Luke 23:7 - Hawa Naga Bible 2001

⁷ Herod rueq guimz lawc yaq mungx wawc miq rvtueq lvmx kuex piq rueq tuiuz lvp vtueq, Yesu kuex Herod kox nuex tvshvlx laq tueq. Kvruex baunglaung Herod muinz Yerusalem nuex vhttax rvtueq.

ASII LAKDAP Bible (BSI)

⁷ Apaiq raq Jesuq ka Herod sengi hiqshong wa nguta sap raütiishe, Jesuq ka Herod rung niishe tiishea wanto. Kra bala Herod ka Jerusalem na aki chato.

Muklom

⁷ Jesu Galilee wang ta sam atho Pilate aa Jesu tha Herod jamnáng takat ta chammatakoi Herod Galilee lungwang angta etho piq eshi tok tho Jerusalem na angta.

Luke 23:7 Referencias Cruzadas

Matthew 14:1

Kvruex baunglaung Galile mungx guimz lawc jix Herod rueq Yesu thaungc kuex tay tueq.

Matthew 14:3

Herod kuex vnox Philip taungnyuiuz Herodia ningkhvnc nuex Yohan kuex lvp vtueq khoktep nuex shauk gay tueq.

Matthew 14:6

Herod piq jawc raungnuiyq httuiuc tueq nuex, Herodia saz yalxjuik saz kuex miq htumc nuex moalx kvyuq kaz vtueq wvnuemz nvyx kuq ruiux Herod thuinz kuex pinhtumc tvhvlc kuq tueq.

Mark 6:14

Yesu thaungc kuex baung ruip saz nuex nyvmc wvnc vtueq Herod hokhvmx rueq kvruex lvmz lotlaz tay tueq. Miq wvyvmc rueq Yesu ngoc, “Yuix Luip Yohan thueyc vtueq vyuing kvtenc wvnc waz rvtueq! Kvkhoc ningkhvnc nuex vpiq rueq vwangc juing luimc vkawc shuimx lot yaq,” ngoz tueq jungx wuez tueq.

Luke 13:31

Kvruex baunglaung Pharise nuk wvyvmc kuex Yesu kox nuex kaz vtueq, “Mnoz kuex vruex wawc vganc baungshiz nuex kaz wvnc kuiuz, yvmx khoc lac ngoz ruiux lec Herod rueq mnoz vthvy gay dvnc yaq,” ngoz tueq.

Luke 23:6

Pilat rueq kvruex tay vtueq, “Vruex waz kuex Galile miqsaz haz?” ngoz tueq tvsuing wiz tueq.

Luke 3:1

Kesar Tiberiu rueq guimz lawc tueq wawc rokshiz rac wawc bv-ngac nuex, Yuda mungx nuex Pontu Pilat kuex mungx walaungx muex, Galile mungx Herod kuex guimz lawc vyungx vlaungx muex, Iturea nuiyc Trakoniti hong nuex Herod nox Philip kuex guimz lawc vyungx vlaungx muex, Abilene mungx nuex Lisania kuex guimz lawc vyungx vlaungx muex yaungx vtueq shuimx wuez yaq,

Luke 9:7

Kvkhoc yaungx wvnc tueq lvmx kuex Galile hong guimz jix mungx walaungx Herod rueq tay vtueq thuinz bvruik shauk tueq, yvmx khoc lac ngoz ruiux lec miq wvyvmc rueq Yuix Luip Yohan yuing kvtenc waung yek tueq ngoz yaq.

Acts 4:27

Kvrulc rv-ngvlc Herod nuiyc Pontu Pilat kuex Pungnuk miqsaz htenc nuiyc Israel miqsaz htenc rulc vdvmz nuex mnoz vsawc Nvrc Waz rvtueq mnoz rueq Mesia tvyaungc toq Yesu kuex khawc lvlc tvkoc vruex ghaqyungx vyuq rvtuimx wuez yaq.