Mark 2:13 - Hawa Naga Bible 2001

¹³ Yesu kuex Galile jumx hep nuex httuiuc kaz yek tueq. Nuk miqsaz htenc vpiq kox nuex kaz koq tueq, vpiq rueq tsuingshiq muex tvluing kuq phaungc wvnc tueq.

ASII LAKDAP Bible (BSI)

¹³ Jesuq ka Gelili Thamchum kii binjü nü na hali jang wan nongto. Mungmaiqse ka akong ada apaiq bom taikai nguta, apaiq phana kito. Kiimaq apaiq raq tsangshiq ma traho bomtsi chongkuqto.

Muklom

¹³ Jesu Galilee shitim kang náng wey wel ta. Miq wan tang tha piq jamnáng thuta, etho ning ma piq aa phang tatal ta.

Mark 2:13 Referencias Cruzadas

Matthew 13:1

Kvruex raungnuiyq dvyx Yesu kuex yuimx kvwawc kvtenc kaz wvnc vtueq tvluingc kuy tvkoc yuix jumx hep nuex ngaungc kaz tueq.

Matthew 9:9

Yesu kuex kvruex maq kaz wvnc tueq nuex, hihic rungx nuex ngaungc yaq vmuingc Matthew ngoz yaq waz kuex khiz tueq. Vpiq rueq kvruex waz kvmac, “Ngvy yix nuex phvnx koq,” ngoz tueq. Matthew muinz kvtenc vtueq vpiq yix phvnx wvnc naungx tueq.

Mark 1:45

Yuq muinz kvruex waz kuex kaz wvnc vtueq kvruex thaungc kuex baung ruip saz nuex tvparc narc jungc gay ningkhvnc nuex Yesu kuex miqghaq mungx nuex kvkhic raungraung nyuip waung lot muq. Miqghaq mungx nuex nyuip waungc tvraung miq vkuiyq baung nuex dvyx httax tueq, baung ruip saz wawc miq htenc vpiq kox nuex kaz wuez tueq.

Mark 10:1

Kvruex yimaq Yesu kuex kvruex baung maq dung kaz vtueq Yuda mungx hong nuex kaz wvnc ruiux, Yodan Ruilx kvkox ral nuex yanz wvnc tueq. Nuk miqsaz vkung vdaungx vpiq kox nuex rvtuimx kaz koq tueq, mkaq muinz vpiq rueq shuimx ruiux shuex rulc rv-ngvlc tsuingshiq muex tvluing kuq tueq.

Mark 2:2

Kvkhoc rvtueq miq paunghvlc vpiq kox nuex rvtuimx kaz wuez vtueq, kaluix daungx maq muinz vlvy mvy muq rvtueq. Yesu rueq tsuingshiq muex bomjungc jungphvnx yaq nuex,

Mark 4:1

Kvmaq Yesu rueq Galile Jumx hep maq tvluing phaungc wvnc tueq. Vpiq kox nuex rvtuimx kay jix nuk miqsaz paunghvlc ningkhvnc nuex vpiq kuex jumx wawc lix vshiz htauk kvyuq ngaungc tueq. Lix kuex taungkawx wawc phuinz shiz tvhttot vtueq, nuk miqsaz htenc kuex yuix kawx taung raungx nuex rvtuimx ngaungc tueq.

Luke 19:48

yuq muinz tsuingshiq rueq vpiq kuex mkhoc ruec juing wuez lvmx humc muq, yvmx khoc lac ngoz ruiux lec nuk miqsaz htenc lotlaz rueq bomc poshiz muinz tvdvy gay muq vpiq rueq tvluing yaq kvjaz kuex tay phvnx wuez yaq.

Luke 21:38

Miq lotlaz muinz vpiq kvjaz tay kay Shomc Yuimx nuex raungnvp samaq vpiq kox nuex kaz wuez tueq.