Matthew 10:8 - Hawa Naga Bible 2001

⁸ Vthuiuz vsac jix htenc muex tvhvlc kuq shuinz; vthueyc jix htenc tvyuing tvtenc shuinz; vshungx jix htenc muex tvsawc kuq shuinz; htaungc htenc kuex yurc gay shuinz. Nuimshiq rueq kejux kuex htawguez rawguez maq lvp tuit ningkhvnc nuex miq yauk wawc muinz vhtuimc vphawx nauk thoz kaz maq kuq shuinz.

ASII LAKDAP Bible (BSI)

⁸ Lanta, atsiti thun ka chhintsii kuq wan rong laq; kiimaq atsai arkiti thun ka ama wa tiijang kuq wan ronglaq. Thupbi thati ashong ashai tsisiti thun kra tiihea kuq rong laq. Kiimaq tsak amii tha thun kra jobaiq ronglaq. Namshiq raq ara ningkun ara phe maq alap han, krai mren namshiq riimin nanok ma phe maq jaq ka shamkuqki rongkiq.

Muklom

⁸ Atakasa miqtang taqhal inn, utik miqtang shi wey thajey inn, angam tak miqtang shi tasang inn etho miqtang wang thangwa tang shi phanchak inn. Nim aa thanghung wang kap tin, nim atho thanghung wang ko inn.

Matthew 10:8 Referencias Cruzadas

ISAIA 55:1

Yehowa rueq, “Khvmx svy jix ukhaq muinz, kaz luit, vyuq yuix vhttax! Kuimphox vguez jix hez lex, kaz luit, tuiuz vtsvmz kuex ruiyx saq shuinz! Kaz luit! Svpiq tix nuiyc puix kuex ruiyx shuinz, vhtawz vrawz nuimshiq sumx rac muq!

WEAWEA 18:7

Yuq muinz msaz nuimhez rueq dvyx shomrawx nuiyc Vsawc Baung nuex seng vtueq shomc waz rueq gurc pic juing htenc kuex shuimc kay rax. Nuimhez rueq shuimc juing shomc waz yauk shuimc kuex yauk noalc ikhoc lekuq shec phaungx ningkhvnc nuex kvruex kuex mnoz rueq gurc pic juing rvtueq. Kvkhoc rvtueq vsawc baung nuex kvnvp kay jix seng muq miqsaz ukhaq yuq muinz vthueyc rvhumc tuex,” ngoz tueq jungx tueq.

Matthew 10:1

Yesu rueq vsangac hez waz rokshiz rac vnueyc kuex gvl vtueq, htaungc bac htenc yurc gay lot tvkoc nuiyc suk-ric jvrkanx phvnx ruip saz vthuiuz vsac htenc tvhvlc lot tvkoc tsuinghez muex vrangx vpangx kuq tueq.

Matthew 10:7

Khuemx kaz vtueq, ‘Raungx Mungtan kuex nyek wvnc yaq shex!’ ngoz tueq jungphvnx kuq shuinz.

Matthew 10:9

Nuimshiq khak nuex kuimshawx, kuimphox sawx, poysac sawx htenc kuex nauk gurx kaz;

Mark 16:18

Tsuingshiq rueq puiuc htenc kuex tsenz shuimx, rvmuq ngoz ruiux vyangx nuingx ruiux muinz tsuingshiq nuex yvmx muinz yaungx muq rvtuex; vthuiuz vsac jix miqsaz htauk nuex tsuingshiq yauk tvdaungc kuq vtueq tvhvlc gay shuex,” ngoz tueq jungx kuq tueq.

Luke 10:9

Kvruex ghaqyungx wawc vthuiuz vsac jix htenc muinz tvhvlc kuq ruiux, ‘Tishox Mungtan kuex nuimshiq hep nuex httuiuc wvnc yaq,’ ngoz tueq jungx kuq shuinz.

Acts 3:6

Yuq muinz Peter rueq, “Ngvy kox nuex kuimshawx nuiyc kuimphox kuex vguez, yuq muinz httax yaq phvnx kuex mnoz muex ngaz rueq kuq ix, Nazaret ghaq jix Yesu Christu muingc maq kvtenc vtueq khuemx wvnc kuiuz!” ngoz tueq.

Acts 4:30

Miq vthuiuz vsac htenc tvhvlc tvkoc m-yauk tvlanc shuiuz, mnoz vsawc Nvrc Waz Yesu muingc maq romzyac nuiyc vwangc juing htenc kuex shuimc lot tvkoc romc kuq koq,” ngoz tueq vjux thoz tueq.