Matthew 10:18 - Hawa Naga Bible 2001

¹⁸ Ngvy ningkhvnc nuex nuimhez kuex guimz lawc jix nuiyc hokhvmx bix khaungkac nuex vphoc tvkoc het shvlx wvnc rvhumc tuinx, tsuingshiq htumc nuex muinz, Pungnuk phvnx htumc nuex muinz Thuix Thaungx Vhvlx kuex jungphvnc kuy vkhangx lvp wvnc shuinz.

ASII LAKDAP Bible (BSI)

¹⁸ Namshiq ka i sengi kha maq wanghuptibi nai hokhambi rung na mitiichap. Kriika namshiq raq tsangshiq ma nai tsangshiq sengibi ma kiimaq Pongnok phan ma Tsütsa Ahea kra chongke wan miitu.

Muklom

¹⁸ I tungkang o, governor tang etho lungwang tang eq nim raa hum eq sol kat pha nin; irimal ang jo ning nia Gentile tang ma tungtang aqhal jin bat eq nin.

Matthew 10:18 Referencias Cruzadas

Tvtsvmc 119:46

Mnoz rueq nvrc bomc htenc kuex hokhvmx bix khaungkac nuex ngaz rueq tvkhic jungphvnx kuq shaungx, ngaz kuex yvlc svy rvhumc taungx rvmuq.

Matthew 10:17

Honc lvmz wuez shuinz, yvmx khoc lac ngoz ruiux lec tsuingshiq rueq nuimhez kuex lvp vtueq phoc waz rungx nuex lekuq gay kv-phuinx, vjux thoz juing baung htenc maq nuimhez kuex wungc tvlc guirguenz kv-phuinx.

Matthew 10:19

Tsuingshiq rueq nuimhez kuex lekuq gay kv-phuinx, kvkaq nuimhez rueq yvmx khoc jungc juing lac ngoz tueq kungkhux nauk rvwvl kaz, nuimhez rueq jungc juing kvjaz kuex kvkaq jix nuimhez muex tvsvmz kuq shuex.

Matthew 8:4

Kvkaq Yesu rueq, “Tay shuiuz! Vruex lvmx kuex miq washiz muex muinz nauk tvtay jungx kaz duimx shuiuz, yuq muinz shomc waz kox nuex kaz vtueq m-gvnz kuex tvkhic kaz kuiuz, kvmaq miq khaungkac nuex hakhix yaungc tvkoc Moshe rueq jungx shec tueq rulc rv-ngvlc shomc nawk kuy juing kuex shomc kuq waung kuiuz,” ngoz tueq jungx kuq tueq.

Mark 13:9

“Nuimshiq shauk pumz honc lvmz hvt maq httax kuinz. Nuimshiq kuex lvp vtueq phoc waz muex kuq gay kv-phuinx. Vjux thoz yuimx htenc maq nuimshiq kuex wungc tvlc rvhumc tuinx; guimz lawc jix nuiyc hokhvmx bix htumc nuex ngvy ningkhvnc nuex nuimshiq jvp wuez vtueq, tsuingshiq muex Thuix Thaungc Vhvlx jungx kuq lvp shuinx.

2 Timothy 1:8

Kvkhoc rvtueq naungshiq Taungjix laung nuex hakhix khvmc tvkoc nauk yvlc sac kaz; Christu laung nuex khoktep miq yaungc jix waz ngvy ningkhvnc nuex muinz nauk yvlc sac kaz. Kvkhoc ruec tvraung, Tishox rueq mnoz muex hungc vlaungc kuq kv-phux rulc rv-ngvlc Thuix Thaungx Vhvlx ningkhvnc nuex vkuilc vdaz kuex nanx shuiuz.

Revelation 1:9

Ngaz kuex nuimshiq phunox waz Yohan rvtauk. Yesu yix phvnc jix waz vshiz ikhoc maq vpiq Mungtan nuex seng yaq miqsaz htenc rvhumc yaq kuilc daz kuex thuinz vluz maq nuimshiq rulc roc nuex nanx jix waz rvtauk. Ngaz kuex Tishox bomjungc nuiyc Yesu rueq hakhix tvkhic wvnc tueq tsuingrux lvmx jungphvnc tvtay kuy ningkhvnc nuex, Patmo julc lomz nuex tvkay gay rvhumc tauk.

Revelation 11:7

Tsuingnueyc rueq jungphvnx yaq bomjungc lot ruiux yuq, thuiuz hvlc baung wawc duiz waung tueq svl vwvl ngvmx saz rueq tsuingnueyc kuex khvt taungx gay ruiux thvt gay tueq.

Revelation 6:9

Khelbuenx Saz rueq tvsik bv-ngac ngoc yaungc kuex jalc koq tueq, Tishox bomjungc jungphvnc ningkhvnc nuex nuiyc tvmtuing maq hakhix khvmc ningkhvnc nuex vthvy gay rvhumc jix siyac htenc kuex shomrawx khung nuex ngaz rueq khiz tauk.