Mark 7:9 - Hawa Naga Bible 2001

⁹ Tvhttoarc vtueq Yesu rueq, “Nuimshiq rueq miqmac htungx vlayx htenc kuex tv-phvnc shuimc kay tvkoc Tishox tvrac tvdux gay kuex yoalx rekrek saz dvyx mvnauz.

ASII LAKDAP Bible (BSI)

⁹ Kiimahali, Jesuq raq bom ka akha chongto, “Namshiq ka pinthum khonglaq lanta, maiqmii tri raü tu kra shreng tlan. Lanta, Shiikeawe aming ka no na tsuqbaiq tlan.

Muklom

⁹ Ethi jio Jesu aa batta, “Nim aa nim thong aa ley tha phan ma Shkewa thong sha ràa moq ta shingchak aa.

Mark 7:9 Referencias Cruzadas

Tvtsvmc 119:126

Yehowa lex, miqsaz rueq mtvrac yanc gay ningkhvnc nuex, kvruex vkhing mnoz tvkoc shuimc jauz rvtueq.

ISAIA 24:5

Miq htenc rueq Tishox tvrac htenc kuex tvbac gay tueq ikhoc maq muinz, pattup phaungx ngaungx tvkoc vpiq rueq vkuq bomkhvrc htenc kuex yaq gay tueq ikhoc maq muinz, ghaq kuex tvshuy shac gay tueq.

ISAIA 29:13

Yehowa rueq, “Vruex miq htenc vraq ngaz muex nawk palx tvkoc jungx wuez yaq, yuq muinz tsuingshiq kvjaz htenc kuex vlvmz vguez, tsuingc thuinz vmungx muinz baungshiz shiz nuex phaungx wuez yaq. Tsuingshiq nawk palx htungx kuex tsuingshiq rueq khuec guez tvtsuingc miq tvrac htenc nuiyc htungx vlayx htenc maq lvy vtueq khuec guez dvyx rvtueq.

DANIEL 11:36

“Suria hokhvmx rueq piq thuinroc ruez shuex. Piq kuex vganc tishox htauk nuex muinz pinhtumc vyungx rvtueq, Johvlc Tishox htauk nuex muinz pinhtumc vyungx ngoz tueq piq kvsomc parc tuex. Tishox rueq piq muex murx tvgurc shuex nuex httuiuc laz piq rueq vkhoc shuimx shuex. Tishox rueq vpiq kvmungx httax yaq rulc rv-ngvlc rvshuex rvtueq.

DANIEL 7:25

Piq rueq Johvlc Tishox kuex khawx lvlx vtueq, Tishox miqsaz kuex tuinghtuing shuex. Piq rueq tsuingshiq kvmluimx tvrac htenc nuiyc phuiuz vsvy moalx htenc kuex layc gay roc yaq, Tishox miqsaz htenc muinz piq luimc vkawc khung nuex wawc thuimx jvnc httax tuex.

Mark 7:13

Vkhoc layx maq nuimshiq rueq miq vganc muex tvlez kuq vshuinx tvluingc jungphvnc lvmz nuiyc Tishox bomjungc kuex tvmoz maq gay vshuinx. Kvrulc rv-ngvlc yaq layx htenc paunghvlc kuex nuimshiq rueq phvnx vtueq shuimx kaz wuez vshuinx,” ngoz tueq tsuingshiq muex jungx tueq.

Mark 7:3

(Yvmx khoc lac ngoz ruiux lec Pharise nuk nuiyc Yuda miqsaz wvyvmc kuex jix vwaz tamx rueq tvluing wvnc tueq htungx kuex phvnx vtueq, yauk kuex vhvlx waq hoal muq ngoz ruiux tsuingshiq rueq phauk saq muq;

Mark 7:5

Kvkhoc rvtueq Pharise nuk nuiyc Tvrac tvluingc waz hez rueq, “Msangac hez rueq yvmx ngoz tueq lac naungjix naungwaz htungx vlayx phvnx muq maq, yauk hoalc guez vshuy vshac maq dungc saq yaq nguinx?” ngoz tueq Yesu muex wiz tueq.

Romans 3:31

Kvkhoc ngoz ruiux yuq naungshiq kvmluimx thuinz maq Tvrac kuex vtvdux haz rvgay vshix? Kvkhoc kuex rvmuq; Tvrac kuex naungshiq rueq tv-phaungx ngaungx vshix rvtueq.

2 Corinthians 11:4

Yvmx khoc lac ngoz ruiux lec miq washiz shiz kuex nuimshiq kox nuex httuiuc kaz vtueq, nuiyshiq rueq jungphvnx kuq phix waz Yesu lvmx kuex rvmuq maq, vganc washiz lvmx kuex jungphvnx kuq ruiux yuq nuimshiq rueq kokez thuinz maq lvp wvnc wuez tuit; nuimshiq rueq nuiyshiq kox wawc tay wvnc tuit shuenruenc bomjungc kvrulc rv-ngvlc muq bomjungc muinz, kungkhux nuex lvp wvnc tuit Siyac rulc raungluingx muinz rv-ngvlc muq siyac kvruex muinz lvp wvnc tuit!

Galatians 1:14

Ngaz rueq Yuda miqsaz nawk palx htungx phvnx tauk nuex, ngaz rulc kecshiz wuinz Yuda miqsaz paunghvlc htauk nuex muinz pinhtumc thuinz tvyungc vtueq jix vwaz htungx vlayx lvmx kuex phvnx wvnc tauk.

Galatians 2:21

Tishox kejux kuex ngaz rueq tvdux gay mauk. Yuq muinz miqsaz kuex Tvrac maq Tishox rueq tvtsuing tvrux kuy vkhangx lvp wvnc lot ruiux yuq, Christu vthueyc khvmc tueq kuex khuec guez dvyx rvtueq.

2 Thessalonians 2:4

Piq rueq miq htenc rueq nawk palx yaq tishox ngoz yaq phvnx ruip saz kuex vngvr kox nuex khawx lvlx vtueq, piq shauk pumz kuex lotlaz htauk nuex muinz ngauz vngax httaz hvlc waz ngoz tueq kv-ngoc tuex. Piq kuex Tishox Shomc Yuimx nuex doc muinz nyuip vtueq ngaungc ruiux, piq kv-ngoc Tishox ngoz tueq kv-ngoc tuex.