Luke 21:19 - Hawa Naga Bible 2001

¹⁹ Nuimshiq kuex phaungx duing maq wuez kuinz, ngoz ruiux palc daungc wvnc rvhumc tuinx.

ASII LAKDAP Bible (BSI)

¹⁹ Namshiq jaqkhon ka naq tiihiim rongkiq. Pharang rang maq chap wan ruq li si rong laq. Kra riihan jiila, namshiq raq riikhaqli maiqmii rilung kra milap wan han.”

Muklom

¹⁹ Tin tharong eq tong inn jo, nim ni nim lun nin!”

Luke 21:19 Referencias Cruzadas

Tvtsvmc 37:7

Yehowa htumc nuex thuinz tvluz vtueq vpiq rueq tvyaungc wvnc shuex kuex bvmc wuez shuinz; honc bac jix kvmungx htenc lotlaungc wvnc vtueq, rungwanx wvnc tueq jix htenc kuex nauk tvmaung lawc kaz.

Tvtsvmc 40:1

Yehowa rueq romc kuy tvkoc ngvy thuinz tvluz vtueq bvmc vshaungx; kvkaq vpiq rueq tay vtueq ngvy khoarc kuex tay kuq phuex.

HABAKUK 3:16

Ngaz rueq kvruex lvmz lotlaz tay vtueq kawc yawc kaz tauk; ngvy nuix bar htenc hisvy thuiuz muex kvkhuirc kaz tueq. Ngvy shauk gvnz yulx kaz tueq, ngvy yaz kuex kvwelc shelc wvnc tueq. Tishox rueq naungshiq khvt jix muex murx tvgurc shuex nuex, ngaz rueq kvruex vkhing httuiuc wvnc yaq kuex kuiyqshuik maq bvmc shaungx.

Matthew 10:22

Ngvy ningkhvnc nuex miq ruip rawx rueq nuimhez kuex shuiuc pac kv-phuinx. Yuq muinz vtvsuip nuex httuiuc laz nanx lot jix waz kuex palc daungc rvhumc wvnc tuex.

Matthew 24:13

Yuq muinz vtvsuip nuex httuiuc laz phaungx ngaungx jix waz kuex palc daungc wvnc rvhumc tuex.

Luke 8:15

Ghaq hvlx nuex vdvy vlix kuex bomjungc tay wvnc vtueq, vhvlx nuiyc vtay vphvnc wvnc lvmz thuinz vmungx nuex kop wvnc vtueq vthuey thuey tuex nuex httuiuc laz nanx lot jix hez kv-ngoc rvtueq.

Romans 15:4

Rumvrc luik nuex wuiyq shec tueq htenc kuex naungshiq muex tvluingc kuy tvkoc vwuiyq shec rvtueq. Kvkhoc wuiyq shec tueq lvmz kuex naungshiq rueq Rumvrc luik wawc vlvp vnanx thuinz nuiyc thuinz nuex hungc vlaungc tvlvp ningkhvnc nuex tvluimc juing lvmx lvp wvnc tvkoc rvtueq.

Romans 2:7

Miq vganc kuex vhvlx yauk shuimc shuimx hvt maq ngauz vngax, tvtsanc nganc nuiyc vthueyc vmvy vguez rullungx lvmx kuex thuiyx wuez yaq; kvkhoc jix htenc muex Tishox rueq pattup rullungx kuq shuex.

Romans 5:3

Kuilc daz rvhumc ruiux muinz kokez kvsomc parc vtix, yvmx khoc lac ngoz ruiux lec kuilc daz rueq vnanx thuinz muex tvyaungc kuq yaq,

Romans 5:4

vnanx thuinz kuex Tishox rueq raungc raq lvmx, Tishox rueq raungc raq lvmx kuex thuinz tvluimc juing tvyaungc kuq yaq kuex naungshiq rueq tuiuz vshix.

Romans 8:25

Yuq muinz naungshiq rueq khiz miqphvnx muex thuinz tvluimc ruiux kuex, kvruex naungshiq rueq nanx vtueq bvmc wuez vshix.

1 Thessalonians 1:3

Yvmx khoc lac ngoz ruiux lec nuimshiq kvmluimx lvmz nuex yauk maq mkhoc lac shuimx kaz vshuinx kvmuinz, nuimshiq lungwawc thuinz ningkhvnc nuex mtanc lac yauk shuimc hunglaungx vtuinx kvmuinz, naungshiq Taungjix Yesu Christu nuex nuimshiq thuinz tvluimc vshuinx lvmz mtanc lac phaungx ngaungx vtuinx kvmuinz, naungshiq Waz Tishox khaungkac nuex nuiyshiq rueq rvwvl lvp vshix.

2 Thessalonians 3:5

Nuimshiq rueq Tishox lungwawc thuinz kuex pinhtumc khic tuiuz wvnc tvkoc nuiyc Christu rueq vkuq nanx thuinz pinhtumc tuiuz tay wvnc tvkoc muinz, Taungjix rueq nuimshiq muex lvmx mshvlx kuq kv-phuinx.

Hebrews 10:36

Tishox thuinroc lvmx shuimc kaz vtueq vpiq bomkhvmc rulc rv-ngvlc vjux lvp wvnc laz juing nuimshiq thuinz vluz maq nanx juing rvtueq.

Hebrews 6:11

Nuiyshiq rueq raungc raq vshix lvmz vyungx kuex nuimshiq thuinz tvluimc vshuinx lvmz htenc mvrc wvnc nuex httuiuc laz majuiuc vkhoc dvyx miqmac thuinz nuex kvtenc kvshay thuinz kuex tvsuip nuex httuiuc laz tv-phaungx ngaungx kuy lvmx rvtueq.

Hebrews 6:15

Abraham kuex thuinz vluz maq bvmc ningkhvnc nuex Tishox bomkhvmc nuex seng yaq tsak vnyvmx kuex lvp wvnc tueq.

James 1:3

Yvmx khoc lac ngoz ruiux lec nuimshiq kvmluimx thuinz maq kvkhoc taruiyx yaq kuex taungx gay shuinx nuex, miqmac nuex vkhvmc lot juing hungc pinhtumc httax wvnc yaq kuex nuimshiq rueq tuiuz vshuinx.

James 1:4

Nuimshiq kuex yvmx lvmx nuex ngoz ruiux muinz rax yaq lvmz vguez maq, hungx htaungx mvrc wvnc kuinz, nuimshiq rueq nanx vshuinx thuinz kuex vtvsuip nuex httuiuc laz tv-phaungx tvhttax shuinz.

2 Peter 1:6

phaqjic nuex miqmac shauk gvnz ruip rux nuex nanx lvmx muinz, vnanx lvmx nuex tvrac tvtsanc lvmx muinz;

Revelation 1:9

Ngaz kuex nuimshiq phunox waz Yohan rvtauk. Yesu yix phvnc jix waz vshiz ikhoc maq vpiq Mungtan nuex seng yaq miqsaz htenc rvhumc yaq kuilc daz kuex thuinz vluz maq nuimshiq rulc roc nuex nanx jix waz rvtauk. Ngaz kuex Tishox bomjungc nuiyc Yesu rueq hakhix tvkhic wvnc tueq tsuingrux lvmx jungphvnc tvtay kuy ningkhvnc nuex, Patmo julc lomz nuex tvkay gay rvhumc tauk.

Revelation 13:10

Vlvp rvhumc jix waz kuex vsuing vlvp rvhumc tuex; yaung maq thvy jix waz kuex vsuing yaung nuex thueyc tuex. Vkhoc ningkhvnc nuex Tishox miqsaz hez kuex nanx vtueq kvmluimx thuinz httaz rax yaq.

Revelation 14:12

Tishox rueq nvrc bomc phvnx vtueq Christu muex tvmtuing httaz jix Tishox miqsaz htenc kuex vkhoc phvnx vyuq nanx thuinz httaz rax tuex.

Revelation 3:10

Yvmx khoc lac ngoz ruiux lec mnoz kuex ngaz rueq nvr phaungx rulc rv-ngvlc thuinz tvluz vtueq nanx wvnc lvmz bomjungc mnoz rueq phvnx vshuiux ningkhvnc nuex, ghaq htauk nuex httax yaq miqsaz lotlaz kuex taruiyx lawc tvkoc mungkawx nuex nyvmc laz kuilc daz jamjaux httuiuc wvnc tuex vkhing nuex ngaz rueq mnoz kuex tvkhup wungx kuq phaungx.