Luke 8:10 - Hawa Naga Bible 2001

¹⁰ Yesu rueq, “Nuimshiq rueq Tishox Mungtan nuex seng vtueq thuiuz sungx hvlc vlvmz htenc kuex tuiuz vshuinx, miq vbez rueq kuex lawc ruiux muinz khiz muq, tay wvnc ruiux muinz tuiuz muq juing bomc tv-ngvlc maq jungx kuq yaq, ngoz tueq jungx kuq tueq.

ASII LAKDAP Bible (BSI)

¹⁰ Kiimaq apaiq raq treto, “Shiikeawe Mungtan na apaü raüta athü kra sap miitu tak wan tsii ka namshiq miili kuqto. Maiq nanok ahinti miika, manphan miili chongkuqtlo. Kriika tsangshiq raq ümtinkhan li lii raü min, chhi mak miraq. Kiimaq tsangshiq raq ümtinkhan li tai raü min, tak mak miraq.”

Muklom

¹⁰ Etho piq aa thawel batta, “Shkewa Mungtan thunglam tapu shingta tang tha nim ma tasam ma kota phin etharin adak miqtang ma nga raaqshiton wang bat ang, irimal ang ajo ning aa usiin eq chey na etharin chamtho khimoq angna, ning aa utat eq chey na, etharin chamtho sammoq angna.”

Luke 8:10 Referencias Cruzadas

Tvtsvmc 25:14

Yehowa kuex vpiq kvjaz tay jix rulc kungjix yaungx vtueq; vpiq bomkhvrc kuex tsuingshiq muex tvluing kuq shec tueq.

ISAIA 29:14

Kvkhoc rvtueq ngaz rueq tsuingshiq vshiz maq vshiz muex tvmaung raung muq vwangc juing maq tvhuingc gay shaungx. Wvtharc jix kuex miqyaq muex yaungx wvnc vtueq, tsuingshiq lotlaz miqjat lat yaq kuex khuec guez yaungx wvnc tuex,” ngoz tueq jungx tueq.

ISAIA 44:18

Vkhoc miq htenc kuex miqyaq ningkhvnc nuex tsuingshiq rueq yvmx wuez shuimx yaq nguinx tuiuz muq. Vlvmz rvkhauk laz kuex khiz muq tuiuz muq tvkoc tsuingshiq muik htenc nuiyc tsuingshiq thuinz vmungx htenc kuex puingc gay tueq.

ISAIA 6:9

Kvkhoc rvtueq vpiq rueq ngaz kuex miq htenc kox nuex tvkaz vtueq vruex bomjungc kuex kuy tvkoc jungx phuex: “Nuimshiq rueq mtanc dvyx tay ruiux muinz, nuimshiq rueq tuiuz tay muit. Nuimshiq rueq mtanc dvyx lawc ruiux muinz, yvmx wuez yaungx yaq nguinx nuimshiq rueq tuiuz muit.”

JEREMIA 5:21

muik httax yaq, yuq muinz khiz muq, nac httax yaq, yuq muinz tay muq, miqyaq tharc guez miq lex, tay shuinz.

EJEKIEL 12:2

Vpiq rueq, “Vthueyc rvyaq miq lex, mnoz kuex tvgap gawx jix miq htenc hvl nuex httax vtuiux. Tsuingshiq kuex muik httax yaq, yuq muinz yvmx muinz khiz muq; tsuingshiq nac httax yaq, yuq muinz yvmx muinz tay muq, yvmx rvtueq lac ngoz ruiux lec tsuingshiq rueq tvgap gawx ningkhvnc nuex rvtueq.

Matthew 11:25

Kvkaq Yesu rueq jungx tueq kuex, “Raungmungx nuiyc ghaq Taungjix Waz lex! Wvtharc jix nuiyc vthenc vtuiuz jix htenc muex tvtuiuz muq laz juing httuiyq puiuc ruiux, thenc tuiuz muq jix muex tvkhic kuq toq ningkhvnc nuex ngaz rueq mnoz muex kejux vyungx ngoz vphaungx.

Matthew 16:17

Yesu rueq tvralc tueq, “Yohan saz Simon lex, mnoz kuex thuinhvlx yaq! Vruex lvmx kuex miq talaz washiz ikhoc maq mnoz rueq tuiuz lot muq, raungmungx nuex httax yaq Iwaz rueq tvkhic kuq kv-phux rvtueq.

Mark 4:11

Yesu rueq tvralc tueq, “Nuimshiq kuex Tishox Mungtan nuex seng yaq vwangc juing vhttuiyq vpuiuc vruez lvmx htenc kuex tuiuz lot juing vkhangx lvp tuit. Yuq muinz yuz phic nuex httaz jix vganc kuex yvmx phvnx lvmz yuq muinz bomc tv-ngvlc maq dvyx tay lvp tueq.

Mark 4:12

Yvmx rvtueq lac ngoz ruiux lec, ‘Tsuingshiq rueq vlawc kuex lawc yaq, yuq muinz khiz muq; tsuingshiq rueq vtay kuex tay yaq, yuq muinz tuiuz tay muq. Mkhoc shoc maq tsuingshiq rueq lawc shuex kuex khiz vtueq, tay shuex kuex tuiuz ruiux yuq, tsuingshiq kuex Tishox kox nuex kvwek yek tuex, vpiq rueq tsuingshiq mvrax kuex dawc kuq gay shuex,’ ngoz tueq vsawc luik nuex jungx tueq,” ngoz tueq tsuingshiq muex jungx kuq tueq.

John 12:40

“Tsuingshiq muik htenc maq khiz lot ruiux tsuingshiq thuinz vmungx maq tuiuz lot ruiux doc muinz tsuingshiq kuex miqmac vthuiuz vsac mac vtsac hvlc kay tvkoc thuinz kvlayc wvnc wuez tuex. Kvkhoc rvtueq tsuingshiq muik kuex tvmawz kuq gay ruiux, thuinz vmungx kuex puingc kuq gay tauk ngoz tueq Tishox rueq jungx tueq,” ngoz tueq jungx tueq rulc rv-ngvlc tsuingshiq kvmluimx wuez muq.

Romans 16:25

Tishox ngauz vngax kuex naungshiq rueq tvtsvmc wuez ix! Ngaz rueq nuimshiq muex jungphvnx kuq phaungx Yesu Christu lvmx Thuix Thaungx Vhvlx nuiyc mvnnuex pat maq phuex vhttuiyq vpuiuc vruez shec tsuingrux lvmx nuex tvkhic kuq tueq rulc rv-ngvlc, vpiq rueq nuimshiq kuex nuimshiq kvmluimx lvmx nuex tv-phaungx ngaungx kuq yaq.

1 Corinthians 12:11

Yuq muinz kvhtenc kvruex lotlaz kuex Siyac vshiz dvyx tvyaungc tueq ningkhvnc nuex, vpiq thuinroc rulc rv-ngvlc vshiz maq vshiz muex yauk noalc kuex pungphvnx rv-phvnx phvlx kuq shec tueq.

TRI CHONGKE 29:4

Yuq muinz majuiuc raungnuiyq nuex httuiuc laz nuimshiq rueq khiz wvnc tuit htenc kuex tuiuz lot juing tharc nuimshiq muex kuq muq doc.

Colossians 2:2

Kvkhoc shuimx kaz wvnc tauk lvmz kuex tsuingshiq lotlaz nuex khvmc thuinz mvrc wvnc vtueq vshiz maq vshiz lungwawc thuinz nuex rvwak wvnc ruiux tsuingshiq rueq tsuingrux lvmz kuex tuiuz tay wvnc vtueq, vkvmx juing ngoz yaq kuex mvrc laz lvp wvnc wuez shuex. Vkhoc maq jix Tishox rueq vhttuiyq vpuiuc vruez ngoz yaq Christu kuex tuiuz wvnc wuez shuex.

1 Timothy 3:16

Naungshiq nawk palx tvrac thuiuz sungx hvlc lvmz kuex mtanc lac yungx yaq nguinx kuex uraq muinz khawx lvlx lot muq, kvruex vthuiuz vsungx lvmx kuex vkhoc rvtueq: Miqsaz gvnngvmx maq kvkhic kaz vtueq vlvmx waz rvtueq kuex Siyac maq tvkhic kuq tueq, raungkamx bix rueq muinz vpiq kuex khiz wvnc wuez tueq. Vpiq lvmz kuex miqphvnx ruip rawx muex tvtay jungx kuq tueq shex, mungkawx wawc miqsaz htenc vpiq muex kvmluimx wvnc tueq, raungmungx nuex shvlc wvnc rvhumc tueq.