Matthew 10:25 - Hawa Naga Bible 2001

²⁵ Jongx saz kuex piq tvluingc waz ikhoc, dax waz kuex piq jiyungx waz ikhoc yaungx ruiux kuex thuinz hvlc juing rv-khvmz tueq. Tsuingshiq rueq yuimx taungjix waz kuex Belzebul ngoz ruiux yuq piq yuimx wuinz kuex bac hvlc muingc juing shec rvtuex rvmuq haz!

ASII LAKDAP Bible (BSI)

²⁵ Kriikha maq chong mang ka ashrinti we pumkhü kra sam raüta siwan miitu chochi khiq maq si chang li. Kiimaq dise riika atijong we pumkhü kra sam raüta sichang. Jamtati we nang santla Tha Mungtu we nguta slailii tlaq jiika, apaiq jamti thun thaq niika kra thaq niimin tiinanpot naolaq mang abi miishe mimang wan!”

Muklom

²⁵ Likphattey sha tataltey mal ang ajo lali, etho qha sha tangteywa mal ang ajo lali. Him tangtey sha Beelzebul ta hal ajo, him adak miq tangma ahan jashit miing o halna!”

Matthew 10:25 Referencias Cruzadas

2 HOKHVMX 1:2

Israel Hokhvmx Ahazia kuex Samaria ghaq wawc piq hoc raungx htvp wawc ranc kanx maq dvy vtueq thuiuz hvlc rvhumc tueq. Kvkhoc rvtueq piq hvlc wvnc muex vbac lvmz tuiuz laz juing ngoz rueq Philistin mungx wawc Ekron ghaqyungx tishox Baalzebub muex wiz tvkoc piq kamx waz hez wvyvmc kuex tvkaz tueq.

Matthew 12:24

Pharise nuk rueq kvruex tay wuez vtueq, “Vruex waz kuex htaungc htenc guimz lawc jix waz Belzebul luimc vkawc maq rvmuq ngoz ruiux, htaungc htenc kuex yurc gay lot shuex rvmuq,” ngoz tueq.

Matthew 12:27

Belzebul rueq vkuq luimc vkawc maq ngaz rueq htaungc htenc kuex yurc gay ruiux yuq, nuimshiq yix phvnc jix htenc kuex ukhaq luimc vkawc maq lac yurc gay vshuinx? Nuimshiq yaq rax vtuinx lvmx kuex nuimshiq yix phvnc jix htenc rueq shuimx yaq lvmx kvraq hakhix khvmc yaq!

Matthew 9:34

Yuq muinz Pharise nuk rueq, “Vruex kuex htaungc wayungx rueq vpiq muex hungc vlaungc kuy ningkhvnc nuex htaungc htenc kuex yurc gay lot yaq,” ngoz wuez tueq.

Mark 10:39

Tsuingnueyc rueq, “Nvnueyc rueq khvmc lot shix” ngoz tueq tvralc tueq. Yesu rueq, “Vsuing ngaz rueq nuingx shaungx kok kuex nuimnueyc rueq nuingx shuinx, ngaz rueq lvmz shaungx yuix luip kuex nuimnueyc rueq lvmz shuinx.

Mark 3:22

Yerusalem wawc vkaz Tvrac tvluingc waz hez wvyvmc rueq, “Vpiq kuex Beelzebul kvpumz kaz, kvruex htaungc walaungx waz luimc vkawc maq vpiq rueq htaungc htenc kuex yurc lot yaq,” ngoz tueq jungx tueq.

Luke 11:15

yuq muinz tsuinghez wawc miq wvyvmc rueq, “Vruex kuex htaungc walaungx Beelzebul hungc vlaungc maq vpiq rueq htaungc htenc kuex yurc gay yaq,” ngoz tueq.

Luke 11:18

Kvkhoc rvtueq Satan mungtan nuex raz tsaz muq maq vdvmz dvmz rvkhvt ruiux yuq, yvmx khoc lac phaungx ngaungx tvnx? Ngaz rueq Beelzebul hungc vlaungc maq htaungc htenc yurc gay yaq ngoz tueq nuimshiq rueq jungx wuez vshuinx.

Luke 11:19

Mkhoc shoc maq ngaz rueq Beelzebul hungc vlaungc maq htaungc htenc yurc gay vshaungx ngoz ruiux yuq, nuimshiq kungjix bix rueq ukhaq hungc vlaungc maq lac htaungc htenc kuex yurc gay yaq nguinx? Tsuingshiq rueq doc muinz nuimshiq yaq vtuinx lvmx hakhix muex yaungx wuez yaq!

John 10:20

Tsuingshiq phungc wawc miq paunghvlc rueq, “Vpiq kuex htaungc kvpumz vtueq vngaz rvkaz! Vpiq kvjaz kuex yvmx ngoz tueq lac tay vshuinx?” ngoz tueq.

John 7:20

Kvkaq nuk miqsaz htenc rueq, “Mnoz nuex htaungc kvpumz kaz! Uraq lac mnoz thvy tvkoc hunglaungx yaq nguinx?” ngoz tueq tvralc tueq.

John 8:48

Tsuingshiq rueq Yesu muex, “Mnoz kuex Samaria miqsaz rvtoq nuiyc htaungc kvpumz jix waz rvtoq ngoz vphix kuex rvkhauk laz rvmuq haz?” ngoz tueq wiz tueq.

John 8:52

Tsuingshiq rueq, “Mnoz kuex htaungc kvpumz vtuiux lvmx majuiuc nuiyshiq rueq vsuing tuiuz tiq shex! Abraham nuiyc shvmmax bix htenc kuex vthueyc wvnc wuez shex, kvkhoc rvyruiux mnoz rueq, ‘Ngvy kvjaz tay jix waz kuex mkaq muinz vthueyc rvhumc tuex rvmuq,’ ngoz tueq ngoz vshuiux.