Mark 4:41 - Hawa Naga Bible 2001

⁴¹ Tsuinghez kuex hiz hvlc hiz vtueq, “Vruex waz kuex ukhaq lac rvtvnx nyix? Raungguil nuiyc yuix daungx htenc rueq muinz vpiq kvjaz tay yaq nyix!” ngoz tueq vdvmz dvmz rvjungc wuez tueq.

ASII LAKDAP Bible (BSI)

⁴¹ Shatmaq, tsangshiq ka pinthum akii anyii rai li riito. Kiimaq tsangshiq liipan na, “Riita, arwe arka ngohea dea ju wiinya, rathaiq rahai wa raq nai khamtso blun wa raq dongdii min, apaiq aming tai tlaq ara!” nguta riibomto.

Muklom

⁴¹ Etharin ujiphantey tang tha rapney chota etho ashey eq ashey ma batta, “Iri miq ri utang aa? Rangpong nia jungkok eq tho uraaq utat eq aa!”

Mark 4:41 Referencias Cruzadas

YOBA 38:11

Ngaz rueq svmuktvrax muex, “Vyuq dvyx httuiuc tuiux, kvruex maq lvy mvy muq! Vyuq dvyx mnoz mhungc yungc hvlc httax yaq yuix daungx htenc kuex thauk rax,” ngoz tueq ngoz tauk.

Tvtsvmc 89:7

Mnoz kuex vsawc jix htenc phungc nuex tvtsanc nganc kuy rvhumc vtuiux; tsuingshiq lotlaz rueq mnoz muex kawc yawc vtueq tawz jvp wuez yaq.

MALAKI 2:5

“Ngaz rueq tsuingshiq muex bomkhvmc kuq tauk ngvy bomkhvrc kuex rullungx nuiyc rungx vwanx lvmz rvtueq, vruex kuex ngaz rueq tsuingshiq muex kuq tauk, kvkaq tsuingshiq rueq ngaz muex tvtsanc nganc wuez phuex. Kvruex raungnuiyq htenc kvkaq tsuingshiq rueq ngaz muex hiyaz vtueq tvtsanc nganc wuez yaq.

Matthew 14:32

Tsuingnueyc kuex limungx nuex nyuip wvnc tueq rulc rv-ngvlc raungguil muinz suingx wvnc tueq.

Matthew 8:27

Vpiq kungjix hez kuex vwangc rvwuez vtueq, “Vruex waz kuex yvmx khoc lix miq lac rvtvnx? Raungguil nuiyc yuix daungx rueq muinz vpiq muex tay kuq yaq!” ngoz tueq.

Mark 4:40

Kvkaq Yesu rueq vpiq sangac hez muex ngoc, “Nuimhez kuex yvmx ngoz tueq lac kawc yawc hiz kaz tuinx? Nuimhez kvmluimx thuinz vguez shauk dvyx haz?” ngoz tueq tsuingshiq muex ngoz tueq.

Mark 5:1

Yesu nuiyc vpiq sangac bix kuex Galile Jumx kvkox ral wawc Gerasa mungx nuex tsuinghez httuiuc kaz tueq.

Mark 5:33

Yalxjuik nyuiuz kuex vgvnz wawc hvlc wvnc tueq lvmx helc vtueq, hisungx yaq lvmx maq kvhttot kaz ruiux, vpiq khaungkac nuex bumx vtueq vsuing rvtueq lvmx lotlaz jungphvnx kuq tueq.

Mark 7:37

Kvkhoc yaungx wvnc tueq lvmx tay jix miq lotlaz kuex pinhtumc wangc wuez vtueq, “Vpiq rueq lvmx ruip saz kuex vhvlx nuex shuimx kaz lot yaq! Nac bawx jix muex nac tvtay kuq wvnc vtueq kvjak thenc muq jix htenc muex kvjaz kuq wvnc yaq rvtueq!” ngoz wuez tueq.

Luke 4:36

Miq htenc kuex vwangc rvwuez vtueq, “Vruex kvjaz kuex yvmx khoc ngoc lac rvtvnx? Vrangx vpangx maq nuiyc luimc vkawc maq htaungc htenc muex nvr koq tueq tsuinghez dung wvnc wuez tueq,” ngoz tueq tsuinghez vdvmz dvmz rvjungc wuez tueq.

Luke 8:25

Kvkhoc rvtueq vpiq rueq, “Nuimshiq kvmluimx thuinz kuex m-yuq lac taux?” ngoz tueq vpiq sangac hez muex ngoz tueq. Tsuinghez kuex hiyaz vtueq nuiyc wangc vtueq, “Vruex waz kuex yvmx khoc miq lac? Raungguil nuiyc yuix daungx muex muinz vpiq rueq nvr koq tueq tsuingshiq rueq tay wuez yaq nyix!” ngoz tueq rvjungc wuez tueq.

Hebrews 12:28

Kvkhoc rvtueq naungshiq rueq lvp taq tiq mungtan kuex kvbuilc kvmoay lot muq ningkhvnc nuex kejux vyungx ngoz wuez ix. Naungshiq rueq kejux vyungx ngoz tueq hiyaz tvtsanc nganc thuinz maq vpiq rueq raungc raq laz juing Tishox muex nawk palx wvnc wuez ix.

Revelation 15:4

Taungjix lex, mnoz muex hiyaz tvtsanc nganc muq maq ukhaq lac httax lot yaq nguinx? Mnoz yungx luz yaq lvmx kuex kvjungc muq jix ukhaq lac httax yaq nguinx? Mnoz washiz dvyx vsawc rvtoq. Miq phvnx ruip rawx kaz vtueq mnoz muex nawk palx kv-phux, yvmx khoc lac ngoz ruiux lec mnoz rueq shuimx vshuiux yauk shuimc kuex tvrac vlvmz rvtueq lvmx lotlaz rueq khiz yaq,” ngoz tueq jungx tueq.

1 SAMUEL 12:24

Yehowa kvjaz kuex tay phvnx vtueq, nuimshiq thuinz vmungx lotlaz maq hiyaz tvtsanc nganc ruiux thuinz vmungx lotlaz maq shuimx kaz shuinz. Nuimshiq tvkoc vpiq rueq shuimx wvnc tueq yauk shuimc yunghvlc htenc kuex rvwvl tvmaung wuez shuinz.