Luke 7:30 - Hawa Naga Bible 2001

³⁰ Yuq muinz Pharise nuk nuiyc Tvrac tvluingc waz hez kuex miqmac tvkoc Tishox kvmungx lvmx kuex tvlvlc gay tueq kvdvyx muinz rvmuq Yohan yauk wawc yuix luip lvmz wuez muq rvtueq.

ASII LAKDAP Bible (BSI)

³⁰ Shatmaq, Phorisinok nai Thungtri shrinketibi raq, Johan kham lamke jaqsham kriika lang mak dea riito. Tsangshiq raq Shiikeawe aming, tsangshiq ma achongkuq kriimin lang mak riito. Kiimaq kham kiimin lam mak riito.

Muklom

³⁰ Etharin Phorisi tang etho thong tataltey tang aa Shkewa tinthin tha ning aa chikchakta etho John ching thiwang junglam ma nuk moq angta.

Luke 7:30 Referencias Cruzadas

TAKSU LAK 1:25

Ngaz rueq honc jungx kuq phaungx htenc kuex mnoz rueq bvlvmc lawc muq maq, ngaz rueq tvtharc phaungx kvjaz muinz mnoz rueq tay roc muq.

JEREMIA 8:8

Mnoz kuex taksux tharc nuiyc ngvy tvrac htenc kuex tuiuz yaq ngoz tueq yvmx khoc lac jungx lot shuinx? Lawc shuiuz, thuinz vkoarx luik wuiyq jix hez rueq tvrac htenc kuex wek wvnc wuez vshuex.

Matthew 22:35

Tsuingshiq phungc kvwawc tvluingc waz washiz rueq wiz vtueq mvrax humc laz juing helc roalc muex ngoz tueq,

Luke 13:34

“Yerusalem lex, Yerusalem lex! Shvmmax bix kuex thvt gay ruiux, mnoz kox nuex Tishox rueq vtvkaz kamx waz hez kuex lung maq tuip thvt gay toq! Wukuiux rueq vsahez kuex vraungx khung nuex tvkhup wungx yaq ikhoc mmiqsaz htenc lotlaz kuex ngaz rueq lauk wvruip ruip tvtuimx roc tauk, yuq muinz mnoz rueq ngaz muex kvkhoc tvshuimc muq!

Luke 20:6

Kvmaq naungshiq rueq miqsaz kox wawc ngoz ruiux muinz, nuk miqsaz lotlaz rueq Yohan kuex shvmmax washiz rvtueq ngoz tueq kvmx wuez yaq ningkhvnc nuex naungshiq kuex lung maq dvyx tuip gay phuex,” ngoz tueq rvjungc wuez tueq.

Luke 7:31

Yesu rueq jungx yek tueq, “Vruex pat wawc miq htenc vmac ngaz rueq yvmx maq bomc tv-ngvlc kuy juing lac? Tsuingshiq kuex yvmx rulc lac rv-ngvlc yaq nguinx?

Acts 20:27

Yvmx khoc lac ngoz ruiux lec ngaz rueq Tishox kvmungx htenc kuex nuimshiq muex lotlaz vtvkhic kuy wuez shex rvtueq.

Romans 10:21

Yuq muinz Israel nuex seng vtueq, “Ngaz muex khawx lvlx ruiux ngvy kvjaz tay muq miqsaz htenc kuex ngaz rueq nuiyqtuimc yauk tvlanc kuq vshaungx,” ngoz tueq Esaia rueq jungx tueq.

2 Corinthians 6:1

Nuiyshiq kuex Tishox kejux lvp wvnc jix hez rvtuit rulc rv-ngvlc kvruex kejux kuex khuec guez nauk tvyaungc kaz, nuiyshiq Tishox yauk shuimc jix htenc kox maq nuimshiq muex tvtay jungx vphix.

Galatians 2:21

Tishox kejux kuex ngaz rueq tvdux gay mauk. Yuq muinz miqsaz kuex Tvrac maq Tishox rueq tvtsuing tvrux kuy vkhangx lvp wvnc lot ruiux yuq, Christu vthueyc khvmc tueq kuex khuec guez dvyx rvtueq.

Ephesians 1:11

Httax yaq lotlaz kuex Tishox kvmungx lvmx nuiyc thuinz maq htvp htaz tueq rulc rv-ngvlc yaungx wvnc wuez tueq; kvmaq Tishox vpiq rueq mvnnuex phuex htvp htaz wvnc tueq lvmx nuex vjungx tvjvp vtueq naungshiq kuex Christu rulc vshiz dvyx yaungx vtix ningkhvnc nuex vpiq rueq kvmungx tueq ikhoc naungshiq kuex vpiq miqsaz htenc yaungc tvkoc thvl taq phuex.