Luke 9:16 - Hawa Naga Bible 2001

¹⁶ Yesu rueq wanx phux bv-ngac rac ngaq vnueyc kuex lvmz vtueq, raungkox nuex lawc yaq lvmx maq Tishox kejux kuex tvtsvmc ruiux wanx nuiyc ngaq kuex tvbunx vtueq nuk miqsaz htenc muex phvlc kuy tvkoc sangac bix muex kuq tueq.

ASII LAKDAP Bible (BSI)

¹⁶ Jesuq raq winsii phubiingi nai ngiq shin phuse nai anai kriika, ajaq na shamto. Raüta, ra nü na liito. Kiimaq kra miitu, Shiikeawe ma kechu tumto. Raüta, winsii phu thun ka tiiphanto. Kiimaq aphan ka ajaqshisetiim miishe nokwe ma tiiphea kuqto.

Muklom

¹⁶ Jesu aa banlo banga etho ngaqsa ani tha som eq, mungtan konáng siin eq Shkewa ma kechu ajong ta ko eq pin ta etho miqtang thima kotma piq aa ujiphantey tang thima kota.

Luke 9:16 Referencias Cruzadas

Matthew 14:19

Piq rueq nuk miqsaz htenc kuex httuingx phawx ruix htauk nuex m-ngaungc kueq ngoz tueq nvr tueq; kvkaq wanx phux bv-ngac rac ngaq vnueyc kuex lvmz vtueq, raungx nuex kac lawc ruiux Tishox kejux kuex tvtsvmc lot vtueq wanx kuex tvbunx ruiux vpiq sangac hez muex kuq tueq, vpiq sangac hez rueq muinz miq htenc muex phvlx kuq tueq.

Matthew 15:36

Wanx phux mvshix nuiyc ngaq kuex lvmz vtueq Tishox kejux tvtsvmc tueq, kvruex yimaq wanx nuiyc ngaq kuex tv-phuinz vtueq vpiq kungjix hez muex kuq tueq, vpiq sangac hez rueq muinz nuk miqsaz muex tvlvy phvlx kuq tueq.

Mark 7:34

Kvruex yimaq Yesu rueq raungx nuex lawc ruiux thuiuzthuic tvyungc hax vtueq, kvruex waz muex, “Ephatha” ngoz tueq. Kvruex kuex “Kvdauz wvnc kuiuz,” ngoc rvtueq.

Luke 22:19

Kvkaq vpiq rueq wanx kuex lvmz vtueq Tishox muex kejux vyungx ngoz ruiux, wanx kuex tv-phuinz phux vtueq tsuingshiq muex kuq ruiux, “Vruex kuex nuimshiq tvkoc vkuq gay ngvy ngvmx rvtueq, ngaz lauk gay muit tvkoc vkhoc shuimx shuinz,” ngoz tueq jungx tueq.

Luke 24:30

Vpiq kuex tsuingnueyc rulc roc nuex dungc svy muex ngaungc yaq nuex, wanx kuex lvmz vtueq kejux tvtsvmc ruiux, tv-phuinz phux vtueq tsuingnueyc muex kuq tueq.

Luke 9:15

Kvkaq sangac bix rueq muinz kvkhoc tv-ngaungc tueq.

Luke 9:17

Miq lotlaz rueq phoay laz phuiuz svy lot yix, sangac bix rueq phuiuz bung tvjomx koq tueq boarx rokshiz rac vnueyc rvtueq.

John 6:11

Kvkaq Yesu rueq wanx kuex lvmz vtueq Tishox muex kejux vyungx ngoz kuq ruiux, ngaungc yaq jix htenc kvmac phvlx kuq tueq, ngaq kvmuinz kvrulc rv-ngvlc phvlx kuq tueq. Miq htenc rueq muinz phoay laz phauk saq tueq.

John 6:23

Yuq muinz Tiberia wawc vkaz lix htenc kuex Taungjix rueq kejux vyungx ngoz ruiux, nuk miqsaz htenc muex wanx tv-phauk saq tueq baung kvyuq httuiuc kaz wuez tueq.

Acts 27:35

Kvruex yimaq Polu rueq wanx kuex lvmz vtueq tsuingshiq lotlaz htumc nuex Tishox kejux kuex tvtsvmc ruiux wanx kuex tv-phuinz vtueq phauk tueq.

Romans 14:6

Raungnuiyq vshiz kuex tvtsanc jix waz ukhaq yuq muinz Taungjix ngauz vngax kuex tvtsvmc kvmc tvkoc shuimx kaz yaq. Kvmaq yvmx yuq muinz phuiuz svy jix waz kuex Taungjix ngauz vngax tvtsvmc kvmc tvkoc phuiuz svy rvtueq, yvmx khoc lac ngoz ruiux lec piq rueq Tishox kejux kuex tvtsvmc vtueq phauk saq yaq. Phuiuz vsvy wvyvmc koayc jix waz muinz Taungjix ngauz vngax tvtsvmc kvmc tvkoc koayc yaq rvtueq, piq rueq kvkhoc koayc ningkhvnc nuex Tishox kejux kuex tvtsvmc yaq.

1 Corinthians 10:30

Ngvy phuiuz vsvy rawc nuex Tishox muex kejux vyungx ngoz vshaungx, kvkhoc kejux tvtsvmc ruiux phauk saq vshaungx phuiuz vsvy nuex seng vtueq naungnuk waz rueq yvmx ngoz tueq lac ngoz ngax yaq nguinx?” ngoz tueq wiz roc shuex.

1 Corinthians 11:24

Tishox muex kejux vyungx ngoz ruiux, wanx kuex tv-phuinz vtueq, “Vruex kuex nuimshiq tvkoc vkuq gay ngvy shauk pumz rvtueq, ngaz kuex rvwvl hvt tvkoc nuex vkhoc shuimx shuinz,” ngoz tueq.