Luke 21:22 - Hawa Naga Bible 2001

²² Yvmx khoc lac ngoz ruiux lec, ‘Kvruex kuex Murx Tvgurc Raungnuiyq rvtueq,’ Rumvrc luik nuex wuiyq shec tueq rulc rv-ngvlc hungx wvnc tvkoc rvtueq.

ASII LAKDAP Bible (BSI)

²² Kra matdong akhing kriika, Asii bomtsi na, ‘Atiichamchao wan Akhing,’ nguta chongtlaq kra bomtsi kra tiiku wan akhing rahiq she dea saü wanto nguta sap chang miraq.

Muklom

²² Chammatakoi eshi tang sha ‘Tsamnáng kot saal’ bara likwitna taka aa sha asing sey angna.

Luke 21:22 Referencias Cruzadas

ISAIA 34:8

Vruex vkhing kuex Yehowa rueq Zion palc wvnc nuiyc kvwawc ralx htenc kuex phuiuq lvmz shuex jauz rvtueq.

ISAIA 61:2

Yehowa rueq vpiq miqsaz htenc kuex palc wvnc ruiux Tsuingshiq ralx htenc kuex tvbunx gay vkhing httuiuc wvnc tueq lvmz Jungc tvtay tvkoc Vpiq rueq ngaz kuex tvkaz phuex. Vpiq rueq vyonz vyex jix lotlaz muex thuinz tvhvlc kuy tvkoc,

ISAIA 63:4

Ngaz rueq ngvy miqsaz htenc kuex palc wvnc tvkoc vkhing httuiuc tueq; tsuingshiq ralx htenc muex murx tvgurc vkhing httuiuc tueq shex, ngoz tueq ngaz rueq htvp htaz tauk.

JEREMIA 51:6

Babelon ghaq maq yuz wvnc kuinz! Nuimshiq thuiuzthuic luenx wvnc tvkoc yuz wuez kuinz! Babelon mvrax ningkhvnc nuex vthueyc nauk rvhumc wuez kaz. Majuiuc ngaz rueq tsuingshiq lvp aungx yaq mvrax murx kuex kuq vtueq murx tvyez tvgurc shaungx.

Hosea 9:7

Murx tvgurc vkhing shex httuiuc tueq, miq htenc rueq shuimx tueq rulc rv-ngvlc tsuingshiq rueq lvp wvnc shuex. Kvkhoc yaungx wvnc ruiux yuq jix Israel rueq tuiuz shuex! Tsuingshiq rueq, “Vruex shvmmax waz vkuex vngaz khoc vnauz. Vruex siyac hungc vlaungc httax yaq waz kuex miqyaq ngoc raung,” ngoz tueq ngoz shuinx. Nuimshiq rueq mvrax yunghvlc ningkhvnc nuex nuimshiq rueq ngaz kuex shuiuc pac wuez vphuinx.

MALAKI 4:1

Tvphaungc Tvsuip Yehowa rueq, “Ngamc vngax jix htenc nuiyc honc vbac jix htenc lotlaz kuex tsvmkuiz ikhoc khamc gay shuex raungnuiyq httuiuc wvnc tuex. Kvruex raungnuiyq tsuingshiq kuex khamc gay vtueq kvyuq tsuingshiq kuex yvmx muinz kvjungx muq shex.

Matthew 1:22

Vruex lvmz htenc kuex Taungjix vpiq pumz maq shvmmax nuix maq raz tueq jungx tueq kvjaz kuex hungx wvnc muex yaungx wvnc tueq.

Romans 2:5

Yuq muinz mnoz kuex khux tvtsanc vtueq tharc humc muq, kvkhoc ningkhvnc nuex thuinkhvy phuk tuex yuq, tsuingrux khac phox shuex raungnuiyq kvkaq mnoz kuex pinhtumc mvrax yunghvlc lvp shuiux.

TRI CHONGKE 32:34

“Tsuingshiq muex ralx yaungc jix hez rueq mkhoc lac shuimx wvnc tvnx htenc kuex Yehowa rueq rvwvl yaq; tsuingshiq muex murx tvgurc tvkoc vpiq rueq vkhing vhvlx bvmc yaq.

TRI CHONGKE 32:43

“Miq phvnx htenc lex, nuimshiq rueq Yehowa miqsaz kuex tvtsvmc wuez shuinz, tsuingshiq thvy jix lotlaz murx tvgurc rvhumc tuex. Ralx hez muex vpiq rueq phuiuq lvmz ruiux, vpiq miqsaz mvrax htenc kuex dawc kuq shuex.”

2 Peter 2:9

Kvkhoc rvtueq Taungjix rueq tvrac tvtsanc jix htenc tsuingshiq rvhumc yaq taruiyx lvmz htenc mungx kvwawc yvmx khoc palc wvnc juing lac nuiyc honc vbac jix htenc muex khac phoc Raungnuiyq nuex httuiuc laz, yvmx khoc murx tvgurc juing lac kvmuinz vpiq rueq tuiuz yaq.

2 Peter 3:7

Yuq muinz Tishox rueq majuiuc httax yaq raungx nuiyc ghaq vruex kuex wvr maq tvbac juiuz gay nuex httuiuc laz kvruex vnvrc bomc kuex httax hvt dvyx httax yaq. Tsuingshiq kuex tvrac tvtsanc muq miqsaz htenc rulc vdvmz phox vtueq tvbac gay raungnuiyq nuex httuiuc laz taq hvt dvyx taq yaq.