Luke 23:4 - Hawa Naga Bible 2001

⁴ Kvkaq Pilat rueq shomc walaungx bix nuiyc nuk miqsaz htenc muex, “Vruex waz muex mvrax tvgurc juing lvmx humc mauk,” ngoz tueq.

ASII LAKDAP Bible (BSI)

⁴ Kiijiishe, Pilat raq ramwe jongbi nai mungmaiqse thungtlaq kiima, “Ngi raq arwe dü na apaiq tsaili chang kha ahü, jam min chhi mang,” nguta chongkuqto.

Muklom

⁴ Ethi jio, Pilate aa ajong tingwa tang etho eshina tathung aa miqtang thima batta, “Nga iri miq raa tatsamnang ma piq khom o chamtho jashit khimong.”

Luke 23:4 Referencias Cruzadas

Matthew 27:19

Pilat kuex khac phoc juing nuex ngaungc yaq baunglaung vtaungx nyuiuz rueq miq washiz tvkaz vtueq bomjungc tvjungx kaz tueq kuex: “Miqtsuing miqrux waz kuex yvmx muinz nauk ruez kaz, yvmx khoc lac ngoz ruiux lec vpiq ningkhvnc nuex m-wvrx raungwvrx ngvy maung maq kuilc daz paunghvlc rvhumc tauk,” ngoz tueq.

Mark 15:14

Yuq muinz Pilat rueq, “Vpiq rueq honc bac mvrax yvmx lac shuimx gay tvnx?” ngoz tueq wiz tueq. Tsuingshiq kuex hungc maq guyc vtueq, “Yauk juinc bulx nuex but thvt gay shuiuz!” ngoz tueq ramc wuez tueq.

Luke 23:22

Kvruex kaq Pilat rueq tsuingshiq muex lauk thuimx ngoc yaungc jungx tueq kuex, “Vpiq kuex yvmx mvrax lac yaq gay tvnx? Vpiq kuex vthueyc aungx yaq mvrax ngaz rueq khiz mauk! Kvkhoc rvtueq murx tvgurc tvtharc ruiux tvdung gay shaungx,” ngoz tueq.

John 18:38

Pilat rueq, “Tsuingrux lvmx ngoz yaq kuex yvmx ngoc lac?” ngoz tueq wiz tueq. Kvruex yimaq Pilat kuex nuk miqsaz htenc kox nuex kaz vtueq, “Vruex waz htauk nuex ngaz rueq yvmx mvrax muinz khiz mauk.

Acts 25:25

Piq kuex vthueyc aungx yaq mvrax phvnx shiz muinz yaq muq lvmx kuex ngaz rueq tuiuz yaq. Yuq muinz piq rueq hokhvmx waz htumc nuex httuiuc rax ngoz tueq thoz ningkhvnc nuex piq kuex hokhvmx waz kox nuex tvkay tvkoc ngaz rueq muinz htvp htaz kuq tauk.

Acts 3:13

Abraham nuiyc Esak, Yaku hez Tishox ngoz yaq, naungshiq jix vwaz hez Tishox rueq vpiq nvrc waz Yesu muex ngauz vngax tvdung kuq tueq. Yuq muinz nuimshiq rueq vpiq kuex vrangx vpangx vhttax jix muex lekuq gay ruiux, Pilat rueq doc muinz vpiq kuex tvdungc gay tvkoc htvp htaz kv-phuinx tueq, nuimshiq rueq Pilat htumc nuex vpiq kuex tvdux gay tuit.

Hebrews 7:26

Kvkhoc rvtueq Yesu kuex naungshiq rulc hungx htaungx yaq Shomc Wayungx rvtueq. Vpiq kuex sawc hvlc rvtueq; vpiq nuex vyaq nuiyc mvrax yvmx muinz vguez, vpiq kuex mvrax vhttax jix rulc tvlomx muq maq tv-phvlc vtueq raungmungx nuex httuiuc laz tvtsvmc kvmc rvhumc tueq.

1 Peter 1:19

vmac vtsac vguez khelbuenx saz rulc rv-ngvlc yaq Christu thuiuzthuic kuex shomc nawk kuy gay tueq.

1 Peter 2:22

Vpiq kuex mvrax yaq muq, vpiq nuix wawc vrot vkaq kvjaz poshiz uraq lac tay tuinx.

1 Peter 3:18

Yvmx khoc lac ngoz ruiux lec Christu kuex naungshiq mvrax laung nuex laukshiz lvmz maq dvyx lotlaz rawc nuex tvlot laz vthueyc khvmc tueq. Vpiq kuex miqhvlx waz rvtueq rvhvt maq mvrax lvp jix laung nuex thueyc khvmc tueq, kvkhoc ruez tueq lvmz kuex nuimshiq kuex Tishox kox nuex shvlc wvnc tvkoc rvtueq. Vpiq kuex gvnngvmx maq vthvy gay rvhumc ruiux muinz siyac nuex Tishox rueq tvraungx tvhttax tueq.