Mark 4:6 - Hawa Naga Bible 2001

⁶ Kvruex yimaq shalx kawc thuiuz rueq kawc wvnc koq tueq vruingx phaungx juing vguez ningkhvnc nuex yuiuq wvnc vtueq thueyc kaz tueq.

ASII LAKDAP Bible (BSI)

⁶ Shatmaq, tsamrang ka hiqmong na atsaü wamak dea riito. Kriikha maq, rakii raq tsamcham thun ka chaq baiqto. Krai mren tsamcham ka wiita tsaikito.

Muklom

⁶ Etho rangsal tha thalat atho uli hapta tang tha qhuk tita chammatakoi uchíng sha awung náng wang moq angta.

Mark 4:6 Referencias Cruzadas

ASHICHONG 1:6

Ngvy shauk gvnz kuex shalx kawc rueq juiuz ningkhvnc nuex nyauk kaz tauk, ngaz kuex nauk lawc wuez vkueq. Iphuz hez kuex ngaz muex khaq vtueq ngaz kuex svpiq sunc nuex yauk tvshuimc phuex. Ngaz kuex ngvy gvnz kvsvp rvp tvkoc vkhing muinz vguez.

ISAIA 25:4

Htemc saz jix nuiyc romc lawc kuy lvp muq jix htenc kuex mnoz kox nuex nyuip yuz wvnc vtueq, kuilc daz rvhumc yaq vkhing nuex tvkhup wungx lvp wuez yaq. Mnoz rueq tsuingshiq muex raunghtiq raungguil kvgawx juing muinz kawc hvlc kalx yaq wawc kvguing kvbuingc juing maq puingc kuq toq. Guirguenc naqsaq jix htenc rueq khvt yaq kuex raunglawc raungguil vshiz ikhoc muinz,

Jona 4:8

Shalx dungc yix Tishox rueq kalc hvlc shaldungc raungguil kuex tvguil tueq, Yona piq khux htauk nuex raungkawc kvraq khamc wvnc koq tueq, maungc kaz khvmz rvtueq. Kvkhoc rvtueq piq kuex vthueyc kay roc tueq. Piq rueq, “Ngaz kuex tvraungx httax taungx ngoc manz vthueyc kay waz kuex vhvlx,” ngoz tueq kvbot tueq.

Matthew 13:6

shalx kawc rueq vruingx waungc lot muq rvtueq vyuiuq rvwvnc tueq.

Mark 4:5

Vbez kuex ghaqbur vthvp lung ruiyx khuix nuex dvy vtueq, kemz tueq rvhvt maq ghaqbur htvy muq ningkhvnc nuex vlix kuex yauk lox dvyx kemz kaz tueq.

Mark 4:7

Vbez kuex shuiuq ruix rumz nuex dvy tueq, shuiuq jungx htenc kuex yungx wvnc vtueq vwuinc vruez htenc kuex luimz wvnc ningkhvnc vthuey thuey lot muq.

Ephesians 3:17

kvmluimx ningkhvnc nuex Christu rueq nuimshiq thuinz vmungx htenc nuex vpiq httaz juing muex mtvyaungc shueq nuiyc lungwawc thuinz nuex htungyaz tvjvp tv-phaungx ruiux,

Colossians 2:7

Tvluingc kuy rvhumc wvnc tuit rulc rv-ngvlc, vpiq nuex vthuiuz vsungx vruingx waungc vtueq, vpiq nuex miqmac rullungx kuex tvtsuir tv-phaungx wuez ruiux, nuimshiq kvmluimx thuinz kuex pinhtumc tv-phaungx wuez shuinz. Nuimshiq nuex kejux rvwvlc thuinz mvrc wuez kuinz.

2 Thessalonians 2:10

kvdvyx muinz rvmuq batac rvhumc tuex jix htenc htauk nuex layx vbac maq laulawc lvmx phvnx ruip saz shuimx wvnc shuex. Tsuingshiq kuex palc daungc wvnc rvhumc tvkoc tsuingrux lvmz kuex malc wvnc muq nuiyc lungwawx muq ningkhvnc nuex tsuingshiq thueyc mvy bac wvnc wuez tuex.

James 1:11

Shalx kawc rueq vjungx tvyuiuq gay ruiux vpuic kuex tvruk gay yaq, kvkhoc svp rvp kuex tvbac gay tueq. Kvrulc rv-ngvlc luiz waungx waz kuex piq yauk shuimc shuimx kaz yaq tvbac gay rvhumc vtueq moz wvnc tuex.

Jude 1:12

Tsuingshiq kuex yvlc svy vguez maq thuirthux vtueq phauk saq wuez yaq khuec nuex, nuimshiq lux rvyaungc phuiuz svy moalx kuex vshuy vshac baung ikhoc rvtueq. Tsuingshiq kuex miqmac vjux dvyx thuiyx wuez yaq. Tsuingshiq kuex raungyunc lomx muq raungguil rueq tvpvnc yaq phuemx ikhoc muinz, raunglawc yac httuiuc wvnc koq muinz vthuey thuey muq vruingx maq baungc gay koq yuq wvjungx tuimx thuiyc wvnc yaq pulx jungx rulc muinz rv-ngvlc yaq.

Revelation 7:16

Tsuingshiq kuex yix maq laukshiz htemc vrvmc rvhumc muq; raungkawc muinz, pinhtumc kalc muinz tsuingshiq htauk nuex httuiuc muq,