Mark 7:7 - Hawa Naga Bible 2001

⁷ Tsuingshiq rueq ngaz muex nawk palx yaq kuex tsuingshiq tvkoc shauk httuiz dvyx, yvmx khoc lac ngoz ruiux lec tsuingshiq kuex miq rueq vtvhungx tvrac htenc kuex Tishox tvrac htenc ikhoc jungphvnx tvluing kuq yaq!’ ngoz tueq Tishox rueq jungx tueq ngoz tueq wuiyq shec tueq.

ASII LAKDAP Bible (BSI)

⁷ Tsangshiq raq ngi shomnoq tlaq kriika liip hü. Tsangshiq maiqmii raq athü tri ka, Ngi raq akuq ha tri ikha shrinkuq tlo!’

Muklom

⁷ Ning aa nga thang hung na shumnuk phang, chammatakoi ning aa miqtang thong sha i thong ta bat eq tatal kot aa.’”

Mark 7:7 Referencias Cruzadas

ISAIA 29:13

Yehowa rueq, “Vruex miq htenc vraq ngaz muex nawk palx tvkoc jungx wuez yaq, yuq muinz tsuingshiq kvjaz htenc kuex vlvmz vguez, tsuingc thuinz vmungx muinz baungshiz shiz nuex phaungx wuez yaq. Tsuingshiq nawk palx htungx kuex tsuingshiq rueq khuec guez tvtsuingc miq tvrac htenc nuiyc htungx vlayx htenc maq lvy vtueq khuec guez dvyx rvtueq.

MALAKI 3:14

Nuimshiq rueq, ‘Tishox muex nawk palx kuy kuex khuec guez dvyx. Vpiq rueq jungx yaq rulc rv-ngvlc shuimx kaz ruiux muinz, naungshiq miqmac yaq wvnc tiq mvrax htenc laung nuex yonzyex vtix lvmz Tvphaungc Tvsuip Yehowa muex laungc maq tvkhic ruiux yuq muinz yvmx vjux lac httax yaq nguinx?

Matthew 15:9

Tsuingshiq rueq ngaz muex nawk palx yaq lvmx kuex khuec guez dvyx rvtueq, yvmx khoc lac ngoz ruiux lec tsuingshiq kuex miq rueq tvhungx vtueq vjungx htenc kuex ngvy tvrac htenc ikhoc tvluing kuq yaq ngoz tueq jungx yaq kvjaz mtanc lac aungx yaq nguinx!’ ” ngoz tueq jungx tueq.

Matthew 6:7

“Nuimshiq rueq vjux thoz ruiux yuq mungganc miqsaz rueq ikhoc yvmx vlvmx muinz dung muq kvjaz maq nauk thoz kaz, tsuingshiq rueq loayc hvlc thoz ruiux yuq jix tsuingshiq tishox htenc rueq tay kuq phuex ngoz tueq tvmaung wuez yaq.

1 Corinthians 15:14

Christu kuex vthueyc wawc yuing kvtenc wvnc muq doc ngoz ruiux kuex, nuiyshiq rueq jungphvnx vshix kvjaz kuex khuec guez yaungx vtueq, nuimshiq kvmluimx vtuinx lvmx kvmuinz khuec guez dvyx rvtueq.

1 Corinthians 15:58

Kvkhoc rvtueq ngaz rueq lungwawc vphaungx phunox bix lex, phaungx duingduing maq jvp wuez kuinz. Taungjix yauk shuimc gurc pic lvmx kuex mkaq muinz khuec guez yaungx kaz muq kuex nuimshiq tuiuz wvnc vtueq, Taungjix yauk shuimc nuex mkaq muinz shuimx kaz wuez shuinz.

TRI CHONGKE 12:32

“Nuimshiq muex ngaz rueq nvr vphaungx htenc kuex shuimx kaz wuez shuinz; tvrvp htawc muinz mvy muq, tvyomx gay muinz mvy muq.

Colossians 2:22

Kvruex tvrac kuex laukshiz shuimc lot yix maq vjux vguez phvnx muex yaungx yaq; kvruex phvnx htenc lotlaz kuex miq rueq vtvhungx tvrac nuiyc tvluingc laungc lvmx htenc dvyx rvtueq.

Titus 3:9

Yuq muinz vjux vguez rvkhawc lvlc lvmx, jix vwaz mvnphvnc loayc hvlc phvnc jvnc lvmx, rvthoz thvy lvmx, Tvrac nuex seng vtueq rv-ngoc ngac lvmx htenc kuex koayc shuiuz. Kvkhoc lvmx phvnc kuex vjux vguez nuiyc khuec guez dvyx rvtueq.

James 1:26

Miq washiz shiz rueq miqmac kuex nawk palx htungx vlayx tvtsanc nganc jix waz ngoz tueq tvmaung ruiux yuq muinz, miqmac tvlix khvrc lot muq ngoz ruiux yuq, piq nawk palx htungx kuex khuec guez dvyx raz tueq piq shauk gvnz kuex laulawc gay dvyx rvtueq.

James 2:20

Miqyaq vngaz lex! Honc vyaungc vguez maq kvmluimx tuiux kuex khuec guez yaungx yaq lvmx tuiuz roc haz?

Revelation 22:18

Vruex luik nuex httax yaq shvmmax kvjaz kuex tay wvnc jix htenc muex ngaz Yohan rueq tvtsuir daungdaungx honc jungx kuq vphaungx: uraq yuq muinz vruex dvp vyuq phvnx shishiz tvrvp wuiyq ruiux yuq, kvruex waz htauk nuex Tishox rueq vruex luik dvp vyuq jungx shec tueq thuimkux htenc kuex tvhttuiuc kuq shuex.

1 SAMUEL 12:21

Lvmx tvmawc jix tishox htenc yix kvyuq nauk phvnx wuez kaz; kvruex raq nuimshiq muex romc kuq lot kv-phuinx rvmuq, kvruex kuex vmuik shauk rvmuq ningkhvnc nuex nuimshiq kuex palc lot shuex rvmuq.