Luke 4:8 - Hawa Naga Bible 2001

⁸ Yesu rueq, “Taungjix m-Tishox muex mnoz rueq nawk palx lvp shuiux, vpiq muex dvyx shuimx lvp kuq shuiux ngoz tueq Rumvrc luik nuex wuiyq shec tueq,” ngoz tueq tvralc tueq.

ASII LAKDAP Bible (BSI)

⁸ Kiijiishe, Jesuq raq treto, “Asii bomtsi na akha chongtlo, ‘Tati Shiikeawe kli üm Shiikeawe. Apaiq kli shomnoq wan lili riilaq!’ ”

Muklom

⁸ Jesu aa thawel batta, “Asang likwit na taka aa, ‘Teyhungwa ba Shkewa shi chen shumnuk u etho piq rangma somlo u!’”

Luke 4:8 Referencias Cruzadas

2 HOKHVMX 19:15

vjux thoz tueq, “O Yehowa Israel Tishox lex, kherubim hez htauk wawc mnoz daungraungc htauk nuex ngaungc vtueq, mnoz dvyx mungkawx mungtan lotlaz kuex guimz lawc jix waz Tishox rvtoq. Mnoz rueq raungx nuiyc ghaq kuex tvdung sung taq toq.

Tvtsvmc 83:18

Mnoz dvyx Yehowa rvtoq lvmx nuiyc ghaq ruiykhuix lotlaz guimz lawc jix waz rvtoq lvmz kuex tsuingshiq rueq mtuiuz wvnc wuez shueq.

ISAIA 2:11

Miqsaz laungc tsvnc yaq kuex tvnulx gay ruiux miqsaz ngamc boq yaq kuex tvbac gay rvhumc tuex raungnuiyq httuiuc wvnc yaq. Kvruex yimaq Yehowa dvyx somraungc kuy rvhumc tuex.

Matthew 16:23

Yesu kuex kvroz nyez vtueq Peter muex, “Satan lex, ngvy kox wawc kvyenc kaz wvnc kuiuz, mnoz kuex ngvy tvhtuip jix rvtoq, Tishox thuinroc lvmx kuex khiz muq, miqsaz thuinroc lvmx dvyx tvmaung vshuiux,” ngoz tueq.

Matthew 4:10

Kvkaq Yesu rueq, “Satan lex, kaz wvnc kuiuz! Rumvrc luik nuex, ‘Taungjix m-Tishox muex dvyx nawk palx lvp shuiux nuiyc vpiq muex shomc kuy rax!’ ngoz tueq juex wuiyq shec tvnx,” ngoz tueq tvralc tueq.

Luke 4:4

Yuq muinz Yesu rueq, “Rumvrc luik nuex vkhoc wuiyq shec tueq, ‘Miq tvraungx yaq kuex wanx rueq dvyx tvraungx yaq rvmuq,’” ngoz tueq tvralc tueq.

Luke 4:7

Ngvy max vyuq mnoz rueq ngaz muex nawk palx ruiux yuq kuex, kvruex lotlaz mnoz muex kuq phaungx,” ngoz tueq jungx tueq.

TRI CHONGKE 10:20

Yehowa nuimshiq Tishox muex hiyaz tvtsanc nganc vtueq vpiq muex dvyx nawk palx kuy rax. Vpiq muex tvmtuing httax ruiux vpiq muingc kuex ruingc vtueq dvyx bomkhvmc tvy rax.

TRI CHONGKE 6:13

Yehowa nuimshiq Tishox muex tvtsanc nganc wuez shuinz, vpiq muex dvyx nawk palx wuez shuinz, vpiq muingc kuex ruingc vtueq bomkhvmc taq wuez shuinz.

James 4:7

Kvkhoc rvtueq Tishox thuinroc lvmx kuex phvnx wuez shuinz; htaungc waz kuex tuingshaung gay shuinz; kvkhoc ngoz ruiux yuq jix piq kuex nuimshiq kox kvwawc yuz wvnc tuex.

1 Peter 5:9

Nuimshiq kuex nuimshiq rueq lvp wvnc tuit kvmluimx kuex tvtsuir tv-phaungx vtueq ralx waz kuex khvt tuingshaung gay shuinz, yvmx khoc lac ngoz ruiux lec mungkawx lotlaz nuex nuimshiq kvkhoc kvmluimx jix miqsaz htenc kvrulc rv-ngvlc yaq vkuilc vdaz rvhumc wuez yaq kuex nuimshiq rueq tuiuz vshuinx.

Revelation 19:10

Kvkaq ngaz rueq piq yaz phaungx nuex bumx vtueq nawk palx dvnc tauk, yuq muinz raungkamx waz rueq, “Kvkhoc nauk nawk kaz! Ngaz kuex mnoz nuiyc mphuz mnox hez maq phaungc vtueq, Yesu rueq jungphvnx wvnc tueq tsuingrux lvmx phvnc jix htenc rulc shuimc shiz kayshiz jix nvrc waz dvyx rvtauk. Tishox muex dvyx nawk palx shuiuz!” ngoz phuex. Yvmx khoc lac ngoz ruiux lec Yesu rueq jungphvnx tueq tsuingrux bomjungc maq jix shvmmax bix muex rawshvmx tvwaung kuq yaq.

Revelation 22:9

Yuq muinz piq rueq ngaz muex, “Kvkhoc kuex nauk nawk vkueq! Ngaz kuex mnoz rulc shuimc shiz kayshiz jix nvrc waz dvyx rvtauk, mphuz mnox shvmmax bix nuiyc vruex luik vwawc bomjungc kuex phvnc jix htenc tsuingshiq rulc shuimc shiz kayshiz jix muinz rvtauk. Tishox muex dvyx nawk palx shuiuz!” ngoz tueq jungx phuex.

1 SAMUEL 7:3

Samuel rueq Israel miqsaz muex jungx tueq kuex, “Nuimshiq thuinz vmungx lotlaz maq Yehowa kox nuex yek waung ruiux yuq, pungnuk tishox lotlaz nuiyc Astarte nyuiuz yac yuimx htenc kuex tuip gay wuez shuinx. Nuimshiq miqmac shauk pumz kuex Yehowa muex tvshuk lekuq ruiux vpiq muex dvyx nawk palx kuq ruiux yuq, Philistin miqsaz yauk wawc vpiq rueq nuimshiq kuex palc wvnc kv-phuinx,” ngoz tueq jungx tueq.