Luke 8:35 - Hawa Naga Bible 2001

³⁵ Miq htenc rueq yvmx khoc lac yaungx wvnc tvnx lvmx kuex lawc kay kaz wuez tueq, Yesu kox nuex httuiuc koq tueq htaungc dung wvnc tueq waz kuex khvysvmx iruiux, Yesu yaz jungx nuex ngaungc yaq kuex khiz vtueq hiyaz kawc yawc wuez tueq.

ASII LAKDAP Bible (BSI)

³⁵ Krai mren, mungmaiqse ka pinrang raüta, jamlai mra wa pinta nguta liikito. Kiimaq tsangshiq ka Jesuq phana saüto. Raüta liikiita, akhum wa tha jobaiq wantiiwe kriika, Jesuq jichong na, khea sam raüta, kiimaq asung atsii ka tsangrakrak hea she nga raü chhihoto. Kiimaq tsangshiq ka, kra chhi raüta akiinyii rai nai, ahai riito.

Muklom

³⁵ Bara angta tha siin ma miqtang kata, etho ning Jesu relnáng thu atho, thangwa tang eq lota miq tha khat sam eq etho jaqhal thunglam sey ang eq Jesu relna tong chey atha khi eq thaji miqtang tha ucho rong angta.

Luke 8:35 Referencias Cruzadas

Tvtsvmc 51:10

O Tishox lex, vsawc thuinz vmungx ngaz muex tvdung sung kuq koq, tvmtuing httax yaq siyac nuiyc thuinz vnyalx ngaz muex kuq koq.

ISAIA 53:12

Kvkhoc rvtueq ngaz rueq vpiq kuex tvyungx luz vtueq, luimc vkawc vyungx jix hvlwvl nuex, tvtsanc nganc juing baungshiz kuq shaungx. Vpiq rueq vrullungx kuex vkuy roc thuinz maq kuq ruiux, layx bac jix waz hez rvhumc juing kuex rvhumc tueq. Vpiq rueq miq paunghvlc mvrax laung nuex tsuingshiq rvhumc aungx yaq kuex vpiq rvhumc tueq,” ngoz tueq jungx tueq.

Matthew 4:24

Kvkhoc rvtueq vpiq muingjungc thaungc kuex Siria mungx htenc lotlaz nuex nyvmc wvnc vtueq, gvnz hvlx muq jix htenc, vmac vtsac phvnx ruip saz thuiuz sac rvhumc jix htenc, htaungc kvpumz jix htenc, vngauk thuiuz jix, huk maungx yauk maungx jix htenc vpiq kox nuex shvlx laq koq tueq, vpiq rueq tsuingshiq muex tvhvlc kuq tueq.

Mark 5:15

tsuingshiq kuex Yesu kox nuex httuiuc kaz tueq nuex, htaungc paunghvlc kvpumz jix Legion ngoz yaq waz kuex, khoz vkhvy svmx ruiux kungkhux wawc miq hvlx ikhoc ngaungc yaq kuex tsuingshiq rueq khiz vtueq vhiz rvwuez tueq.

Luke 10:39

Kvruex nyuiuz muex vnox kuex vmuingc Mary ngoz yaq vshiz httax yaq, piq kuex Taungjix yaz phaungx nuex ngaungc vtueq vpiq rueq tvluing yaq kuex tay yaq.

Luke 15:17

Tvsuip nuex piq rueq tvmaung wvnc tueq kuex, ‘Iwaz yauk shuimc jix htenc rueq doc muinz phoay laz phauk saq yaq, ngaz kuex vruex yuq rvmc thuiuz rvhumc vtaungx nyix!

Luke 2:46

Raungnuiyq thuimx yix maq jix Shomc Yuimx mungx nuex Yuda tvluingc waz hez rulc ngaungc vtueq, tsuingshiq kvjaz muinz tay, vwiz muinz wiz rvyaq.

Luke 8:27

Yesu kuex taung nuex duiz wvnc koq tueq kvruex ghaqyungx wawc htaungc kop jix miq washiz kuex rvhumc kaz tueq; piq htauk nuex htaungc kvpumz yaq kuex vluz waq shex rvtueq, kvruex waz kuex khvy muinz svmx muq, yuimx nuex muinz httax muq miq luip ruiuz khux nuex dvyx httax yaq.

Luke 8:34

Ekvkhoc yaungx wvnc tueq lvmx kuex wauk remc jix hez rueq khiz vtueq panx yanx yuq wvnc ruiux, kez nuex muinz yuimx htenc nuex muinz kvruex lvmx kuex tvtay jungx wvnc tueq.

Acts 22:3

Polu rueq jungx tueq kuex: “Ngaz kuex Kilikia mungx Tarsu ghaq maq vjawx Yuda miqsaz rvtauk. Yuq muinz Yerusalem wawc Gamaliel jongx saz washiz yaungx vtueq peluz wvnc tauk, naungshiq jix vwaz tamx Tvrac tsanc hvlc kuex tvsuip tv-phaungc tvluing wvnc vtueq, majuiuc raungnuiyq vyuq httax yaq nuimshiq ikhoc Tishox yauk shuimc nuex thuinz tvyungc wvnc tauk.

1 John 3:8

Mvrax shuimx hvt jix waz ukhaq yuq muinz Htaungc rulc seng yaq waz rvtueq, yvmx khoc lac ngoz ruiux lec Htaungc kuex vphaungc vyaungc maq phuex mvrax shuimc jix rvtueq. Kvkhoc rvtueq Htaungc yauk shuimc kuex tvbac gay tvkoc Tishox Saz dung kvkhic kaz tueq.