Mark 7:4 - Hawa Naga Bible 2001

⁴ boyat wawc vruiyx wvnc yvmx yuq muinz tsuingshiq rueq kungkhux hoal guez maq phauk saq muq. Kvmaq kok, panx, tuik htenc, woalchuing htenc muinz vhvlx waq hoalc nuex seng yaq vganc htungx vlayx htenc paunghvlc kuex phvnx wuez yaq.)

ASII LAKDAP Bible (BSI)

⁴ Kiimaq kejat wa aphaq asea chang jamlai phan wa lam wan tlaq, kriimin riikhaqli thungtri maq hewan hü miika, nü na thii mak phan. Kiimaq arthaq niimin thung alai, apii chang pahea asi riito; kok, tak, nairai winpin kiimaq changdü kiimaq changdü thun kriika, thungtri maq riikhaqli heraütiitiq langtlo.)

Muklom

⁴ Tangwang sangching wang thok som jio thong aa ley thimal khol eq ethi jio hun phaksat ching; etho ning ma daqhan thong adak dak angta; kok, khap, khowan etho jibching khol ching.

Mark 7:4 Referencias Cruzadas

Tvtsvmc 26:6

Yehowa lex, ngaz mvrax kop muq kuex tvkhic kuy tvkoc ngvy yauk hoal vshaungx, nawk palx muex mshomrawx kuex tvroz khuemx vtaungx.

ISAIA 1:16

Nuimshiq gvnz kuex tvsawc hoal shuinz. Ngvy rueq khiz yaq nuex nuimshiq rueq shuimx vshuinx layx vbac phvnx lotlaz kuex httvr shuinz. Rvtueq, layx bac yauk shuimc kuex httvr gay ruiux

JEREMIA 35:5

Kvruex yimaq ngaz rueq Rekhab miqsaz htenc khaungkac nuex svpiq tix vmvrx pantuimz htenc nuiyc kok htenc kuex tux kuq vtueq, “Svpiq tix raungluingx nuingx wuez shuinz,” ngoz tueq jungx tauk.

JEREMIA 4:14

Yerusalem lex, mnoz palc wvnc rvhumc tvkoc mthuinz mungx wawc layx bac kuex hoal gay shuiuz. Mnoz kuex mtanc nuex httuiuc laz lac vbac kvmungx hvt rvtuiux?

Matthew 23:25

“Kvyonc yuk jix Tvrac tvluingc waz hez nuiyc Pharise nuk nuimshiq kuex kvhiz juing httax yaq! Nuimshiq rueq nuimshiq kok nuiyc panx htenc vtsec kox kuex tvsawc hoal taq vshuinx yuq muinz, nuimshiq mungx nuex kuex yauk laungc yalawx nuiyc miqmac vjux thuiyx vshuinx tvrac muq lvmz dvyx mvrc yaq.

Matthew 23:26

Muik mawz Pharise nuk lex! Kok vmungx kox kuex kungkhux tvsawc hoal shuinz, kvkhoc hoal ruiux yuq jix vtsec kox muinz sawc wvnc tuex.

Matthew 27:24

Pilat rueq yvmx khoc jungc muinz mvy muq nuk miqsaz htenc kuex rvmulc tsvlc wvnc tueq lvmx tuiuz ningkhvnc nuex, yuix lvmz ruiux nuk miqsaz htenc htumc nuex yauk hoal vtueq, “Vruex waz thueyc tuex lvmx kuex ngvy htauk nuex tvdaungc juing rvmuq, nuimshiq htauk nuex dvyx rvtuex!” ngoz kuq tueq.

Mark 7:8

“Nuimshiq kuex Tishox rueq nvr yaq kvjaz kuex gay iruiux, miqsaz rueq tvluing yaq kvdvyx phvnx wuez vshuinx,” ngoz tueq.

John 2:6

Yuda miqsaz tvsawc nawc hoalc vhtungx httax yaq rulc rv-ngvlc, liter shashiz banz yaq lung gvmtuik tvruk tux taq tueq.

John 3:25

Yohan sangac wvyvmc kuex yuix luip lvmc lvmx nuex seng vtueq Yuda miqsaz washiz rulc rvkhawc lvlc tueq.

Hebrews 9:10

Kvruex htenc kuex phuiuz vsvy, vnuingc juing phvnx nuiyc tvsawc nawc htungx vlayx phvnx ruip saz nuex seng vtueq shuimc lvmc dvyx rvtueq. Kvruex htenc kuex Tishox rueq vnyalx tvhungx shuex pat max httuiuc baunglaung vtaq shec raungkhuix tsax nuex seng yaq phvnc juing tvrac dvyx rvtueq.

James 4:8

Tishox kox nuex kvnvp wuez kuinz; kvkhoc ngoz ruiux jix vpiq muinz nuimshiq kox nuex httuiuc kaz tuex. Mvrax vhttax jix htenc lex, nuimshiq yauk kuex hoal wuez shuinz, kvyonc yuk thuinz httaz jix htenc lex, nuimshiq thuinz vmungx kuex tvsawc wuez shuinz.

1 John 1:7

Yuq muinz vpiq kuex raungwuic nuex httax yaq rulc rv-ngvlc naungshiq muinz raungwuic nuex httax ruiux yuq kuex, vshiz maq vshiz vdvmz dvmz kungjix rvyaungc lvmz rvtueq, vpiq Saz Yesu tvguiy maq naungshiq mvrax httax yaq htenc kuex hoal kuq gay phuex.