Mark 12:6 - Hawa Naga Bible 2001

⁶ Sunc taungjix kox nuex nvrc tvkay juing kuex piq rueq lungwawx yaq vsaz shauk washiz dvyx shex kvjungx yaq. Yix tvsuip nuex vsaz kuex tsuinghez kox nuex tvkaz vtueq jungx tueq kuex, ‘Isaz muex tsuinghez rueq hiyaz tvtsanc nganc shuex shvmx,’ ngoz tueq.

ASII LAKDAP Bible (BSI)

⁶ Riita atiisup niishe sanha, apaiq tsan ran chang aseshaq kli she tiichongto. Krai mren, atiisup niishe, apaiq raq ase kriishe wakshiipti nok phana tiikito. Apaiq raq atsan mong na akhiishe tiima wanto, ‘Ngi raq tiima kla, tsangshiq raq i se shaq she tiiki tiikang arka, mishreng she ahiq,’ nguta tiimato.

Muklom

⁶ Thanga ashey dang sey dakta, bara utinmat miqwasa angta; uthun ma piq aa usa tha ning relnáng irimal bat eq takatta, ‘Ning aa isa miqwasa raa rangka eq na.’

Mark 12:6 Referencias Cruzadas

RAPHA HIQWA LAK 22:12

Raungkamx waz rueq, “Nox kvruex nauk tuingc kaz, piq kuex yvmx muinz nauk ruez kaz. Msaz washiz lauklauk kuex vpiq muex kuy tvkoc mnoz rueq tvlvlc muq rvtoq ningkhvnc nuex, Tishox muex mnoz hiyaz tvtsanc nganc vtueq tay phvnx vshuiux kuex majuiuc ngaz rueq tuiuz tauk shex,” ngoz tueq jungx tueq.

RAPHA HIQWA LAK 22:2

Tishox rueq, “Mnoz rueq pinhtumc lungwawx vshuiux msaz Esak kuex shvlx wvnc vtueq Moria mungx nuex waung kuiuz. Ngaz rueq tvkhic phaungx kanx htauk kvmaq piq kuex shomc nawk kuy juing muex tvyaungc vtueq ngaz muex shomc kuq koq,” ngoz tueq jungx tueq.

RAPHA HIQWA LAK 37:3

Yaku piq nyuiuz waz nuex shex vsaz Yosep kuex jawx tueq ningkhvnc nuex vsaz hez vganc htenc htauk nuex Yosep kuex vroc lanc rvtueq. Piq rueq Yosep tvkoc vsvp waq wvwuiyq wv-ngonc svmhung hungluz vshiz kuk kuq tueq.

RAPHA HIQWA LAK 44:20

Nuiyhez rueq, ‘Iwaz likawx vhttax nuiyc iwaz rullungx nyuiuz waz nuex shex vlvp nuiynox washiz httax yaq. Nox kvruex mac vphuz shauk kuex vthueyc kay wuez shex, vnyuiuz rueq vjawx saz kuex piq dvyx shex kvjungx yaq; vwaz rueq piq kuex lungwawc hvlc,’ ngoz tueq jungphvnx kuq wvnc phix.

Tvtsvmc 2:12

kvkhuirc yaq maq vpiq muex bumx wuez kuinz; kvkhoc rvmuq ngoz ruiux vpiq thuinkhvy kuex yauk lox kvtenc kvsvmc wvnc vtueq, nuimshiq kuex huingc rvhek laz maq dvyx thueyc wvnc tuinx. Tvkhup wungx kuy tvkoc vpiq kox nuex httuiuc kay jix hez kuex thuinhvlx wuez yaq.

Tvtsvmc 2:7

Hokhvmx waz rueq, “Yehowa rueq jungx yaq kvjaz kuex ngaz rueq tvtay jungx shaungx, vpiq rueq ngaz muex, ‘Mnoz kuex Isaz rvtoq; majuiuc raungnuiyq dvyx ngaz kuex m-waz muex yaungx vtaungx.

ISAIA 42:1

Yehowa rueq, “Vruex waz kuex ngaz rueq hungc vkuq, ngvy nvrc waz, ngaz rueq vthvl waz, ngaz rueq raungc raq vshaungx waz rvtueq. Ngaz rueq vpiq kuex ngvy Siyac maq tvmvrc tauk, vpiq rueq miqphvnx ruip rawx kox nuex tvrac vlvmz kuex lvmz kuq laq shuex.

Matthew 1:23

Piq rueq, “Lawc shuiuz, kvruex yalxtux shauk nyuiuz kuex wvgvnz yaungx vtueq vsaz miqwaz saz jawx shuex, vpiq muingc kuex Immanuel ngoz tueq muingc shuex,” ngoz tueq. Kvruex vlvmz kuex, “Tishox kuex naungshiq rulc vdvmz httax yaq!” ngoc rvtueq.

Matthew 11:27

“Iwaz rueq httax yaq lotlaz kuex ngaz muex lekuq phuex. Iwaz maq lvy vtueq Vsaz kuex uraq muinz tuiuz lot muq, Vwaz rueq Vsaz muex nuiyc Vsaz rueq tvkhic roc shuex maq lvy vtueq vganc uraq muinz tuiuz muq.

Matthew 17:5

Piq rueq kvkhoc jungx yaq baunglaung phelez hvlc phuemx daungshiz rueq tsuinghez kuex buingc wvnc tueq, phuemx mungx maq, “Vruex waz kuex ngaz rueq raungc raq hvlc Saz rvtueq, vpiq kuex ngaz rueq lungwawx vshaungx, vpiq kvjaz tay wuez shuinz,” ngoz tueq.

Matthew 26:63

Yuq muinz Yesu kuex kuiyqshuik dvyx rvtueq. Shomc Wayungx waz rueq, “Mnoz kuex Tishox Saz Mesia haz? ngaz muex jungx kuq koq, vtvraungx httax yaq Tishox muingc ruingc vtueq mnoz muex wiz vphaungx,” ngoz tueq vpiq muex ngoz tueq.

Matthew 3:17

Kvruex yimaq raungmungx maq kvjaz tvruingc kuex, “Vruex waz kuex ngaz rueq raungc raq vshaungx, ngaz rueq lungwawc hvlc Saz rvtueq,” ngoz tueq.

Mark 1:11

Kvkaq raungx maq bomc poshiz jungx tueq, “Mnoz kuex ngaz rueq lungwawx vphaungx Isaz shauk rvtoq, mnoz kuex ngaz rueq raungc raq vphaungx,” ngoz tueq.

Mark 12:5

Sunc taungjix waz dax vganc hulawx tvkaz koq tueq, tsuingshiq rueq piq kuex thvt gay tueq; miq paunghvlc hulawx piq rueq tvkaz koq tueq tsuingshiq rueq vganc jix rulc rv-ngvlc dvyx vbez kuex huyhut wungthvt, vbez kuex vthvy rvgay tueq.

Mark 12:7

Yuq muinz sunc shap shuimc jix hez rueq, ‘Vruex waz kuex sunc taungjix waz saz rvtueq, tsak jungx nyvmx jungx lvp tay jix waz rvtueq. Kaz luit, naunghez rueq piq kuex thvt gay ix, ngoz ruiux tsak vnyvmx kuex naungshiq rueq lvp wvnc shix!’ ngoz tueq rvjungc wuez tueq.

Mark 9:7

Kvkaq phuemx daungx shiz rueq tsuinghez kuex puingc wvnc vtueq, phuemx mungx maq kvjak tueq kuex, “Vruex waz kuex ngaz rueq lungwawx vshaungx Isaz rvtueq, vpiq kvjaz tay shuinz!” ngoz tueq.

Luke 3:22

Vsawc Siyac kuex hituiuc saz ikhoc vpiq htauk nuex svt kaz tueq. Raungmungx maq, “Mnoz kuex ngaz rueq lungwawx vphaungx Isaz rvtoq. Mnoz kuex ngaz rueq raungc raq vphaungx,” ngoz tueq raungx maq kvjaz dung tueq.

Luke 9:35

Phuemx mungx maq, “Vruex waz kuex Isaz rvtueq, vpiq kuex ngaz rueq vthvlc tvy wuez shex, vpiq kvjaz kuex tay wuez shuinz!” ngoz tueq kvjak tueq.

John 1:14

Bomjungc kuex miqsaz gvnngvmx muex yaungx kaz vtueq, kejux nuiyc tsuingrux lvmx mvrc ruiux naungshiq rulc httax wvnc tueq. Naungshiq rueq vpiq ngauz vngax kuex khiz wvnc tiq, kvruex ngauz vngax kuex Vwaz kox wawc Vsaz vshiz lauklauk waz rueq lvp wvnc tueq lvmz rvtueq.

John 1:18

Tishox kuex uraq muinz mkaq muinz khiz muq. Vwaz hep nuex httaz jix, Tishox rvtueq Vsaz pumshiz waz rueq dvyx vpiq kuex tvkhic tueq.

John 1:34

Kvkhoc jungx tueq rulc rv-ngvlc yaungx wvnc tueq kuex ngaz rueq khiz tauk,” ngoz tueq. Kvmaq raz tueq Yohan rueq, “Ngaz rueq nuimshiq muex jungx kuq ix, vruex waz kuex Tishox Saz rvtueq,” ngoz tueq jungx tueq.

John 1:49

Kvkaq Nathanael rueq, “Tvluingc waz lex, mnoz kuex Tishox Saz rvtoq! Mnoz kuex Israel phvnx Hokhvmx waz rvtoq!” ngoz tueq tvralc tueq.

John 3:35

Vwaz rueq Vsaz kuex lungwawx vtueq vpiq luimc vkawc phvnx ruip saz kuex vpiq muex lekuq tueq.

John 5:23

Kvkhoc rvtueq miq htenc rueq Vwaz muex tvtsanc nganc yaq rulc rv-ngvlc Vsaz muex muinz tvtsanc nganc shuex. Vsaz muex tvtsanc nganc muq waz kuex Vsaz nvrc tvkay jix waz Vwaz muex tvtsanc nganc muq rvtueq.

Hebrews 1:6

Yuq muinz Tishox rueq Vsaz pekhux waz kuex mungkawx nuex tvkay dvnc tueq nuex, “Tishox raungkamx bix lotlaz rueq kvruex waz kvmac nawk palx wuez shuex,” ngoz tueq jungx tueq.

1 John 4:9

Naungshiq rueq Vsaz maq raz tueq pattup pat-sac rullungx mlvp wvnc shueq ngoz tueq Tishox rueq Vsaz salauk saz kuex mungkawx vyuq tvkaz kuq phuex nuiyc Tishox rueq naungshiq lungwawc yaq lvmz tvkhic kuq phuex.

3 John 1:1

Rullungx vyungx ngaz Walaungx waz kox maq, tvtsanc vtueq vtsuing vrux maq ngaz rueq lungwawx vphaungx Gaiu kox nuex luik wuiyq tvwvnc vphaungx.