Luke 3:22 - Hawa Naga Bible 2001

²² Vsawc Siyac kuex hituiuc saz ikhoc vpiq htauk nuex svt kaz tueq. Raungmungx maq, “Mnoz kuex ngaz rueq lungwawx vphaungx Isaz rvtoq. Mnoz kuex ngaz rueq raungc raq vphaungx,” ngoz tueq raungx maq kvjaz dung tueq.

ASII LAKDAP Bible (BSI)

²² Kiimaq, Asii Wenyi ka apaiq khuthaq na, haütaü kaü ikha satkito. Kiimaq kra akhing na ramungtan wa maiq bom ashi ka akha saüto, “Ümniika I Se shaq. Ngi ka ümniima pinthum khoqriiq tiikang.”

Muklom

²² etho Asang Tsija tha hanphung o wotopin mal uhann o qhat kata. Etho rangmungtan wang raaq tatat qhong raaq ta, “Nang raa itinmat sa. Nga nang o rapney sungrang ang.”

Luke 3:22 Referencias Cruzadas

Tvtsvmc 2:7

Hokhvmx waz rueq, “Yehowa rueq jungx yaq kvjaz kuex ngaz rueq tvtay jungx shaungx, vpiq rueq ngaz muex, ‘Mnoz kuex Isaz rvtoq; majuiuc raungnuiyq dvyx ngaz kuex m-waz muex yaungx vtaungx.

ISAIA 42:1

Yehowa rueq, “Vruex waz kuex ngaz rueq hungc vkuq, ngvy nvrc waz, ngaz rueq vthvl waz, ngaz rueq raungc raq vshaungx waz rvtueq. Ngaz rueq vpiq kuex ngvy Siyac maq tvmvrc tauk, vpiq rueq miqphvnx ruip rawx kox nuex tvrac vlvmz kuex lvmz kuq laq shuex.

Matthew 12:18

“Ngaz rueq vthvl taq, ngvy nvrc waz, ngaz rueq lungwawx vshaungx nuiyc raungc raq vshaungx waz kuex lawc shuinz. Ngvy Siyac kuex vpiq htauk nuex ngaz rueq tvhttuiuc kuq shaungx, Ngaz rueq muingphox shaungx lvmx kuex vpiq rueq miqphvnx lotlaz muex tvtay kuq shuex.

Matthew 17:5

Piq rueq kvkhoc jungx yaq baunglaung phelez hvlc phuemx daungshiz rueq tsuinghez kuex buingc wvnc tueq, phuemx mungx maq, “Vruex waz kuex ngaz rueq raungc raq hvlc Saz rvtueq, vpiq kuex ngaz rueq lungwawx vshaungx, vpiq kvjaz tay wuez shuinz,” ngoz tueq.

Matthew 27:43

Vpiq kuex Tishox muex tvluimc vtueq, ‘Ngaz kuex Tishox Saz rvtauk,’ ngoz tueq. Rvtueq, kvkhoc ngoz ruiux Tishox rueq vpiq kuex palc wvnc roc shuex haz, naungshiq rueq lawc ix!” ngoz wuez tueq.

Matthew 3:13

Kvruex baunglaung Yesu kuex Yohan yauk maq yuix luip lvmc tvkoc Galile mungx maq Yodan ruilx nuex httuiuc kaz tueq.

Matthew 3:16

Yesu rueq yuix luip lvmz tueq rulc rv-ngvlc yuix maq kvtenc dung wvnc tueq nuex, raungx kvdauz wvnc vtueq Tishox Siyac kuex hituiuc vshiz ikhoc svt kaz vtueq vpiq htauk nuex ngaungc yaq kuex khiz tueq.

Matthew 3:17

Kvruex yimaq raungmungx maq kvjaz tvruingc kuex, “Vruex waz kuex ngaz rueq raungc raq vshaungx, ngaz rueq lungwawc hvlc Saz rvtueq,” ngoz tueq.

Mark 1:11

Kvkaq raungx maq bomc poshiz jungx tueq, “Mnoz kuex ngaz rueq lungwawx vphaungx Isaz shauk rvtoq, mnoz kuex ngaz rueq raungc raq vphaungx,” ngoz tueq.

Mark 1:9

Kvruex yimaq mtanc httax muq nuex Yesu kuex Galile hong Nazaret maq httuiuc kaz vtueq Yohan yauk maq Yodan ruilx nuex yuix luip lvmz kaz tueq.

Mark 9:7

Kvkaq phuemx daungx shiz rueq tsuinghez kuex puingc wvnc vtueq, phuemx mungx maq kvjak tueq kuex, “Vruex waz kuex ngaz rueq lungwawx vshaungx Isaz rvtueq, vpiq kvjaz tay shuinz!” ngoz tueq.

Luke 2:14

“Johvlc raungmungx wawc Tishox ngauz vngax kuex mhttax kueq, ghaq htauk vyuq vpiq rueq raungc raq yaq miqsaz lotlaz nuex nomic mhttax kueq!” ngoz wuez tueq.

Luke 4:21

Vpiq rueq, “Vruex Rumvrc luik pvl nuex httax yaq htenc kuex nuimshiq rueq tay wvnc tuit rulc rv-ngvlc majuiuc raungnuiyq shex hungx waung vtuex,” ngoz tueq tsuinghez muex jungx phaungc tueq.

John 1:32

Kvruex yimaq Yohan rueq, “Siyac kuex raungmungx maq hituiuc ikhoc svt kaz vtueq vpiq htauk nuex httax yaq.

John 12:28

Iwaz lex, mmuingc kuex ngauz vngax tvdung shuiuz!” ngoz tueq. Kvkaq raungmungx wawc thuic bomc vshiz kuex, “Ngvy muingc kuex ngauz vngax tvdung wvnc tauk, laukshiz hulawx tvdung yek shaungx,” ngoz tueq.

John 5:37

Ngvy tvkay jix waz Iwaz rueq muinz ngvy lvmz hakhix khvmc kuq yaq. Nuimshiq rueq mkaq muinz Iwaz thuic vbomc kuex tay muit doc, vpiq shvmx muinz khiz muit.

Acts 10:38

Nazaret waz Yesu kuex Tishox kox wawc Vsawc Siyac nuiyc luimc vkawc yvmx khoc lac lvp wvnc tvnx lvmz muinz nuimshiq rueq tuiuz vshuinx, Tishox kuex vpiq rulc roc nuex httaz ningkhvnc nuex vpiq kuex baung ruip saz nuex kvroz khuemx vtueq, miq htenc muex menjenc kuq ruiux, htaungc rueq tvkuilc daz yaq htenc kuex tvhvlc kuq tueq.

Colossians 1:13

Vpiq rueq naungshiq kuex raungx nyauk mungx wawc palc tvdung wvnc vtueq, vpiq rueq lungwawc yaq Vsaz mungtan kvyuq tv-nyuip shvlx wvnc phuex.

1 Peter 2:4

Taungjix kox nuex waung wuez luit, vpiq kuex miq htenc rueq khuec guez ngoz tueq vtvdux gay vtvraungx lung rvtueq, yuq muinz Tishox rueq vthvl taq vhtawz vhttax lung muex yaungx wvnc tueq.