Mark 4:11 - Hawa Naga Bible 2001

¹¹ Yesu rueq tvralc tueq, “Nuimshiq kuex Tishox Mungtan nuex seng yaq vwangc juing vhttuiyq vpuiuc vruez lvmx htenc kuex tuiuz lot juing vkhangx lvp tuit. Yuq muinz yuz phic nuex httaz jix vganc kuex yvmx phvnx lvmz yuq muinz bomc tv-ngvlc maq dvyx tay lvp tueq.

ASII LAKDAP Bible (BSI)

¹¹ Jesuq raq treto, “Shiikeawe mungtan bomtsi apaü raüta athü ka namshiq raq sap wan miitu tiichhi kuqto she. Shatmaq, maiq ahinti, Shiikeawe wura maq mitiiham wan shaqtibi miika, kra tengteng bomtsi ka, shiiton bomtsi setiim manphan miili chongkuqtlo.

Muklom

¹¹ Jesu aa ning thima batta, “Shkewa mungtan hutshu raaq chamal aa ta nim ma usam eq ma kot aa. Etharin phetey miqtang shima raaqshiton mal hun ang aa tha bat kotching,

Mark 4:11 Referencias Cruzadas

Matthew 11:25

Kvkaq Yesu rueq jungx tueq kuex, “Raungmungx nuiyc ghaq Taungjix Waz lex! Wvtharc jix nuiyc vthenc vtuiuz jix htenc muex tvtuiuz muq laz juing httuiyq puiuc ruiux, thenc tuiuz muq jix muex tvkhic kuq toq ningkhvnc nuex ngaz rueq mnoz muex kejux vyungx ngoz vphaungx.

Matthew 13:16

“Nuimshiq rueq muik maq khiz vtueq, nac maq tay lvp tuit ningkhvnc nuex nuimshiq thuinhvlx yaq.

Matthew 16:17

Yesu rueq tvralc tueq, “Yohan saz Simon lex, mnoz kuex thuinhvlx yaq! Vruex lvmx kuex miq talaz washiz ikhoc maq mnoz rueq tuiuz lot muq, raungmungx nuex httax yaq Iwaz rueq tvkhic kuq kv-phux rvtueq.

Mark 3:23

Kvkhoc rvtueq Yesu rueq tsuinghez kuex gvl vtueq bomc tv-ngvlc maq jungx tueq kuex, “Satan kuex Satan rueq mkhoc lac yurc gay lot yaq nguinx?

Mark 4:10

Yesu kuex vpiq jvnjvnc saz nuex vpiq lvmz tay jix miq wvyvmc kuex sangac rokshiz rac wanueyc rulc vdvmz vpiq kox nuex kaz vtueq bomc tv-ngvlc vlvmz kuex wiz kaz tueq.

Mark 4:2

Vpiq rueq bomc tv-ngvlc htenc shuimx vtueq phvnx ruip saz kuex tsuingshiq muex vkhoc tvluing kuq tueq:

Luke 8:10

Yesu rueq, “Nuimshiq rueq Tishox Mungtan nuex seng vtueq thuiuz sungx hvlc vlvmz htenc kuex tuiuz vshuinx, miq vbez rueq kuex lawc ruiux muinz khiz muq, tay wvnc ruiux muinz tuiuz muq juing bomc tv-ngvlc maq jungx kuq yaq, ngoz tueq jungx kuq tueq.

1 Corinthians 4:7

Uraq lac mnoz kuex miq vganc htauk nuex vjvnc tvyaungc kuq yaq nguinx? Nuimshiq rueq lvp tuit phvnx ruip saz kuex Tishox rueq vkuq rvmuq haz? Kvkhoc rvhvt maq nuimshiq rueq lvp luz vshuinx htenc kuex Tishox kox wawc vlvp kejux yauk noalc rvmuq ikhoc nuimshiq kvsomc parc vtuinx kuex yvmx khoc lac?

2 Corinthians 4:6

Christu htvlx phawc nuex phelez wuix yaq ngauz vngax lvmz kuex tuiuz wvnc tvkoc naungshiq thuinz vmungx nuex raungwuic tvwuic kuy jix Tishox kuex, “Raungnyauk mungx wawc raungwuic dung wvnc tuex,” ngoz tueq jungc jix Tishox rvtueq.

Ephesians 1:9

Tishox vpiq rueq dvnc yaq lvmx kuex shuimx kaz vtueq Christu maq tvhungx htaungx wvnc tvkoc htvp htaz taq tueq, kvmungx tvy yoalx vpiq rueq vhttuiyq vpuiuc vruez shuimc dvnc yaq lvmx kuex tvkhic kuq phuex.

Colossians 4:5

Nuimshiq rueq lvp wvnc tuit vkhangx vhvlx htenc kuex shuimx kaz vtueq, kvmluimx muq jix htumc nuex taksux tharc maq rvbomc nyamc wuez kuinz.

1 Thessalonians 4:12

Kvkhoc lvmx maq jix nuimshiq kuex kvmluimx miqsaz rvmuq jix htenc rueq tvtsanc nganc kuy rvhumc tuinx, kvdvyx muinz rvmuq nuimshiq muex rax yaq lvmx nuex seng vtueq ukhaq muex muinz tvluimc rax muq rvtuex.

1 Timothy 3:7

Piq kuex miq rueq nueykuic rvhumc muq nuiyc Htaungc waz bix vtsvnc mungx nuex dvy wvnc muq mruez kueq, max kvmluimx shauk miqsaz htenc rueq tvtsanc nganc rvhumc jix miq washiz yaungc rax tuex.

1 John 5:20

Tishox Saz kuex httuiuc kaz yaq rvtueq, tsuingrux Tishox kuex tuiuz tay lot juing thuinz vpiq rueq naungshiq muex kuq shec phuex kuex naungshiq rueq tuiuz lvp vshix. Naungshiq kuex vpiq Saz Yesu Christu rulc vshiz dvyx yaungx vtueq tvraungx httax vtix ningkhvnc nuex, tsuingrux Tishox rulc muinz vshiz dvyx yaungx vtueq tvraungx httax vtix. Kvruex waz kuex tsuingrux Tishox rulc htummuq maqmuq rullungx muinz rvtueq.