Luke 24:48 - Hawa Naga Bible 2001

⁴⁸ Nuimshiq kuex vruex lvmx htenc hakhix yaungx wuez vtuinx.

ASII LAKDAP Bible (BSI)

⁴⁸ Riita namshiq ka arthun hongtha wantaq ara chhi tai wanti saqse hakhibi kong sitlan. Kriikha maq ara tsütsa ara michong kuq han.

Muklom

⁴⁸ Nim raa iri tang ma miikkhi tey tang.

Luke 24:48 Referencias Cruzadas

John 15:27

Nuimshiq muinz vphaungc maq phuex ngaz rulc vdvmz nuex httax vtuinx ningkhvnc nuex ngvy lvmz hakhix khvmc wuez shuinz, ngoz tueq.

Acts 1:8

Yuq muinz Vsawc Siyac nuimshiq htauk nuex httuiuc kaz tuex nuex, nuimshiq rueq luimc vkawc lvp wvnc shuinx, kvruex kaq nuimshiq rueq Yerusalem, Yuda mungx lotlaz, Samaria mungx nuiyc ghaq ruiykhuix tvsuip laz ngvy hakhix htenc muex yaungx wuez tuinx,” ngoz tueq jungx tueq.

Acts 10:39

Yerusalem ghaq nuex muinz, Israel mungx nuex httax yaq miqghaq htenc nuex muinz vpiq rueq shuimx wvnc tueq yauk shuimc nuex seng vtueq hakhix hez kuex nuiyshiq rvtiq. Kvruex yimaq miq htenc rueq vpiq kuex yauk juinc bulx htauk nuex but thvt gay tueq.

Acts 10:41

Miq lotlaz rueq vpiq kuex khiz lvp tueq rvmuq, hakhix tvkoc Tishox rueq tvluz nuex vthvl shec jix naungshiq rueq dvyx khiz wvnc tiq. Naungshiq kuex vpiq thueyc vtueq yuing kvtenc wvnc tueq yix maq vpiq rulc roc nuex phuiuz svy jix hez rvtiq.

Acts 13:31

kvmaq kungkhux nuex vpiq rulc vroc nuex Galile mungx maq Yerusalem nuex phvnc wvnc naungc jix htenc muex raungnuiyq loayc hvlc shvmx kvkhic shec tueq. Tsuingshiq rueq majuiuc Israel miqsaz muex vpiq lvmz hakhix khvmc kuq yaq.

Acts 2:32

Yesu kuex Tishox rueq tvyuing tvtenc wvnc tueq lvmz hakhix kuex naungshiq lotlaz rvtiq.

Acts 22:15

Yvmx khoc lac ngoz ruiux lec mnoz rueq khiz wvnc toq nuiyc tay wvnc toq htenc kuex miq lotlaz htumc nuex jungc tvtay tvkoc vpiq hakhix khvmc kuy jix waz mnoz yaungx tuiux.

Acts 3:15

Nuimshiq rueq rullungx kuq lot yaq waz kuex vthvy rvgay tuit, yuq muinz Tishox rueq vpiq kuex vthueyc wawc tvyuing tvtenc wvnc tueq naungshiq kuex kvruex lvmz hakhix yaungc jix hez rvtiq.

Acts 4:33

Kamx waz hez rueq Taungjix Yesu yuing kvtenc wvnc tueq lvmz kuex luimc vkawc yunghvlc maq hakhix khvmc tueq. Tishox rueq tsuingshiq lotlaz htauk nuex ruimrix ruiuc kuq tueq.

Acts 5:32

Vruex lvmx htenc vyuq seng vtueq nuiyshiq kuex hakhix muex yaungx vtix, Tishox vpiq kvjaz tay jix htenc muex vkuq kejux yauk noalc ngoz yaq, Vsawc Siyac muinz hakhix muex yaungx yaq,” ngoz tueq.

1 Peter 5:1

Phungc kuex lawc mawc shunshvlc jix ngaz phungc walaungx washiz ikhoc, phungc walaungx bix nuex lomx yaq nuimhez muex kvpiq nvyx vphaungx. Ngaz kuex Christu rvhumc wvnc tueq kuilc daz htenc kuex khic jix hakhix washiz ikhoc maq muinz, dung kv-khic wvnc tuex ngauz vngax kuex nuimshiq rulc roc nuex lvp wvnc muex tvluimc jix waz ikhoc maq muinz nuimshiq muex ngaz rueq kvpiq nvyx thoz vphaungx.