muinz kvmluimx jix htenc nuiyc tsuingrux lvmx tuiuz jix htenc rueq kejux tvtsvmc ruiux vjux thoz vtueq phuiuz svy tvkoc Tishox rueq kvruex phuiuz vsvy kuex tvdung sung shec tueq.

Titus 1:15

Miqmac shauk pumz vsawc jix htenc tvkoc kuex phvnx ruip saz vsawc jvnc yaungx yaq; yuq muinz miqmac sawc muq raz tueq Taungjix Yesu muex kvmx muq waz tvkoc kuex yvmx yuq muinz sawc muq jvnc rvtueq. Yvmx khoc lac ngoz ruiux lec tsuingshiq thuinz kvmungx lvmx nuiyc vhvlx vbac thvl httauk thuinz kuex vshuy vshac ningkhvnc nuex rvtueq.

Hebrews 13:9

Nuimshiq kuex lvmx tvyaq vtueq rv-ngvlc muq htungx vlayx phvnx ruip saz maq tvshonx bawx yaq kvyuq nauk phvnx wuez kaz. Phuiuz vsvy nuex seng yaq phvnc juing tvrac htenc kuex phvnc tvhungx rvmuq maq, Tishox kejux wawc siyac hungc vlaungc lvp wvnc waz kuex vhvlx pinhtumc rvtueq; kvruex phuiuz vsvy nuex seng yaq tvrac phvnc jix htenc rueq yvmx muinz romc kuq lot muq.

2 Peter 2:18

Tsuingshiq rueq vyaq lvmx mawc wvnc jix rvtuimx yaq mungx kvwawc dungc wvnc nyalx jix htenc muex khuec guez kvsomc parc kvjaz kuex jungx vtueq sahtok sapawx yaungc lvmx nuex lvmx shvlc tvyaq yaq.