Biblia Todo Logo
La Biblia Online
- Anuncios -




Luke 21:36 - Hawa Naga Bible 2001

36 Nuimshiq rueq kvruex yaungx wvnc yaq lvmz lotlaz kuex lvy wvnc lot tvkoc hungc vlaungc lvp wvnc wuez shuinz, Miq Saz vruex htumc nuex khac phoc khvmc tvkoc jvp lot aungx yaq jix htenc yaungc wuez kuinz vjux thoz vtueq honc lvmz hvt rvshuinz,” ngoz tueq.

Ver Capítulo Copiar

ASII LAKDAP Bible (BSI)

36 Ara chong tiikai mra pin akhing saü wan tlaq kra thun ka wiita kunkun tang wan miitu, lanta namshiq ka tiichhii wan miitu, achu jaü shatmaq kiimaq, honkamshat maq si ronglaq. Lanta, namshiq ka Maiq Se man na chap wan li chang miitu, pharang rang maq si ronglaq.”

Ver Capítulo Copiar

Muklom

36 Rangtun eq tong inn, etho nim iritang thaji angma ta wang lun ma etho Miqna Sa jakho o jin langma salwet romtam chu inn.”

Ver Capítulo Copiar




Luke 21:36
34 Referencias Cruzadas  

Vpiq rueq kuq yaq kokez juing kuex tsuingshiq rueq lvp aungx yaq; vpiq kox wawc tvkhvlc muq maq tsuingshiq rueq vjux thoz aungx yaq.


Mvrax kop jix htenc kuex Tishox rueq phoc gay rvhumc wuez tuex, tsuingshiq kuex Tishox miqsaz wawc tv-phvlc gay rvhumc tuex.


Kvkhoc rvtueq ngaz, Tvphaungc Tvsuip Yehowa Israel Tishox rueq Rekhab saz Jonadab wawc ngaz muex shuimc lvmc kuy tvkoc suiuz vsaz miqwaz saz kuex tvhttoarc vtueq httaz wvnc tuex ngoz tueq bomkhvmc kuq vphaungx,” ngoz tueq jungx tueq.


Yuq muinz vpiq httuiuc kay raungnuiyq kuex uraq lac khvmc lot shuinx? Vpiq dung kvkhic tuex nuex ukhaq lac tvraungx lot tvnx? Vpiq kuex henghvlc saqponc ikhoc muinz, tvyuimx hup vsvmx tvsvp lot yaq wvr ikhoc muinz rvtueq.


“Kvkhoc rvtueq honc lvmz hvt maq bvmc wuez shuinz, nuimshiq Taungjix waz kuex mruex kaq wuez httuiuc kaz yaq nguinx nuimshiq rueq tuiuz muit.


Mkhoc shoc maq yuimx taungjix waz rueq vguiuq waz kaz tuex vkhing kuex tuiuz ruiux yuq, piq kuex honc lvmz hvt maq httax vtueq piq yuimx nuex vguiuq tv-nyuip shuex rvmuq lvmx kuex rvwvl wuez shuinz.


Kvkhoc rvtueq nuimshiq honc lvmz hvt maq httax wuez kuinz, yvmx khoc lac ngoz ruiux lec Miq Saz vruex kuex nuimshiq rueq tvmaung muit baunglaung httuiuc kaz tuex.


Kvkhoc rvtueq Yesu rueq, “Vraungx nuiyq nuiyc vkhing kuex nuimshiq rueq tuiuz muit ningkhvnc nuex honc lvmz hvt maq httax kuinz, ngoz tueq tvsuip tueq.


Mvyx tvy yaq kvyuq httuiuc kaz muit tvkoc honc lvmz hvt maq vjux thoz wuez shuinz, siyac kuex hungc vlaungc httax yaq, yuq muinz gvnngvmx hungc vlaungc nulx kaz,” ngoz tueq.


Yesu rueq, “Shoalx htenc kuex vluix vhttax, wushawx htenc muinz vjez vhttax, yuq muinz Miq Saz vruex kuex khux tvwoalc juing baung doc muinz vguez,” ngoz tueq jungx kuq tueq.


Kvruex vkhing mkaq lac httuiuc yaq nguinx kuex nuimshiq rueq tuiuz muit ningkhvnc nuex honc lvmz hvt maq bvmc wuez shuinz.


Nuimshiq muex ngaz rueq jungx vphaungx rulc rv-ngvlc, miq lotlaz muex muinz ngaz rueq jungx vshaungx: honc lvmz hvt rvshuinz!” ngoz tueq tsuingshiq muex jungx tueq.


Raungkamx waz rueq, “Ngaz kuex Tishox khaungkac nuex jvp jix waz Gabriel rvtauk, mnoz muex shuenruenc bomjungc vruex jungphvnc kuy tvkoc ngaz nvr tvkaz phuex rvtueq.


Kvruex yimaq Yesu rueq mkaq muinz vjux thoz vtueq thuinbac muq mruez kueq ngoz tueq, sangac bix muex bomc tv-ngvlc vshiz maq tvluing jungx kuq tueq.


yuq muinz vthueyc wawc yuing kvtenc wvnc vtueq raungmungx nuex nyuip aungx jix miq htenc kuex miqlvmc miq tvwaungc ngoz tueq muinz vguez shex.


Yvmx khoc lac ngoz ruiux lec kvruex kuex baung ruip saz nuex httax yaq miqsaz lotlaz htauk nuex httuiuc wvnc tuex.


Piq kuex nawk palx htungx tvtsanc jix waz; piq nuiyc vyuimx wuinz lotlaz Tishox muex nawk palx wuez tueq. Piq rueq htemc saz jix Yuda miqsaz htenc muex muinz yauk noalc paunghvlc romc kuq vtueq, Tishox kox wawc vjux thoz ruiux yaq.


Honc lvmz hvt rvshuinz, nuimshiq kvmluimx lvmx nuex phaungx duingduing jvp wuez kuinz, khvmc thuinz httax wuez kuinz, hungc vlaungc httax wuez kuinz.


Taungjix Yesu kuex vthueyc wawc tvyuing tvtenc wvnc jix Tishox rueq nuiyshiq muinz Yesu rulc vdvmz tvyuing tvtenc wvnc vtueq, nuimshiq rulc vdvmz vpiq htumc nuex shvlx wvnc shuex lvmx kuex nuiyshiq rueq tuiuz vshix.


Thuinz luimx lilix maq vjux thoz wuez shuinz, vjux thoz shuinx nuex honc lvmz tharc svmz hvt maq Tishox muex kejux vyungx ngoz wuez shuinz.


Thauk muit maq vjux thoz shuinz,


Mnoz kuex yvmx khoc yaungc wvnc juing lvmx htenc rvhumc ruiux muinz mshauk pumz maq khvmc vtueq vkuilc vdaz kuex nanx shuiuz; Thuix Thaungx Vhvlx jungphvnc kuy yauk shuimc kuex shuimx shuiuz, Tishox nvrc waz vshiz ikhoc mnoz rueq gurc pic juing httax yaq lotlaz kuex shuimx kaz shuiuz.


Phvnx ruip saz lotlaz vtvsuip gay kuex httuiuc wvnc yaq shex. Kvkhoc rvtueq nuimshiq rueq vjux thoz lot tvkoc miqmac shauk gvnz kuex tvsuingx khvrc vtueq hotlez hamlez maq httax kuinz.


Nuimshiq honc svmz tharc lvmz hvt maq httax kuinz! Nuimshiq ralx waz ngoz yaq Htaungc waz kuex ukhaq lac yuk phauk gay lvp shaungx ngoz tueq huk hez yaq hangsic ikhoc kvroz khuemx yaq.


Rvtueq, isaz tamx lex, vpiq httuiuc kaz tuex nuex nuimshiq kuex yvlc svy muex kvhtuiyq rax muq maq vpiq khaungkac nuex khvmc thuinz lvp wvnc rawc nuex vpiq rulc vshiz dvyx yaungx wuez kuinz.


Nuimshiq kuex kvrunx kvhttak wvnc muit laz juing tvkhup wungx kuq ruiux, vpiq ngauz vngax khaungkac nuex vyaq mvrax kop muq maq kokez juing kuq lot yaq,


Kvruex hakhix khvmc jix nueyc kuex ghaq Taungjix waz khaungkac nuex httax yaq olip jungx nueyc nuiyc wvrkok vnueyc kvruex rvtueq.


Tsuingnueyc thuinkhvy kvdaungc juing raungnuiyq httuiuc wvnc yaq shex, kvruex thuinkhvy dung yaq kvyuq ukhaq lac jvp khvmc lot tvnx?” ngoz tueq ngoz wuez yaq.


Kvruex yimaq ngaz rueq lawc koq tueq, miq htenc lotlaz kuex uraq muinz wvl lot muq miq vkung daungx vshiz kuex kvyuq ngaz rueq khiz tauk! Tsuingshiq kuex miqphvnx ruip saz wawc muinz, waruiuz ruip rawx wawc muinz, mungtan ruip rawx wawc muinz, kvjaz phvnx ruip wawc muinz vhttuiuc kaz hez rvtueq, tsuingshiq rueq vluiz khoz vkhvy svmx wuez ruiux tsuingshiq yauk htenc nuex pam yauk laungx tuz htenc kuex shuimx vtueq hoc daungraungc nuiyc Khelbuenx Saz khaungkac nuex jvp wuez yaq.


Kvruex yimaq Tishox khaungkac nuex jvp yaq raungkamx waz mvshix kuex ngaz rueq khiz tauk, tsuingshiq muex bolic mvshix kuq tueq.


Síguenos en:

Anuncios


Anuncios


¡Síguenos en WhatsApp! Síguenos