Luke 6:38 - Hawa Naga Bible 2001

³⁸ Miq muex tsvp tsvp kvp kvp kuq noalx wuez shuinz, kvkhoc ngoz ruiux jix Tishox rueq nuimshiq muex muinz tsvp tsvp kvp kvp kuq noalx kv-phuinx; tawx kvmaq buil vtueq mvrc laz lemlaz htvp kuq shuinz, nuimshiq muex muinz kvkhoc htvp kuq kv-phuinx. Yvmx khoc lac ngoz ruiux lec nuimshiq rueq htvp kuq tuit tawx kvmaq Tishox rueq nuimshiq muex htvp kuq yek kv-phuinx,” ngoz tueq jungx tueq.

ASII LAKDAP Bible (BSI)

³⁸ Jaq achü maq, nanok ma kuq ronglaq. Shiikeawe raq namshiq ma mikuq. Ngi chongpha, Shiikeawe raq namshiq ma, asho awo athap raüta mikuq. Namshiq raq nanok ma kene na jamkho thapthi tlan, kra phan phan Shiikeawe raq namshiq ma mithap thikuq.”

Muklom

³⁸ Miqdak tangma ko inn etho Shkewa tho nim ma ukot eq phanin. Miq eq thap eq nim ma kopha nin, chamal nim aa miq ma thap ko inn eshimal nim ma tho ukot eq pha nin.”

Luke 6:38 Referencias Cruzadas

2 SAMUEL 19:36

Kvkhoc yunghvlc yauk noalc kuex lvp wvnc aungx muq shex. Kvkhoc rvtueq Yodan ruilx kvkox ral nuex mnoz kuex raungluingx shvlx taq kaz ix.

ESTHAR 7:10

Kvkhoc rvtueq Haman kuex Mordekai tvkoc piq rueq vtvhungx shex buq tvshuirc pauk juing nuex thvy gay rvhumc tueq. Kvkaq jix hokhvmx waz thuinkhvy kuex shiz tueq.

ESTHAR 9:25

Yuq muinz Esther kuex hokhvmx waz kox nuex kaz vtueq hokhvmx waz rueq bomc tvdvy luik wuiyq tvtay ningkhvnc nuex Yuda miqsaz htenc tvkoc piq rueq dvnc tueq vkuilc vdaz kuex Haman rvhumc wvnc tueq, piq nuiyc vsaz hez kuex buq shuirc htung nuex pauk gay rvhumc tueq.

YOBA 42:11

Yoba piq phuz vnox hez nuiyc vshvlx nyuiuz hez, kungjix kez htenc kuex vyuimx nuex guilc kaz vtueq phuiuz svy moalx tvhungx tueq. Yehowa rueq piq muex tvrvhumc tueq kuilc daz htemc rvmc htenc ningkhvnc nuex, tsuinghez rueq menjenc wvnc tueq lvmz kuex jungx vtueq piq muex sitenc yatenc kuq tueq. Tsuinghez miq pumz tek vtueq kuimphox nuiyc kuimshawx yauktop vphuq phok kuq tueq.

Tvtsvmc 79:12

Taungjix lex, vganc mungtan htenc rueq wvlc guez waqguez maq mnoz kuex tuip gay wuez yaq ningkhvnc nuex tsuingshiq muex lauk mvshix murx tvyez kuq shuiuz.

DUNGWVNC 21:24

muik laung muik, wac laung wac, yauk laung yauk, yaz laung yaz,

TAKSU LAK 10:22

Yehowa ruimrix kejux rueq mnoz muex tvrungx wanx ruiux, yauk shuimc hunglaungc rueq mtsak nyvmx yonzyex juing tvrvp kuq yaq rvmuq.

TAKSU LAK 19:17

Htemc saz jix muex mnoz rueq kuq noalx shuiux kuex Yehowa muex tvnvmc kuq shix rulc rv-ngvlc yaq, Yehowa rueq mnoz muex htuimz kuq yek shuex.

TAKSU LAK 22:9

Vkuy vnoalc roc thuinz maq htemc saz jix muex phvlx kuq shuiuz. Kvruex ningkhvnc nuex ruimrix kejux mnoz rueq lvp wvnc shuex.

JEREMIA 32:18

Mnoz rueq miq vhingc vmunc muex phaungx ngaungx yaq lungwawc thuinz tvkhic kuq ruiux muinz, vnyuiuz vwaz mvrax ningkhvnc nuex miqsaz muex murx tvgurc vshuiux. Mnoz kuex yunghvlc nuiyc luimc vkawc yunghvlc Tishox rvtoq; mnoz kuex Tvphaungc Tvsuip Yehowa rvtoq.

Matthew 10:42

Ngaz rueq nuimshiq muex vsuing jungx kuq ix, ngvy kungjix vwawc vruinx pinhtumc waz muex ngvy htvlx phawc lawc vtueq, yuix kuiyq kokshiz kuy nuingc jix waz rueq yauk mauk vsuingc suing lvp wvnc shuex,” ngoz tueq jungx tueq.

Matthew 7:2

yvmx khoc lac ngoz ruiux lec nuimshiq rueq vganc jix muex phox kuq shuinz rulc rv-ngvlc Tishox rueq nuimshiq muex phox kuq kv-phuinx. Nuimshiq rueq vganc muex phox kuq shuinz tvrac rulc rv-ngvlc nuimshiq muex phox kuq shuex.

Mark 4:24

Kvmaq raz tueq Yesu rueq, “Nuimshiq rueq tay wvnc tuit lvmx kuex vhvlx waq tay tvtsuingc shuinz! Nuimshiq rueq vganc jix muex phox kuq shuinz nuex shuimx shuinz tvrac rulc rv-ngvlc, nuimshiq muex phox kuq shuex nuex Tishox rueq shuimx shuex, yuq muinz kvruex htauk nuex jvnc vtueq tsanz tuex.

Luke 6:30

M-yauk wawc thoz jix hez muex kuq shuiuz, mhup msvmx lvmc lvy jix waz yauk wawc nauk tvyez thoz kaz.

TRI CHONGKE 15:10

Piq muex khiqkhvmz thuinz vguez maq vkuy roc thuinz maq kuq shuiuz, kvkaq mnoz rueq shuimx kaz shuiux htenc nuex Yehowa rueq ruimrix kuq kv-phux.

James 2:13

Yvmx khoc lac ngoz ruiux lec Tishox rueq menjenc thuinz vguez jix waz muex menjenc thuinz vguez maq phox kuq shuex: yuq muinz menjenc kuy lvmx rueq vphoc rvyaq kuex taungx gay lot yaq.

PHOWEBI 1:7

Adonibezek rueq, “Ngaz rueq hokhvmx waz rok mvshix kuex yashix yaukshix kuiux htenc jumz gay tauk, tsuinghez rueq ngvy humpanx khung wawc phuiuz bung svy bung htenc kuex tsenz vtueq saq wuez tueq. Majuiuc kuex tsuingshiq muex ngaz rueq guirguenz wvnc tauk ikhoc Tishox rueq ngaz muex ruez kuq vphuex,” ngoz tueq jungx tueq. Piq kuex Yerusalem ghaq nuex shvlc wvnc rvhumc vtueq kvruex yuq thueyc kaz tueq.