Matthew 13:51 - Hawa Naga Bible 2001

⁵¹ Yesu rueq, “Vruex lvmx lotlaz kuex nuimshiq rueq tuiuz tvtsuingc vshuinx haz?” ngoz tueq tsuinghez muex wiz tueq. Tsuingshiq rueq, “Tuiuz vshix,” ngoz tueq tvralc tueq.

ASII LAKDAP Bible (BSI)

⁵¹ “Namshiq raq arthun manphan chongkuq tiikang arka tak tlan sha?” nguta Jesuq raq ajaqshisetiim ma waito. “O tak wan tiikai” nguta tsangshiq raq apaiq bom ka treto.

Muklom

⁵¹ Jesu aa ning ma pitta, “Nim aa iri tang raa usam eq tin i?” Ning aa batta, “Inn.”

Matthew 13:51 Referencias Cruzadas

Matthew 13:11

Yesu rueq tvralc tueq, “Raungx Mungtan nuex seng yaq vhttuiyq vpuiuc vruez thuiuz sungx hvlc lvmx htenc kuex tuiuz juing nuimshiq muex kuq tueq shex, yuq muinz wvyvmc rueq tuiuz muq dvyx doc.

Matthew 13:19

Lvmx nuex vdvy vlix kuex raungx Mungtan lvmx bomjungc tay wvnc ruiux muinz, tuiuz tay muq jix rulc rv-ngvlc yaq. Honc vbac waz httuiuc kaz vtueq tsuingshiq nuex vwuinc vlix kuex lvmz gay tueq.

Matthew 13:50

luic yaq wvrkez mungx nuex tuip tvdvy gay shuex, kvruex kaq tsuingshiq kuex vkhoarc vsez wac tvtsuir tvjet wuez shuex.

Matthew 13:52

Kvkhoc rvtueq vpiq rueq, “Raungx Mungtan nuex kungjix muex yaungc wvnc jix Tvrac tvluingc waz kuex miqmac tsak vnyvmx jep wawc vnyalx, nuiyc vkez kuex tvdungc lvmc jix yuimx jungx jix waz rulc rv-ngvlc yaq,” ngoz tueq tsuinghez muex tvralc tueq.

Matthew 15:17

Nuix mungx nuex nyuip wvnc yaq phvnx htenc kuex wuk nuex httuiuc yix maq phic tap nuex tvdung gay kaz yaq kuex nuimshiq rueq tuiuz muit dvyx doc haz?

Matthew 16:11

Wanx nuex seng vtueq ngaz rueq jungx mauk kuex nuimshiq rueq yvmx rvtueq lac rvwvl muit? Pharise nuk nuiyc Saduke nuk wisiz kuex koayc wuez shuinz, ngoz tueq ngaz rueq jungx vphaungx!” ngoz tueq.

Matthew 24:15

“Shvmmax Daniel rueq jungx wvnc tueq, ‘Tvbac tac yaq,’ vkawc yawc suirsac juing ikhoc phvnx kuex nuimshiq rueq khiz shuinx. Kvruex kuex vsawc baung nuex jvp tuex.” (Luik wvlc lawc jix waz rueq vruex lvmx khic roc kuex honc maq tuiuz tay juing rvtueq!)

Mark 4:34

Bomc tv-ngvlc maq rvmuq ngoz ruiux vpiq rueq tsuingshiq muex yvmx muinz jungx kuq muq, yuq muinz vpiq sangac hez rulc vdvmz tsuinghez jvnjvnc nuex kuex phvnx ruip saz vlvmz jalc jungx kuq tueq.

Mark 7:18

Yesu rueq tsuingshiq muex, “Nuimhez kuex miq vganc jix htauk nuex jvnc vtueq vtuiuz vtay raungluingx muinz tuiuz lot muit haz? Kantsec kox wawc miq vshiz mungx nuex nyuip waung yaq phvnx yvmx yuq muinz miq muex sawc muq tvyaungc lot muq.

1 John 5:20

Tishox Saz kuex httuiuc kaz yaq rvtueq, tsuingrux Tishox kuex tuiuz tay lot juing thuinz vpiq rueq naungshiq muex kuq shec phuex kuex naungshiq rueq tuiuz lvp vshix. Naungshiq kuex vpiq Saz Yesu Christu rulc vshiz dvyx yaungx vtueq tvraungx httax vtix ningkhvnc nuex, tsuingrux Tishox rulc muinz vshiz dvyx yaungx vtueq tvraungx httax vtix. Kvruex waz kuex tsuingrux Tishox rulc htummuq maqmuq rullungx muinz rvtueq.