Luke 5:8 - Hawa Naga Bible 2001

⁸ Kvruex Simon Peter rueq khiz vtueq Yesu yaz phaungx nuex bumx ruiux, “Taungjix lex, ngvy kox wawc kvyenc wvnc kuiuz!” Ngaz kuex mvrax vhttax miqsaz rvtauk! ngoz tueq.

ASII LAKDAP Bible (BSI)

⁸ Simon Petar raq, kra chhi raüta, Jesuq jichong na bumki raütiishe, “Tatiwe le, ümniika i tho wa tiijin tlo laq! Ngi arka ngarai maiq!” nguta Jesuq ma chongto.

Muklom

⁸ Ethi tang tha khi eq Simon Peter tha Jesu jaa thong o shongtong eq batta, “Teyhungwa, nang irelwang chuwang u! Nga raa ashey ngarey miqwa!”

Luke 5:8 Referencias Cruzadas

2 SAMUEL 6:9

Kvruex yimaq Dawid muinz Yehowa muex hiyaz vtueq, “Majuiuc Bomkhvrc Jep kuex ngaz rulc vdvmz yvmx khoc lac lvmz wvnc shaungx?” ngoz tueq jungx tueq.

1 HOKHVMX 17:18

Mvntix nyuiuz rueq Eliya muex ngoc, “Tishox miq waz lex, yvmx ngoz tueq lac vkhoc ngaz muex rvkuq phux? Tishox rueq ngvy mvrax kuex tvsvmz kuq ruiux, isaz kuex tvthueyc gay tvkoc vyuq mnoz httuiuc kaz ruiux nyix?” ngoz tueq.

DUNGWVNC 20:19

Tsuingshiq rueq Moshe muex ngoc, “Mnoz rueq dvyx nuiyshiq muex tvlvy jungx kuq koq; nuiyshiq rueq tay wuez shix; Tishox rueq nuiyshiq muex tiq jungx kuq ruiux kuex, nuiyshiq vthueyc muex hiz vtix,” ngoz tueq jungx tueq.

ISAIA 6:5

Ngaz rueq, “Ngvy tvkoc tvluimc juing vguez shex! Ngvy nuix bar maq dung yaq bomc poz ruip rawx kuex mvrax kvjaz jvnc rvtueq, bomc poz tek nuex mvrax bomc poz kvjak yaq miqsaz htenc hvlwvl nuex httax vtaungx ningkhvnc nuex, ngaz kuex tvbac gay rvhumc vtaungx. Yuq muinz ngvy muik maq tiq, Tvphaungc Tvsuip Yehowa Hokhvmx waz kuex ngaz rueq khiz tauk.”

Matthew 17:6

Vsangac hez rueq kvruex tay vtueq pinhtumc hiyaz vtueq, tsuinghez htvlx kuex ghaq nuex bumx kaz wuez tueq.

Matthew 2:11

Tsuinghez kuex kvruex yuimx kvyuq nyuip wvnc koq tueq, kvruex nox kuex vnyuiuz Mary rulc vdvmz nuex khiz vtueq, tsuinghez kuix tsvrung nuex bumx ruiux vpiq muex nawk palx wuez tueq. Miqmac khak kuex daz vtueq vpiq muex kuimshawx, loban nuiyc murra htenc maq yauk noalc kuq wuez tueq.

Matthew 8:8

Kvkaq nolaungx yungx waz rueq, “Taungjix lex, ngvy yuimx nuex mnoz nyuip kay kuex ngaz hunghtaungx mauk miq ningkhvnc nuex aungx muq, mnoz rueq bomc poshiz dvyx jungx shuiuz, ngoz ruiux ngvy nvrc waz kuex hvlx kaz tuex.

Luke 5:7

Kvkhoc rvtueq tsuingshiq rueq kungjix bix vbez lix kuex yauk maq yvp gvl tueq, tsuingshiq muinz kaz wuez vtueq lix vnueyc rac nuex ngaq mvrc laz htawc koq tueq lix kuex suingx wvnc khvmkhvmz rvtueq.

Luke 5:9

Simon nuiyc piq rulc roc nuex ngaq khup naungc jix htenc kuex ngaq paunghvlc lvp ningkhvnc nuex vwangc rvwuez tueq.

John 11:32

Mary kuex Yesu kox kvyuq httuiuc kaz tueq, Yesu kuex khiz vtueq vpiq yaz phaungx nuex bumx ruiux, “Taungjix lex, mnoz vhttax ngoz ruiux kuex inox thueyc kaz muq rvkhvmz tueq,” ngoz tueq.

1 Corinthians 13:12

Majuiuc naungshiq rueq khiz vshix kuex, jamnac nuex kvkhic yaq vyac htenc khiz shix ikhoc tsuirmuirx rawmawz dvyx kvkhic yaq, yix maq kuex naungshiq htvlx rvhumc rvkhic lvp tix. Majuiuc ngaz rueq tuiuz vshaungx kuex vhtuimx vhtaq dvyx rvtueq; kvkaq kuex Tishox rueq ngaz kuex tuiuz tay yaq ikhoc ngaz rueq muinz tvsawc ric tuiuz tay wvnc shaungx.

Revelation 1:17

Kvruex waz kuex khiz vtueq ngaz kuex vmaungx ikhoc vpiq yaz phaungx nuex rul wvnc tauk. Vpiq rueq ngvy htauk nuex yaukkeq kox yauk kuex tvdaungc vtueq, “Nauk hiz kaz! Ngaz kuex Vphaungc nuiyc Tvsuip waz rvtauk.

PHOWEBI 13:22

Manoa rueq vtaungx nyuiuz muex ngoc, “Naungnueyc rueq Tishox kuex khiz gay tiq ningkhvnc nuex vsuing thueyc tix,” ngoz tueq jungx tueq.

1 SAMUEL 6:20

Kvkhoc rvtueq Bet Shemesh ghaq wawc miqwaz rulx rueq, “Vruex sawc hvlc Yehowa Tishox khaungkac nuex uwaz lac jvp lot tvnx? Nuiyshiq kox vwawc vpiq kuex mruex baung nuex lac nuiyshiq rueq tvkaz gay shix nguinx?” ngoz tueq rvjungc wuez tueq.