Luke 3:11 - Hawa Naga Bible 2001

¹¹ Piq rueq tvralc tueq, “Svmhung vnueyc vhttax jix waz rueq vguez waz muex phvlx kuq shuinz, phuiuz svy juing vhttax jix waz rueq muinz vguez waz muex phvlx kuq shuinz,” ngoz tueq jungx kuq tueq.

ASII LAKDAP Bible (BSI)

¹¹ Kiijiishe, apaiq raq tsangshiq bom ka treto, “Ju jaq niiwa, samtong anai asi, kriiti raq samtong ashi min ahüti miitsan maiqse kiima, samtong ashi kra kuq ronglaq. Kiimaq ju wa wok phetak tak sitlan, kriiti raq miitsan maiqse amang ale maq sitlaqti kriima, tü adung ka kran kuq lanta si ronglaq.”

Muklom

¹¹ Piq aa batta, “Utang ma samqhong ani tey aa ahungtey thima ashey kotching, etho phaksat utang jakna atha shey uphal eq kot ching.”

Luke 3:11 Referencias Cruzadas

EJEKIEL 18:7

Piq rueq ukhaq muinz laulawc muq, miq hup svmx kuex yauk laungc maq nyvlc muq. Vshap vnvmc jix waz rueq vtaung shec hup svmx kuex tvyez kuy rvyaq; khvmx vrvmc jix waz muex kuq phauk saq ruiux, sawkumx jix muex khoz vkhvy kuq yaq.

DANIEL 4:27

Kvkhoc rvtueq, Taungjix hokhvmx waz lex, ngaz rueq tharc jungx vphaungx kuex phvnx shuiuz. Mvrax lvmx kuex gay shec ruiux vlvmx yauk shuimc kuex shuimx shuiuz, htemc saz jix muex menjenc shuiuz. Kvkaq mnoz kuex tvhttoarc vtueq vrungx vwanx paung wvnc yek tuiux.”

Matthew 25:40

“Kvkaq Hokhvmx waz rueq, ‘Ngaz rueq nuimshiq muex vsuing jungx kuq ix, vruex inox tamx vwawc vruinx pinhtumc waz muex nuimshiq rueq shvlix lawx kuq shuinx kuex ngaz muex shvlix lawx kuy rvtueq!’ ngoz tueq tvralc tueq.

Luke 11:41

Yuq muinz nuimshiq panx nuiyc kok nuex httax yaq kuex htemc saz jix muex kuq shuinz, kvkhoc ngoz ruiux yuq jix httax yaq lotlaz kuex nuimshiq tvkoc vsawc rvtuex.

Luke 18:22

Yesu rueq kvruex kvjaz kuex tay vtueq, “Mnoz rueq phvnc juing phvnx shiz doc httax yaq, mnoz rueq lvp taq toq htenc kuex shaung gay ruiux, htemc saz jix muex phvlx kuq shuiuz, kvkhoc shuimx kaz ruiux yuq jix raungmungx wawc tsak vnyvmx kuex lvp wvnc shuiux, kvkhoc phvlc kuy yix maq ngvy yix nuex phvnx koq,” ngoz kuq tueq.

Luke 19:8

Zake kuex kvtenc jvp vtueq Taungjix muex jungx tueq, “Tay shuiuz! Ngvy tsak vnyvmx htenc wawc wvyvmc kuex htemc saz jix muex phvlx kuq shaungx, kvmaq miq washiz shiz tsak vnyvmx ngaz rueq mop saq gay tauk ngoz ruiux yuq muinz htvmx bvlic tvrvp vtueq htuimz kuq shaungx,” ngoz tueq.

John 13:29

Yuda kuex kuimphox khak shuimc jix waz ningkhvnc nuex moalx nuex shuimc muex Yesu rueq phvnx shishiz tvruiyx kaz tueq shvmx; rvmuq ngoz ruiux kuex htemc saz jix muex phvnx shishiz tvkuy kay dvnc yaq shvmx, ngoz tueq sangac wvyvmc rueq tvmaung wuez tueq.

Acts 10:2

Piq kuex nawk palx htungx tvtsanc jix waz; piq nuiyc vyuimx wuinz lotlaz Tishox muex nawk palx wuez tueq. Piq rueq htemc saz jix Yuda miqsaz htenc muex muinz yauk noalc paunghvlc romc kuq vtueq, Tishox kox wawc vjux thoz ruiux yaq.

Acts 10:31

‘Korneliu lex, mnoz rueq vjux thoz vshuiux kvjaz kuex Tishox rueq tay tueq, mnoz rueq kuq toq menjenc yauk noalc htenc muinz Tishox rueq tvtsuingc taq tueq.

Acts 10:4

Piq kuex kawc yawc hvlc maq raungkamx waz kuex tvtsuingc lawc vtueq, “Taungjix lex, yvmx phvnx lac?” ngoz tueq wiz tueq. Raungkamx waz rueq muinz, “Mnoz rueq vjux thoz toq kvjaz nuiyc yauk noalc kuq noalx vshuiux htenc kuex Tishox rueq raungc raq yaq ningkhvnc nuex mnoz muex tvtay vphaungx.

Ephesians 4:28

Vguiuq waz rueq yix maq nauk guiuq kaz shex, htemc saz jix htenc muex kuq noalx lvp laz juing miqmac yauk maq yauk shuimc kuex vhvlx waq hunglaungx shuimc kaz shuinz.

1 Timothy 6:17

Mungkawx tsak vnyvmx muex rungwanx jix htenc kuex ngamc vngax httax muq tvkoc honc jungx kuq shuinz, tsuingshiq rueq phaungx ngaungx muq tsak vnyvmx muex tvluimc muq maq, naungshiq rueq lvp wvnc tvkoc phvnx ruip saz kuex vkuy roc thuinz maq kuy jix waz Tishox muex dvyx thuinz tvluimc juing rvtueq.

1 Timothy 6:18

Vhvlx shuimc kay tvkoc muinz, vhvlx yauk shuimc nuex rungwanx wvnc tvkoc muinz, miq vganc muex phvlc shuinc kuy lvmz nuex muinz, hungx laz htaungx laz kuy tvkoc tvyoalc yoalx maq mhttax wuez kueq tsuingshiq muex jungphvnx kuq shuiuz.

Hebrews 6:10

Tishox kuex tvrac vlvmz vguez waz rvmuq. Vpiq kuex nuimshiq rueq shuimx wvnc tuit yauk shuimc htenc muinz, vpiq muex lungwawx lvmx nuimshiq rueq tvkhic kuy tvkoc mvnnuex maq raz tueq majuiuc nuex httuiuc laz, Christan miqsaz vdvmz dvmz rvromc lawc yaq kvmuinz Tishox rueq lauk gay muq.

James 1:27

Vwaz Tishox khaungkac nuex vsawc nuiyc rvkhauk laz nawk palx htungx ngoz yaq kuex, kuilc daz rvhumc yaq nojix saz tamx nuiyc mvntix nyuiuz tamx muex lawc mawc kuq vtueq, miqmac shauk gvnz muinz, mungkawx vshuy vshac muinz koayc gay lvmx rvtueq.

James 2:14

Phunox bix lex, miq vshiz shiz kuex kvmluimx vtaungx ngoz tueq kvjungc ruiux muinz, honc vyaungc maq hakhix tvkhic lot muq ngoz ruiux kuex yvmx vjux lac httax tvnx? Kvkhoc kvmluimx rueq tsuingshiq kuex palc wvnc lot shuex haz?

1 John 3:17

Tsak vnyvmx rungwanx jix waz rvhvt maq piq phuz vnox waz htemrvmc hvlc kuex khiz yaq rvhvt maq, piq menjenc thuinz vmungx kuex tuing gay ruiux yuq, piq rueq Tishox muex lungwawc vshaungx ngoz tueq yvmx khoc lac jungx lot shvnx.

1 John 4:20

Tishox kuex lungwawx vshaungx ngoz tueq jungx ruiux, miqmac phuz vnox waz muex shuiuc pac jix waz kuex vrot vkaq miq rvtueq. Yvmx khoc lac ngoz ruiux lec miqmac rueq khiz yaq phuz vnox waz muex lungwawx muq ngoz ruiux kuex, miqmac rueq khiz muq Tishox kuex lungwawx shuex rvmuq.