Matthew 10:20 - Hawa Naga Bible 2001

²⁰ Yvmx khoc lac ngoz ruiux lec kvruex kvjaz kuex nuimhez kvjaz rvmuq, nuimshiq Waz Siyac rueq nuimhez muex tvjungc phvnx kv-phuinx rvtueq.

ASII LAKDAP Bible (BSI)

²⁰ Jamkhano akha chongtiikang ngukla, namshiq raq bom tre chongkuq tlan bomtsi kriika, namshiq nübok wa adong bomtsi ka riimak. Shatmaq kriika nam We bomtsi Asii Wenyi raq namshiq nübok maq mibom.”

Muklom

²⁰ Chammatakoi, uraaq tey nim ang min, etharin nim Wa Asang Tsija nim nung o raaq kana.

Matthew 10:20 Referencias Cruzadas

2 SAMUEL 23:2

Yehowa siyac rueq ngaz maq raz tueq tvjungc phuex; vpiq bomjungc kuex ngvy tvlix nuex httax yaq.

DUNGWVNC 4:12

Majuiuc kaz kuiuz! Mnoz muex kvjaz ngaz rueq romc kuq phaungx, mnoz rueq yvmx khoc jungc juing lac kuex ngaz rueq jungx kuq phaungx,” ngoz tueq jungx tueq.

Matthew 6:32

(Vruex lvmz htenc kuex Tishox muex kvmluimx muq pungmungx miqsaz rueq rvwvlc tvmaung yaq lvmx rvtueq.) Kvruex phvnx htenc lotlaz nuimshiq rueq roc vshuinx kuex raungmungx wawc nuimshiq Waz rueq tuiuz yaq.

Mark 12:36

Dawid muex Vsawc Siyac maq tvjungc tueq kuex: ‘Taungjix rueq ngvy Taungjix muex jungx tueq kuex: mralx htenc kuex m-yaz nuiuz nuex ngaz rueq tvy kuy nuex httuiuc laz ngvy yauk keq kox nuex ngaungc kuiuz,’ ngoz tueq.

Luke 11:13

Nuimshiq layx vbac jix rueq doc muinz miqmac saz muex vhvlx phvnx htenc kuq thenc ruiux yuq kuex, raungmungx wawc Vwaz rueq vpiq kox wawc thoz jix htenc muex Vsawc Siyac kuq shuex rvtueq!” ngoz tueq jungx tueq.

Luke 12:12

Yvmx khoc lac ngoz ruiux lec Vsawc Siyac rueq kvruex vkhing nuex nuimshiq rueq yvmx khoc jungc juing lac kuex tvluing kuq kv-phuinx.”

Luke 21:15

Yvmx khoc lac ngoz ruiux lec nuimshiq ralx hez rueq khawx lot muq laz juing nuimshiq muex kvjaz hungc vlaungc nuiyc taksux tharc kuex ngaz rueq kuq phaungx.

Acts 13:9

Kvkaq Polu ngoz yaq Sholu kuex Vsawc Siyac vmvrx maq piq kuex tvtsuingc lawc vtueq,

Acts 2:4

Tsuingshiq muinz Vsawc Siyac mvrc wvnc vtueq, Siyac rueq nvr tueq rulc rv-ngvlc miqphvnx ruip saz kvjaz maq kvjak wuez tueq.

Acts 28:25

Polu rueq tsuingshiq muex, “Vsawc Siyac rueq shvmmax Esaia nuix maq, nuimshiq jix vwaz muex jungx shec tueq kvjaz kuex vsuing rvtueq, ngoz tueq Polu rueq bomc poshiz jungx tueq rulc rv-ngvlc tsuingshiq vdvmz dvmz thuinz raz muq maq kvtenc waung wvnc tueq!

Acts 4:8

Kvruex kaq Peter kuex Vsawc Siyac vmvrx maq tsuingshiq muex jungx tueq kuex; “Nuk miqsaz htenc muex walaungx bix nuiyc vyungx vlaungx bix lex:

Acts 6:10

Yuq muinz Stephen kuex Vsawc Siyac rueq vkuq taksux tharc kvjaz maq jungphvnc ningkhvnc nuex tsuingshiq rueq piq kuex khawx lot muq.

2 Corinthians 13:3

Christu kuex ngaz maq kvjak yaq lvmx hakhix kuex nuimshiq rueq thoz vphuinx rulc rv-ngvlc ngaz kaz ruiux yuq lvp shuinx. Christu kuex nuimshiq rulc rvbomc nyamc tueq nuex hungc vlaungc nulx muq maq vpiq luimc vkawc kuex nuimshiq muex tvkhic kuq shuex.

1 Thessalonians 2:13

Tishox kejux kuex nuiyshiq rueq mkaq muinz tvtsvmc vshix vganc phvnx shiz httax yek yaq. Nuimshiq kox nuex nuiyshiq rueq Tishox bomjungc jungphvnx kuq phix nuex miqsaz bomjungc ikhoc rvmuq, Tishox bomjungc rvtueq kuex nuimshiq rueq tay vtueq kvmluimx ruiux phvnx wvnc tuit. Yvmx khoc lac ngoz ruiux lec Tishox rueq kvmluimx jix miqsaz nuimshiq thuinz vmungx nuex yauk shuimc wvnc ningkhvnc nuex rvtueq.

1 Peter 1:12

Tsuingshiq rueq kvruex lvmz htenc jungphvnx wvnc tueq kuex tsuingshiq vjux lvp wvnc tvkoc rvmuq, nuimshiq tvkoc rvtueq lvmz Tishox rueq vruex shvmmax bix vmac tvkhic kuq tueq. Nuimshiq kox nuex Thuix Thaungx Vhvlx lvmc lvy jix htenc kuex shvmmax bix rueq tvluz nuex jungphvnx wvnc hez rueq raungmungx wawc vtvkaz Vsawc Siyac hungc vlaungc maq nuimshiq muex tvkhic tvtay kuy ningkhvnc nuex nuimshiq rueq tay wvnc tuit. Kvruex lvmz htenc kuex raungkamx bix rueq doc muinz vtuiuz roc rvtueq.

2 Peter 1:21

Yvmx khoc lac ngoz ruiux lec mruex jix shvmmax rueq vjungx wvnc ngoz ruiux muinz, miqsaz thuinroc maq yaungx dung wvnc tueq rvmuq, Vsawc Siyac rueq honc tvsvmc kuy rvhumc jix rueq dvyx Tishox kox wawc vkaz bomjungc kuex jungphvnx kuq yaq.