Luke 4:6 - Hawa Naga Bible 2001

⁶ “Vruex luimc vkawc lotlaz nuiyc tsak vnyvmx lotlaz kuex ngaz rueq mnoz muex kuq phaungx, vhtenc vruex kuex ngvy yauk nuex vlekuy wuez shex ningkhvnc nuex ngaz rueq kuq roc shaungx waz muex kuq lot shaungx.

ASII LAKDAP Bible (BSI)

⁶ Raüta, “Ngi raq arthun maiq mung jonglu sitlaq ara, nai kiijaq tsiiq nai nyam tum ümtinkhan wa sitlaq kra, ümniiraq phaqsea miitu, arang ka ümniimiishe mikuq kang,” nguta Thawe raq apaiq ma chongto. “Arthun arka, i jaq na akekun siisaq she. Kiimaq ngi raq ümriiti ma kewan wa lungwii tiikang, kriiti ma mikiinong kuqha.

Muklom

⁶ Thangwa aa piq thima batta, “Nga nang ma iri tarong etho chamtan thaji raa kophanáng, chammatakoi iri chamtan raa nga ma ko taphang, etho nga iritang raa barima nuk ang ethima jin kot eq ang.

Luke 4:6 Referencias Cruzadas

ESTHAR 5:11

Piq rueq tsuinghez muex piq mtanc lac luiz waungx yaq lvmz, vsaz hez waz mjuc httax yaq lvmz, hokhvmx waz rueq mtanc lac somraungc wvnc tvnx lvmz, hokhvmx waz vyungx vlaungx vganc jix htauk nuex jvnc vtueq piq kuex mtanc vkhek nuex lac taq yaq nguinx lvmz kuex kvsomc parc jungx tueq.

ISAIA 23:9

Tvphaungc Tvsuip Yehowa rueq kvkhoc tvyaungx tueq. Tsuingshiq rueq shuimx wvnc tueq yauk shuimc nuex, tsuingshiq ngamc vngax kuex tvmaq gay nuiyc tvtsanc nganc mvrc yaq tsuingshiq miq htenc tvyomx gay tvkoc kvruex tvyaungx gay tueq.

ISAIA 5:14

Wulumx mungx kuex tsuingshiq tvkoc khvmz svy thuiuz muex vnuix kuex tvkac taq yaq. Kvruex kuex Yerusalem wawc vyungx vlaungx bix rulc vdvmz nuex rvmulc tsvlc thuirx tvruingx yaq miq talaz daungx htenc kuex yuk gay tueq.

Luke 4:7

Ngvy max vyuq mnoz rueq ngaz muex nawk palx ruiux yuq kuex, kvruex lotlaz mnoz muex kuq phaungx,” ngoz tueq jungx tueq.

John 12:31

Vruex mungkawx kuex majuiuc doc muinz vphoc rvhumc vtuex; majuiuc mungkawx vruex guimz lawc jix waz kuex yuz phic nuex tuip gay rvhumc tuex.

John 14:30

Nuimshiq rulc paunghvlc kvjak lvp mauk shuex, yvmx khoc lac ngoz ruiux lec mungkawx guimz lawc jix waz kuex httuiuc wvnc yaq shex, piq rueq ngvy htauk nuex guimz juing luimc vkawc vguez.

John 8:44

Nuimshiq kuex nuimshiq waz ngoz vshuinx htaungc piq sahez rvtuit, kvkhoc ningkhvnc nuex nuimshiq waz thuinroc lvmx kuex phvnx vtueq shuimx kaz vshuinx, htaungc waz kuex vphaungc vyaungc maq phuex miq thvy jix waz rvtueq, piq htauk nuex tsuingrux lvmx vguez ningkhvnc nuex tsuingrux lvmx nuex httax lot muq. Piq kuex vrot vkaq bomjungc jix waz rvtueq, piq kuex vrot waz muex vwaz rvtueq, miqmac gvnngvmx thuinz rulc rv-ngvlc vrot vkaq dvyx jungx thenc yaq.

2 Corinthians 11:14

Tsuingshiq rueq kvkhoc shuimx yaq kuex vwangc juing rvmuq! Satan doc muinz raungwuic kamx waz ikhoc kvguirc guenc lot yaq.

Ephesians 2:2

Kvtanc jauz nuimshiq rueq mungkawx honc vbac lvmx nuex phvnx vtueq raungwuilx wanc wawc siyac luimc vkawc htenc guimz jix waz khung nuex httax wuez tuit; Tishox rueq nvr yaq kuex phvnx muq jix htenc kuex majuiuc muinz siyac yac rueq guimz lawc khung nuex dvyx httax yaq.

1 Peter 1:24

Rumvrc luik nuex, “Miqsaz lotlaz kuex httuingx ruix ikhoc rvtueq, tsuingshiq ngauz vngax lotlaz muinz yaruix wawc pulx puic rulc rv-ngvlc yaq. Httuingx ruix kuex yuiuq wvnc vtueq vpuic muinz vruk rvwvnc yaq,

1 John 5:19

Mungkawx lotlaz kuex Htaungc waz rueq guimz yaq mungx nuex rvtueq, yuq muinz naungshiq kuex Tishox muex seng yaq jix htenc rvtiq lvmz naungshiq rueq tuiuz lvp vshix.

Revelation 12:9

Mungkawx tvlot laz rot kaq tvshonx jix Htaungc rvmuq ngoz ruiux Satan ngoz yaq mvnnuex wawc yungrex kuiux kuex, piq mangx bix rulc vdvmz nuex ghaq nuex tuip gay rvhumc tueq.

Revelation 13:2

Ngaz rueq khiz tauk svl vwvl kuiux kuex jaqtuik kuiux rulc rv-ngvlc yaq, vhuk kuex japbawx huk ikhoc vnuix kuex hangsic nuix ikhoc rvtueq, yungrex kuiux rueq piq luimc vkawc nuiyc piq daungraungc kvmuinz, yungc loayc hvlc vrangx vpangx htenc muinz svl vwvl kuiux kvmac lekuq gay tueq.

Revelation 13:7

Piq rueq Tishox miqsaz htenc kuex khvt vtueq taungx lot gay tvkoc vrangx vpangx nuiyc mungtan ruip rawx nuex httax yaq kvjaz phvnx ruip saz maq kvjak yaq miqphvnx ruip rawx waruiuz ruip rawx lotlaz htauk nuex guimx lawc tvkoc vkhangx muinz kuy rvhumc jix waz rvtueq.