Luke 4:22 - Hawa Naga Bible 2001

²² Tsuingshiq lotlaz rueq vpiq lvmz kuex tvtsvmc kvmc rvjungc phvnc wuez tueq nuiyc vpiq nuix wawc dung yaq kejux kvjaz ningkhvnc nuex vwangc raz tueq, “Vruex waz kuex Yosep saz rvmuq haz?” ngoz tueq rvjungc wuez tueq.

ASII LAKDAP Bible (BSI)

²² Apaiq traho bom chongke kra tai raüta, tsangshiq tarü raq tsan na washasha maq taito. Kiimaq tsangshiq tsan heali chhaq riito. Kiimaq apaiq raq jan jang jang hea maq bomchong kewan kra tai raüta, tsangshiq ka, kai amao riito. Kiimaq tsangshiq liipan na, “Riita, notsam, apaiq arka Joseph se riimak shiiraq?” nguta riiwaito.

Muklom

²² Piq aa thaji miqtang ma jaqhalta batta etho piq raaq tha tat eq thaji miqtang patja ang eq ning aa batta, “Piq raa Joseph sa ang moq i?”

Luke 4:22 Referencias Cruzadas

Tvtsvmc 45:2

Mnoz kuex miqwaz lotlaz htauk nuex shvmx svp hvlc waz rvtoq; mnoz kuex bomc tvkuip kemz thenc hvlc waz rvtoq. Kvkhoc rvtueq Tishox rueq mnoz muex mkaq muinz ruimruimx kuq yaq.

Tvtsvmc 45:4

Tsuingrux nuiyc tvrac vlvmz kuex tvguing tvgawx ruiux taungx wvnc nuex httuiuc laz ngauz vngax nuex jonx kuiuz! Mnoz hungc vlaungc rueq mnoz muex yunghvlc taungx wvnc lvmz htenc kuex tvlvp luz kv-phux.

TAKSU LAK 10:32

Tsuingrux jix miqsaz kuex piq rueq jungc aungx yaq lvmx kuex tuiuz yaq, yuq muinz layx bac jix htenc kuex mkaq muinz thuinz nuex shuy kvjaz dvyx kvjak yaq.

TAKSU LAK 16:21

Tharc httax vtueq peluz wvnc thuinz httaz jix waz kuex piq rueq tuiuz tay yaq tharc httax wvnc yaq. Piq bomc nyamc hvlx wvnc shuimc vkay nuex pinhtumc shunshvlx wvnc dvyx rvtueq.

TAKSU LAK 25:11

Thuinz vhvlx maq rvkhauk laz jungphvnx thenc yaq kuex, kuimphox sawx nuex kuimshawx maq vtvsvp rvp taq rulc rv-ngvlc yaq.

THARC TVLUINGC 10:12

Wvtharc waz rueq jungx yaq kvjaz kuex piq muex tvtsanc nganc kuq yaq, yuq muinz vngaz jix kuex piq kvjaz htenc maq bac kaz yaq.

ASHICHONG 5:16

Piq nuix kuex vshup muex hvlx yaq; piq honc vyaungc phvnx ruip kuex vroc svy juing. Yerusalem shvlx rulx lex, vruex kuex ngaz rueq lungwawx vshaungx waz shvmx vrvmx rvtueq.

ISAIA 50:4

Johvlc Yehowa rueq yvmx khoc jungc juing lac kuex ngaz muex tvluing kuq yaq, kvkaq ngaz rueq vhunc vnyec jix muex hunglaungc kuq lot tauk Wvraungx nvp tek vpiq rueq ngaz muex yvmx khoc tvluingc kuy juing lac lvmz kuex tay wvnc muex tvraungc raq yaq.

Luke 2:47

Vpiq kvjaz tay lvy jix lotlaz kuex vpiq phaqjic maq wiz yaq nuiyc tvralc jungx yaq kvmac vwangc rvwuez tueq.

Luke 2:48

Vpiq kuex khiz vtueq tsuingnueyc vwangc vtawz rvkaz tueq, vnyuiuz rueq, “Isaz lex, yvmx ngoz tueq lac nuiyshiq muex vkhoc tvruing raung vphux? M-waz nvnueyc kuex tvmaung rvwvlc hvlc maq thuiyx vphix,” ngoz tueq.

Luke 21:15

Yvmx khoc lac ngoz ruiux lec nuimshiq ralx hez rueq khawx lot muq laz juing nuimshiq muex kvjaz hungc vlaungc nuiyc taksux tharc kuex ngaz rueq kuq phaungx.

Luke 4:21

Vpiq rueq, “Vruex Rumvrc luik pvl nuex httax yaq htenc kuex nuimshiq rueq tay wvnc tuit rulc rv-ngvlc majuiuc raungnuiyq shex hungx waung vtuex,” ngoz tueq tsuinghez muex jungx phaungc tueq.

John 1:45

Philip kuex Nathanael rulc rvhumc vtueq, “Moshe Tvrac luik nuex muinz, shvmmax luik nuex muinz tvhungx wuiyq shec tueq waz kuex nuiyshiq rueq humc tiq, vpiq kuex Yosep saz Nazaret jix Yesu rvtueq,” ngoz tueq piq muex jungx kuq tueq.

John 6:42

Kvkhoc rvtueq tsuingshiq rueq, “Vruex waz kuex Yosep saz Yesu rvmuq haz? Vnyuiuz vwaz kuex naungshiq rueq tuiuz yaq. Kvkhoc rvyruiux, majuiuc vpiq rueq ngaz kuex raungmungx maq vsvt kaz ngoz tueq ngoz yaq nguinx?” ngoz tueq.

John 7:46

Nolaungx bix rueq, “Vpiq rueq tvluing yaq kvkhoc tvluingc jix ukhaq muinz httax muq!” ngoz tueq tvralc tueq.

Acts 6:10

Yuq muinz Stephen kuex Vsawc Siyac rueq vkuq taksux tharc kvjaz maq jungphvnc ningkhvnc nuex tsuingshiq rueq piq kuex khawx lot muq.

Titus 2:8

Mralx htenc rueq nuimshiq muex yvmx phvnx lvmx maq muinz mvrax humc muq ningkhvnc nuex yvlc svy mrvhumc kueq, mnoz kuex miq rueq mvrax tvgurc rvhumc muq laz juing vlvmx kvjaz dvyx jungphvnx shuiuz.