Mark 9:1 - Hawa Naga Bible 2001

¹ Vpiq rueq tvhttoarc jungx yek tueq kuex, “Nuimshiq muex ngaz rueq vsuing jungx ix, vyuq jvp vtuinx jix wvyvmc, Tishox Mungtan kuex luimc vkawc maq vtec taq kuex max khiz wawwawx vthueyc rvhumc muq rvtuex,” ngoz tueq.

ASII LAKDAP Bible (BSI)

¹ Kiimaq apaiq raq tsangshiq ma chongto, “Ngi chongpha, ümchaü arjaq maiq chapshatti phong arwa, wiijamti riika, Shiikeawe mungtan ka ningkun ajong maq saühotlaq kra chhithü hü maq tsai mak miraq.”

Muklom

¹ Etho Jesu aa ning ma batta, “Nga nim ma asing batphang, Shkewa mungtan tarong wang kat ukhi náng duk irina langtey tang wang chamtey miqtang ti moq angna.”

Mark 9:1 Referencias Cruzadas

Matthew 16:28

Ngaz rueq nuimshiq muex vsuing jungx kuq ix, vruex yuq jvp yaq jix wvyvmc kuex Miq Saz vruex Hokhvmx ikhoc httuiuc kaz yaq kuex khiz muq wawwawx thueyc kaz muq,” ngoz tueq.

Matthew 24:30

Kvruex kaq Miq Saz vruex vromz yac htenc kuex raungx nuex dung kvkhic tuex, kvkaq dvyx ghaq htauk wawc miqsaz lotlaz rueq Miq Saz kuex luimc vkawc ngauz vngax yunghvlc rulc vdvmz raungwawc phuemx htauk nuex ngaungc vtueq httuiuc kaz yaq kuex khiz ruiux yuq vkhoarc vsez rvwuez tuex.

Matthew 25:31

“Miq Saz vruex kuex raungkamx bix lotlaz rulc vdvmz nuex Hokhvmx raz tueq httuiuc kaz tuex nuex, hoc daungraungc htauk nuex ngaungc vtueq,

Mark 13:26

Kvruex kaq Miq Saz vruex kuex luimc vkawc nuiyc ngauz vngax yunghvlc maq phuemx htenc rulc httuiuc kaz yaq kuex khiz lvp shuex.

Mark 13:30

Majuiuc rv-nyanc wvnc vtuex miqsaz htenc max thueyc kaz shauk nuex, kvruex lvmz lotlaz yaungx wvnc tuex kuex rvwvl wuez shuinx.

Luke 2:26

piq kuex Taungjix bomkhvmc maq httuiuc kaz yaq waz Mesia kuex max khiz lvp wawwawx thueyc kaz muq, ngoz tueq.

Luke 22:18

Ngaz rueq nuimshiq muex jungx kuq ix, Tishox Mungtan max httuiuc wvnc wawwawx majuiuc vmaq vruex svpiq tix kuex ngaz rueq nuingx mauk shex rvshaungx,” ngoz tueq jungx tueq.

Luke 22:30

Ngvy Mungtan wawc ngvy humpanx nuex nuimshiq kuex ngaz rulc vdvmz phauk saq lvp wuez shuinx, nuiyc hoc daungraungc htenc nuex ngaungc vtueq Israel phvnx waruiuz rokshiz rac vnueyc kuex guimz lawc shuinx, ngoz tueq jungx tueq.

Luke 9:27

Nuimshiq muex ngaz rueq vsuing jungx kuq ix, vruex yuq jvp jix wvyvmc kuex Tishox Mungtan max khiz lvp wawwawx thueyc wuez muq rvtuex,” ngoz tueq.

John 21:23

Kvkhoc rvtueq kvruex kungjix waz kuex thueyc tuex rvmuq, ngoz tueq kvjaz kuex Yesu yix phvnc naungc jix kungjix htenc kox nuex nyvmc wvnc tueq. Yuq muinz Yesu rueq kvruex waz kuex thueyc muq ngoz tueq ngoc kvjaz rvmuq, “Ngaz httuiuc kaz taungx nuex httuiuc laz piq kuex rullungx tvraungx tvhttaz roc ruiux muinz, mnoz muex yvmx lac seng tvnx?” ngoz tueq vjungx dvyx rvtueq.

Hebrews 2:9

Yuq muinz naungshiq rueq khiz wvnc tiq waz kuex Tishox kejux maq miq lotlaz tvkoc vthueyc khvmc kuy muex vlosaz dvyx raungkamx bix khung nuex tvruinc gay rvhumc jix waz Yesu rvtueq. Vpiq kuex vthueyc vmvy kuilc vdaz rvhumc tueq ningkhvnc nuex majuiuc ngauz vngax nuiyc tvtsanc nganc khushec tvbuz tueq kuex naungshiq rueq khiz lvp vshix.