Luke 3:13 - Hawa Naga Bible 2001

¹³ Piq rueq tsuingshiq muex jungx tueq, “Nuimshiq rueq hic muex htvp htaz taq shuinz kvmaq jvnc vtueq nauk hic kaz,” ngoz tueq.

ASII LAKDAP Bible (BSI)

¹³ Kiijiishe, “Phunta ka ümchu hiwan chang wa, kra thaq na achan ka naqhi rongkiq she,” nguta apaiq raq tsangshiq ma chongkuqto.

Muklom

¹³ Piq aa ning thima batta, “Nim aa ngin chamtan qheyching aa eshináng eq ahan nak qhey inn.”

Luke 3:13 Referencias Cruzadas

Tvtsvmc 18:23

Ngaz mvrax kop muq kuex vpiq rueq tuiuz yaq; vyaq yauk shuimc kuex ngaz rueq httvr gay tauk.

TAKSU LAK 28:13

Mmvrax htenc kuex puingc pvy gay muex mnoz hunglaungx ruiux yuq, mrullungx nuex mkaq muinz lotlaungc tuiux rvmuq. Mvrax kuex kvjungc vtueq tuip gay ruiux yuq Tishox rueq mnoz muex menjenc lungwawc thuinz tvkhic kv-phux.

Mikha 6:8

Rvmuq, Yehowa rueq naungshiq kuex vhvlx yauk shuimc tvkoc jungx shec phuex. Naungshiq kox wawc vpiq rueq thoz yaq kuex vruex rvtueq: tvrac vlvmz shuimc lvmx, lungwawc thuinz tvkhic lvmx, thuinz tvyomz vtueq naungshiq Tishox rulc lux rvyaungc vtueq httaz juing rvtueq.

Matthew 7:12

“Nuimshiq kuex miq rueq nuimshiq muex shuimc kuy roc vshuex kvkhoc nuimshiq rueq muinz tsuingshiq muex shuimx kuq shuinz: kvruex kuex Moshe Tvrac nuiyc shvmmax bix rueq tvluing kuq yaq lvmz vlvmx rvtueq.

Luke 19:8

Zake kuex kvtenc jvp vtueq Taungjix muex jungx tueq, “Tay shuiuz! Ngvy tsak vnyvmx htenc wawc wvyvmc kuex htemc saz jix muex phvlx kuq shaungx, kvmaq miq washiz shiz tsak vnyvmx ngaz rueq mop saq gay tauk ngoz ruiux yuq muinz htvmx bvlic tvrvp vtueq htuimz kuq shaungx,” ngoz tueq.

Luke 3:12

Muinghic jix hez rueq muinz yuix luip lvmc kay kaz vtueq, “Tvluingc waz lex, nuiyshiq rueq yvmx khoc shuimc juing lac?” ngoz tueq wiz tueq.

Luke 3:14

Nolaungx bix rueq muinz, “Nuiyhez kuex yvmx lac rvtiq nguinx? Nuiyhez rueq yvmx khoc shuimc juing lac?” ngoz tueq wiz tueq. Piq rueq, “Ukhaq kox wawc muinz tuinghtuing vtueq kuimphox nauk nyvlc kaz, tvrac muq mvrax nauk nyvnc kaz, nuimshiq rueq lvp vshuinx yauk mauk kvmac thuinz suing wuez kuinz,” ngoz tueq tsuinghez muex jungx kuq tueq.

1 Corinthians 6:10

Vguiuq vrot jix, khelric bac jix, joal pawc jix, miq jungc svy jix nuiyc miq yomnamc jix htenc rueq Tishox Mungtan guimz lvp wvnc shuex rvmuq.

Ephesians 4:28

Vguiuq waz rueq yix maq nauk guiuq kaz shex, htemc saz jix htenc muex kuq noalx lvp laz juing miqmac yauk maq yauk shuimc kuex vhvlx waq hunglaungx shuimc kaz shuinz.

Hebrews 12:1

Naungshiq tvkoc nuex vtanc khvnc paung yaq hakhix htenc kuex naungshiq tvkomc tuimz nuex httax yaq. Kvkhoc rvtueq naungshiq muex tuingshaung yaq gurc htenc muinz, naungshiq nuex phaungx hvlc kop yaq mvrax htenc muinz lvmz gay ruiux, naungshiq vyuz rvsherc tvkoc hangc vshix laungc jungx yaq nuex httuiuc laz khvmc thuinz maq yuz rvsherc wuez ix.