Mark 7:21 - Hawa Naga Bible 2001

²¹ Yvmx khoc lac ngoz ruiux lec miq thuinz vmungx maq vbac kvmungx htenc dung kaz vtueq, kvraq piq kuex honc vbac layx htenc tvshuimx yaq sahtok sapawx yaungx yaq, vguiuq vrot rvyaq, miq thvt yaq,

ASII LAKDAP Bible (BSI)

²¹ Maiqse tsan mong na sethoq ja, abi tiima, ahuk ja, maiqtsea maiqta tiima,

Muklom

²¹ Chammatakoi miq tinmong wang jashit tinthin, sathuk, hut hut, tatik tinthin,

Mark 7:21 Referencias Cruzadas

RAPHA HIQWA LAK 6:5

Ghaq htauk wawc miqsaz htenc kuex mtanc lac layx bac vtueq, vkhing ruip rawx nuex tsuingshiq rueq tvmaung yaq lvmz mtanc lac honc bac yaq nguinx kuex Yehowa rueq khiz vtueq,

RAPHA HIQWA LAK 8:21

Yehowa rueq vhomc vtumc thuingc kuex raungc raq yaq rvtueq, “Ngaz rueq miq honc vyaungc ningkhvnc nuex yix maq mkaq muinz ghaq muex tuemc kuq shaungx rvmuq; miq kuex nosaz maq phuex honc vyaungc vbac kuex ngaz rueq tuiuz yaq. Ngaz rueq vtvraungx yungsuiuz yawxsaz htenc kuex majuiuc lauk vkhoc mkaq muinz laukshiz tvbac gay yek shaungx rvmuq.

YOBA 14:4

Miqsaz ikhoc sawc muq phvnx hup vsvmx yvmx phvnx wawc muinz vsawc phvnx tvdung lot shuex rvmuq.

YOBA 25:4

Tishox khaungkac nuex ukhaq lac tsuingrux yaungx yaq nguinx? Ukhaq lac sawc yaungx lot yaq nguinx?

Tvtsvmc 119:36

Tsak vnyvmx rungwanx wvnc tix htauk nuex mtvrac htenc phvnc kuex pinhtumc raungc raq thuinz ngaz muex htawc kuq koq.

Tvtsvmc 14:1

Vngaz jix rueq, “Tishox vguez,” ngoz tueq tsuingshiq pumz maq kv-ngoc yaq. Tsuingshiq lotlaz kuex bac wvnc vtuex, tsuingshiq rueq vhiz juing phvnx htenc kuex shuimx wuez tueq; vlvmx yauk shuimc jix ukhaq muinz vguez.

Tvtsvmc 14:3

Yuq muinz tsuingshiq lotlaz yaq wvnc wuez vtuex; tsuingshiq lotlaz vdvmz dvmz bac wvnc vtuex. Vlvmx yauk shuimc jix miq tsuingshiq nuex vshiz muinz httax muq, vsuing vshiz muinz vguez.

Tvtsvmc 53:1

Vngaz jix rueq, “Tishox vguez” ngoz tueq tsuingc thuinz maq ngoz wuez yaq. Tsuingshiq lotlaz honc vyaungc bac wvnc vtueq miqhiz vsac phvnx shuimx wuez yaq; vlvmx yauk shuimc kuex shuimc jix miq vshiz muinz vguez.

Tvtsvmc 53:3

Yuq muinz miqsaz htenc rueq vpiq muex yix tvnungx shung kuq wuez yaq; tsuingshiq lotlaz vdvmz dvmz vbac jvnc rvtueq. Vlvmx yauk shuimc jix tsuingshiq nuex vshiz muinz vguez, vsuingc suing vshiz muinz vguez.

TAKSU LAK 15:25

Yehowa rueq tuluimc thuinz httax yaq jix yuimx htenc kuex tvbac gay shuex, yuq muinz mvntix nyuiuz tamx hup vsvmx kuex tvwungx kuy rvshuex.

TAKSU LAK 4:23

Mnoz rueq kvmungx vshuiux lvmx rueq mrullungx kuex shvmx vrvmx tvdung kuq yaq ningkhvnc nuex, mnoz rueq kvmungx vshuiux lvmx yvmx khoc lac httax yaq nguinx kuex honc lvmz shuiuz.

ISAIA 59:13

Nuiyshiq rueq mnoz kuex khawx lvlx vtueq, mnoz tvdux gay ruiux, m-yix nuex phvnc tvkoc tvlvlc vshix. Nuiyshiq rueq vganc jix kuex guirguenz ruiux mnoz muex khawx lvlx vphix. Nuiyshiq kvmungx htenc kuex vyaq; nuiyshiq kvjaz htenc muinz vrot vkaq dvyx rvtueq.

ISAIA 59:7

Nuimshiq rueq vbac phvnx shishiz kuex mkaq muinz dvnc dawc vtueq, mvrax kuex thauk muit maq shuimx kaz vshuinx. Nuimshiq rueq mvrax vguez miq thvy gay tvkoc mkaq muinz lv-nyvnx muit. Nuimshiq httuiuc vtuinx baung htenc nuex tvbac tac gay dvyx kvjungx yaq,

JEREMIA 16:12

Yuq muinz mnoz kuex mjix m-waz hez htauk nuex muinz vjvnc vbac shuimx vshuiux. Nuimshiq lotlaz kuex khux tsanz ruiux layx bac vtueq, ngvy kvjaz kuex tay wuez muit.

JEREMIA 17:9

“Miq thuinz vmungx kuex uraq lac tuiuz tay lot yaq nguinx? Vrot vkaq maq lvy vtueq yvmx muinz vguez; kvruex tvhvlc tvkoc kuex thuiuz hvlc shex rvtueq.

JEREMIA 4:14

Yerusalem lex, mnoz palc wvnc rvhumc tvkoc mthuinz mungx wawc layx bac kuex hoal gay shuiuz. Mnoz kuex mtanc nuex httuiuc laz lac vbac kvmungx hvt rvtuiux?

EJEKIEL 38:10

Vruex kuex Johvlc Yehowa rueq Gog muex jungc rvtueq: “Kvkhoc httuiuc wvnc tuex kvkaq, mnoz kuex layx vbac kvmungx thuinz httax tuiux.

Matthew 15:19

Yvmx khoc lac ngoz ruiux lec thuinz vmungx maq miq thvt yaq, miq juik rulc rvsenc yaq, sahtok sapawx yaungx yaq, miq hup svmx guiuq yaq, vyaq hakhix khvmc yaq ngoz yaq honc vbac kvmungx lvmz htenc yaungx yaq.

Matthew 9:4

Tsuingshiq rueq tvmaung yaq lvmx kuex vpiq rueq tuiuz vtueq, “Nuimshiq rueq yvmx ngoz tueq lac vbac honc vbac tvmaung vshuinx?

Mark 7:20

Vpiq rueq jungx yek tueq kuex, “Miq thuinz vmungx maq dung yaq phvnx rueq dvyx miq muex sawc muq tvyaungc yaq.

Mark 7:22

miqjuik senc wvnc yaq, kvkax wax rvyaq, nuiyc vganc honc vbac lvmx phvnx ruip, vlauc vlawc rvyaq, sahtok yaungx yaq, khelric bac yaq, vrot vkaq rvyaq, kvsomc parc lvmx, nuiyc miqyaq yauk shuimc tvshuimc yaq,

Luke 16:15

Yesu rueq tsuingshiq muex, “Nuimshiq rueq miqmac shauk vgvnz kuex tsuingrux jix ikhoc miqmuik lawc nuex kvyaungx shaungx vtuinx, yuq muinz Tishox rueq nuimshiq thuinz vmungx kuex tuiuz yaq. Yvmx khoc lac ngoz ruiux lec miq rueq vhtawz vtsanz raungc raq yaq hup svmx htenc kuex Tishox khaungkac nuex htawz guez yaungx yaq.

Acts 5:4

Mnoz rueq ghaqphux kvruex max shaung nuex kuex m-ghaqphux rvtueq, vshaungc gay yix kuimphox kuex mnoz rueq guimz yaq. Kvkhoc rvyruiux yvmx ngoz tueq lac kvkhoc ruez vshuiux? Mnoz rueq miqsaz muex rot vshuiux rvmuq, Tishox muex rot vshuiux,” ngoz tueq.

Acts 8:22

Kvkhoc mnoz rueq honc vbac kvmungx vshuiux kvwawc thuinz layc wvnc shuiuz, Taungjix kox wawc thoz shuiuz ngoz ruiux mnoz thuinz vmungx nuex vbac tvmaung vshuiux lvmz kuex mvrax dawc kuq kv-phux.

Romans 7:5

Yvmx khoc lac ngoz ruiux lec naungshiq kuex gvnngvmx thuinz phvnx vtueq rullungx tvraungx httax tiq baunglaung, Tvrac rueq htuiuz shuiuz ningkhvnc nuex mvrax yaq roc thuinz kuex naungshiq gvnngvmx nuex phoal phak vtueq, naungshiq rueq shuimx wvnc tiq htenc kuex vthueyc juing dvyx yaungx wvnc tueq.

Romans 7:8

Kvruex nvrc bomc ningkhvnc nuex mvrax rueq rvnphvnx juing phvnx ruip saz kuex ngaz nuex yaungx wvnc laz juing thuinz nuex htuiuz shuiuz kuq yaq. Kvruex tvrac vguez ngoz ruiux mvrax kuex vmaungx dvyx rvtueq.

Colossians 3:5

Kvkhoc rvtueq sahtok sapawx yaungc lvmx, vshuy vshac phvnc lvmx, vraungc raq lvmx, vbac phvnx shuimc roc thuinz httax yaq lvmx, kvkax wax lvmx htenc maq phaungc vtueq, mungkawx gvnngvmx maq rvnphvnx vtuinx htenc kuex tvthueyc gay shuinz. (Kvkax wax lvmx kuex yac yuimx nawk palx lvmx phvnx shiz rvtueq.)

Titus 3:3

Yvmx khoc lac ngoz ruiux lec mvnnuex naungshiq muinz vngauk vngaz muex yaungx vtueq kvjaz tay miq maq lvmx mawc wvnc tiq. Naungshiq vroc lvmz nuiyc thuinz hvlc lvmx phvnx ruip saz shuimc wvnc tiq, kvruex dax muex muinz yaungx wvnc tiq. Naungshiq nuex mkaq muinz vshuiuc vpac nuiyc vkhvnx vnyvnx thuinz httaz wvnc tiq, miq rueq naungshiq shuiuc pac phuex rulc rv-ngvlc naungshiq rueq muinz tsuingshiq kuex shuiuc pac wvnc tiq.

James 2:4

vdvmz dvmz miq rvthvlc httauk vtueq honc vbac kvmungx thuinz maq phoc kuy muex yaungx yaq.