Luke 9:5 - Hawa Naga Bible 2001

⁵ Nuimshiq malc wvnc muq ngoz ruiux kuex kvruex ghaq kvmaq kvtenc wvnc tuinx yuq, tsuingshiq tvkoc hakhix m-yaungx kueq nuimshiq yaz nuex kop yaq bokkhuyx kuex nuiuc tvdvy shec shuinz,” ngoz tueq jungx tueq.

ASII LAKDAP Bible (BSI)

⁵ Ümra chelati riiwa, namshiq ka tao mak, kra chelati miika, namshiq hokphi wa botkhulai kra anaü riibaiq thü lanta wawan ronglaq. Kriika tsangshiq ma honlam bomchong kethü she miraq.”

Muklom

⁵ Etho, bari samhaq wang miqtang aa nim ma hal moq ang ajo, eshi samhaq sha shingchak rangham o ning ma tasam ma nim jaa wang bukshi thalnak shing inn.”

Luke 9:5 Referencias Cruzadas

NEHEMIA 5:13

Kvruex yimaq ngaz rueq ngvy khemenc kuex lvmz vtueq nuiuc ruiux raz tueq, “Miqmac bomkhvmc phvnx muq waz kuex Tishox rueq vkhoc nuiuc gay shuex. Nuimshiq yuimx htenc nuiyc taungx vwawx phvnx ruip saz kuex Tishox rueq lvmz gay shuex ningkhvnc nuex nuimshiq tvkoc yvmx muinz kvjungx tuex rvmuq,” ngoz kuq tueq. Kvruex yuq httax yaq miq htenc rueq, “Amen!” ngoz tueq tvralc wuez ruiux Yehowa muex tvtsvmc wuez tueq. Walaungx bix rueq muinz miqmac bomkhvmc rulc rv-ngvlc shuimx wuez tueq.

Matthew 10:18

Ngvy ningkhvnc nuex nuimhez kuex guimz lawc jix nuiyc hokhvmx bix khaungkac nuex vphoc tvkoc het shvlx wvnc rvhumc tuinx, tsuingshiq htumc nuex muinz, Pungnuk phvnx htumc nuex muinz Thuix Thaungx Vhvlx kuex jungphvnc kuy vkhangx lvp wvnc shuinz.

Mark 6:11

Nuimhez miqghaq vshiz shiz nuex httuiuc kaz vtueq kvruex ghaq jix rueq nuimhez kuex tvduiz roc muq, tay kuq muq ngoz ruiux kuex, nuimhez yaz phac wawc bokkhuyx kuex nuiuc gay shec ruiux, kvruex maq kaz wvnc kuinz. Kvruex kuex tsuingshiq muex honc tvsvmz kuy lvmx rvtueq,” ngoz tueq jungx kuq tueq.

Mark 9:37

“Nosaz saz vruex wawc ngvy muingc maq malc lvy jix waz ukhaq yuq muinz, ngaz muex malc lvy rvtueq, kvmaq ngvy tvkay jix waz kuex malc lvy muinz rvtueq,” ngoz tueq jungx tueq.

Luke 10:16

Yesu rueq vpiq sangac bix muex, “Nuimshiq kvjaz tay jix waz kuex ngvy kvjaz tay jix waz rvtueq, nuimshiq kvjaz lvlc gay jix waz kuex ngvy kvjaz lvlc gay jix waz rvtueq, kvmaq ngvy kvjaz lvlc gay jix waz kuex ngvy nvrc jix Waz kvjaz lvlc gay rvtueq,” ngoz tueq jungx kuq tueq.

Luke 5:14

Kvkaq Yesu rueq, “Vruex lvmz kuex ukhaq muex muinz nauk tvtay jungx kaz shomc waz kox nuex tvpvnz juit kaz vtueq mshauk pumz kuex tvlawc kaz kuiuz; kvruex yimaq mnoz hvlx wvnc toq lvmz kuex miq ruip rawx htumc nuex hakhix yaungc tvkoc Moshe rueq nvr tueq rulc rv-ngvlc shomc nawk kuy shomc kuq kaz kuiuz,” ngoz tueq jungx kuq tueq.

Luke 9:4

Nuimshiq mruex yuimx nuex lac duiz tuinx kvruex ghaq kvmaq kvtenc wvnc muit wawwawx kuex kvruex yuimx kvyuq lawx httax kuinz.

Luke 9:48

“Ngvy muingc maq vruex nosaz saz kuex malc lvy jix waz kuex ngvy malc lvy jix waz rvtueq. Kvmaq ngvy malc lvy jix waz kuex ngvy nvrc jix waz kvruex malc lvy rvtueq. Nuimshiq phungc wawc vruinx pinhtumc waz kuex vyungx muex yaungx tuex,” ngoz tueq.

Acts 13:51

Kamx waz nueyc kuex tsuingshiq rueq ruez tueq lvmx kuex khawc lvlc ikhoc muex miqmac yaz wawc bokkhuyx kuex nuiuc gay shec ruiux Ikonium nuex kaz wvnc tueq.

Acts 18:6

Kvkaq tsuingshiq rueq piq kuex khawc lvlc ngoc ngac lvy ningkhvnc nuex Polu rueq vsvmhung wawc bokkhuyx kuex nuiuc ruiux vkhoc ngoz tueq, “Nuimshiq batac rvhumc wvnc ruiux kuex nuimshiq mvrax dvyx rvtueq, ngvy mvrax kuex rvmuq! Majuiuc vmaq kuex Pungnuk miqsaz kox nuex shex kaz wvnc taungx,” ngoz tueq jungx tueq.