Luke 9:1 - Hawa Naga Bible 2001

¹ Yesu rueq sangac rokshiz rac wanueyc kuex tvtuimx gvl vtueq, htaungc htenc kuex yurc lot juing luimc vkawc nuiyc vthuiuz vsac jix htenc kuex tvhvlc lot juing vrangx vpangx kuex kuq tueq.

ASII LAKDAP Bible (BSI)

¹ Jesuq raq akiimwetiim roqshi ri wenai ka adam na heato. Raüta, tsangshiq ma ningkun nai arang kuqto. Kra ningkun kuqtaq kriika, tsangshiq raq shotsai winji kra jobaiq raüta, atsi asiti thun kra tiiheake miitu kuqto.

Muklom

¹ Jesu aa wasi wani ujiphantey tang tha hal eq ning thima thaji thangwa tang phan ma etho atakasa tang taqhal ma tarong kota.

Luke 9:1 Referencias Cruzadas

Matthew 16:19

Ngaz rueq mnoz muex raungx Mungtan saqpix htenc kuq phaungx, ghaq htauk vmaq mnoz rueq khvrc buinc vshuiux kuex raungx Mungtan maq muinz vkhvrc tay rvhumc tuex, ghaq htauk vmaq mnoz rueq dawc kuq vshuiux jix kuex raungmungx maq muinz vdawc kuy rvhumc tuex,” ngoz tueq.

Matthew 4:24

Kvkhoc rvtueq vpiq muingjungc thaungc kuex Siria mungx htenc lotlaz nuex nyvmc wvnc vtueq, gvnz hvlx muq jix htenc, vmac vtsac phvnx ruip saz thuiuz sac rvhumc jix htenc, htaungc kvpumz jix htenc, vngauk thuiuz jix, huk maungx yauk maungx jix htenc vpiq kox nuex shvlx laq koq tueq, vpiq rueq tsuingshiq muex tvhvlc kuq tueq.

Matthew 8:9

Ngaz muinz vyungx bix vrangx vpangx khung nuex httaz jix washiz rvtauk, ngvy yauk khung nuex muinz nolaungx sahez httax yaq. Ngaz rueq washiz muex, ‘Kaz kuiuz!’ ngoz ruiux yuq piq kaz tuex, washiz muex, ‘Waung loq!’ ngoz ruiux piq woz yaq; ngvy dax waz muex muinz, ‘Vruex shuimx shuiuz!’ ngoz ruiux piq rueq shuimx yaq,” ngoz tueq jungx tueq.

Luke 10:1

Kvruex yimaq Taungjix rueq miq vganc waz 72 thvl vtueq, wanueyc nueyc maq raz tueq vpiq kaz yaq miqghaq nuiyc baung ruip saz nuex vpiq max nuex tvkaz tueq.

Luke 10:19

Tay shuinz! Puiuc nuiyc kelthvp htenc nuiuz gay lot juing nuiyc ralx waz luimc vkawc lotlaz kuex taungx gay juing vrangx vpangx ngaz rueq nuimshiq muex kuq phaungx rvtueq, yvmx rueq muinz nuimshiq kuex heq kv-phuinx rvmuq.

John 14:12

Nuimshiq muex ngaz rueq vsuing jungx kuq ix, ngaz muex kvmluimx jix waz kuex ngaz rueq shuimx vshaungx yauk shuimc kuex shuimx shuex, kvruex htauk nuex vyungx yauk shuimc muinz shuimx lvp shuex, yvmx khoc lac ngoz ruiux lec ngaz kuex Iwaz kox nuex woz wvnc taungx.

Acts 1:8

Yuq muinz Vsawc Siyac nuimshiq htauk nuex httuiuc kaz tuex nuex, nuimshiq rueq luimc vkawc lvp wvnc shuinx, kvruex kaq nuimshiq rueq Yerusalem, Yuda mungx lotlaz, Samaria mungx nuiyc ghaq ruiykhuix tvsuip laz ngvy hakhix htenc muex yaungx wuez tuinx,” ngoz tueq jungx tueq.

Acts 3:16

Vpiq muingc jungc luimc vkawc maq vruex yaz kuix waz kuex tvhvlc kuq tueq. Vpiq muingc muex kvmluimx ningkhvnc nuex majuiuc nuimshiq rueq yaungx wvnc tueq lvmz kuex khiz wvnc tuit, nuimshiq rueq khiz wvnc tuit rulc rv-ngvlc piq kuex Yesu muex kvmluimx ningkhvnc nuex dvyx tvhvlc kuq tueq.

Acts 4:30

Miq vthuiuz vsac htenc tvhvlc tvkoc m-yauk tvlanc shuiuz, mnoz vsawc Nvrc Waz Yesu muingc maq romzyac nuiyc vwangc juing htenc kuex shuimc lot tvkoc romc kuq koq,” ngoz tueq vjux thoz tueq.

Acts 9:34

Peter rueq piq muex, “Aenea lex, Yesu Christu rueq mnoz muex tvhvlc kuq kv-phux shex, kvtenc vtueq mkhvy kuex tul shuiuz,” ngoz tueq, kvkaq dvyx piq kvtenc jvp wvnc tueq.