Luke 8:7 - Hawa Naga Bible 2001

⁷ Vbez kuex shuiuq jungx yaz nuex dvy tueq, shuiuq jungx rulc vroc nuex kemc naungc ningkhvnc nuex shuiuq jungx rueq luimz wvnc vshuex.

ASII LAKDAP Bible (BSI)

⁷ Kiimahali tsamlai wiijam ka kiimko rang babaiqhü ba na rokto. Krai mren kiimko rang ka song wan raüta, tsamcham thun ka wiita tiijong lap mak miili she kaqbaiqto. Raüta tsam ka dong manki mak she mokito.

Muklom

⁷ Chamtey tey uli tha su thamna qhatta, etho eshi tang tha tat phuk eq cha atho sutham they qhipchak eq ti ta.

Luke 8:7 Referencias Cruzadas

RAPHA HIQWA LAK 3:18

Kvruex wawc shuiuq rumz nuiyc httuingx htenc kuex kemz tuex, mnoz rueq yaruix rumz wawc namx yauk namx yaz htenc kuex phauk saq shuiux.

JEREMIA 4:3

Yuda miqsaz nuiyc Yerusalem jix muex Yehowa rueq jungx tueq kuex, “Max shuimx max htuz shauk nuimshiq wuik vnax htenc kuex shuimx shuinz; nuimshiq rueq khic yuingc juing vlix htenc kuex shuiuq jungx htenc hvl nuex nauk wuinc kaz.

Matthew 13:22

Shuiuq jungx nuex dvy tueq vlix htenc kuex bomjungc kuex tay wvnc ruiux muinz, majuiuc rullungx nuex rvwvlc tvmaung juing htenc nuiyc tsak vnyvmx lvp loay roc thuinz rueq bomjungc kuex luimz wvnc vtueq vthuey thuey lot muq rvtueq.

Matthew 13:7

Vlix wvyvmc kuex shuiuq jungx yaz nuex dvy vtueq, shuiuq jungx kuex yungx wvnc ruiux luimz gay tueq.

Mark 4:7

Vbez kuex shuiuq ruix rumz nuex dvy tueq, shuiuq jungx htenc kuex yungx wvnc vtueq vwuinc vruez htenc kuex luimz wvnc ningkhvnc vthuey thuey lot muq.

Luke 21:34

“Nuimshiq kuex phuiuz bac, svytac, joal juk pawc vtueq rullungx tvraungx lvmx tvkoc rvwvlc tvmaung lvmx htenc rueq nuimshiq kuex puingc taungx wvnc muq mruez shueq, honc lvmz hvt rvshuinz, rvmuq ngoz ruiux khac phox shuex Raungnuiyq kuex bix juimz yaq ikhoc nuimshiq htauk nuex huingc rvhet laz httuiuc wvnc tuex.

Luke 8:14

Shuiuq jungx yaz nuex vdvy vlix kuex bomjungc tay wvnc yix maq, rvwvlc tvmaung lvmx, rungx vwanx lvmx nuiyc sahtok sapawx yaungc roc thuinz mvrc wvnc vtueq luimz wvnc ningkhvnc nuex vlix kuex mkaq muinz thuey muq rulc rv-ngvlc yaq jix ngoc rvtueq.

Luke 8:6

Wvyvmc kuex lunghtauk nuex dvy tueq, kemz ruiux muinz yuix lvp muq rvtueq vyuiuq vshanc rvwvnc tueq.

Luke 8:8

Wvyvmc kuex ghaq hvlx phux nuex dvy ningkhvnc nuex kemz wvnc vtueq mvnz shashiz thuey ngoz wvnc tueq,” ngoz tueq jungx tueq. Yesu rueq, “Vtay lvy juing nac vhttax waz rueq mtay wvnc shueq!” ngoz tueq ramc jungx tueq.