Luke 21:12 - Hawa Naga Bible 2001

¹² Kvruex lvmz htenc max yaungx wvnc nuex, miq rueq nuimshiq kuex lvp vtueq tvkuilc daz kv-phuinx; vjux thoz yuimx htenc maq phox vtueq khoktep nuex tvshauk gay kv-phuinx; ngvy ningkhvnc nuex hokhvmx bix nuiyc vyungx vlaungx bix khaungkac nuex httuiuc tuinx.

ASII LAKDAP Bible (BSI)

¹² Riita, arthun mra ara mipin wan shaq na, namshiq ka maiq raq alu aban miraq. Raüta, mitiichamchao. Namshiq ka sinagok thun na mitiichap. Raüta, namshiq kha ka mipho. Kiimaq phaqtek mong na mishaq. Namshiq ka hokhambi nai welabi man na, i mang chong ara miitu mitiichap.

Muklom

¹² Irimal ang jakho, nim raa lo eq tahikham eq phanin; nim raa synagogue etho chuk náng sakchak phanin; i miing rangma lungwang tang nia jaktáng o shingtey jakho o thalang phanin.

Luke 21:12 Referencias Cruzadas

Matthew 22:6

Wvyvmc rueq piq nvrc waz hez kuex lvp vtueq wungthvt vtueq thvt gay wuez tueq.

Matthew 24:8

Kvruex htenc lotlaz kuex kungkhux wawc nox wuic khic thuiuz rulc rv-ngvlc yaq.

Luke 21:11

Kvhiz juing gaqyung mux wvnc tuex, thuimkux rvmc nuiyc baung ruip saz nuex vthuiuz vsac htenc yaungx wvnc tuex, raungwawc vhiz juing phvnx htenc nuiyc romzyac htenc muinz dung wvnc tuex.

John 15:20

‘Dax kuex jiyungx htauk nuex vyungx rvmuq,’ ngoz tueq ngaz rueq nuimshiq muex jungx kuq phaungx kvjaz kuex rvwvl wuez shuinz, mungkawx miqsaz rueq ngaz vruex guirguenz ruiux yuq, nuimshiq muinz guirguenz kv-phuinx, mkhoc shoc maq tsuingshiq rueq ngvy kvjaz vruex tay ruiux kuex nuimshiq kvjaz kvmuinz tay shuex.

John 15:21

Yuq muinz tsuingshiq rueq ngvy tvkay jix waz kuex tuiuz muq rvtueq ngvy muingc ningkhvnc nuex vguirc vguenc lvmz lotlaz nuimshiq muex ruez kv-phuinx.

Acts 22:30

Nolaungx yungx waz rueq Polu muex Yuda miqsaz rueq yvmx ningkhvnc nuex lac mvrax tvgurc yaq nguinx lvmz kuex rvkhauk laz tuiuz roc vtueq, nvp yix raungnuiyq Polu vkhvrc yanx ruiuz kuex dawc gay ruiux, shomc walaungx bix nuiyc phoc waz bix htenc kuex rvtuimx tvkoc nvr tueq. Kvruex yimaq Polu kuex gvl vtueq tsuingshiq htumc nuex tvjvp tueq.

Acts 5:40

Tsuingshiq rueq kamx waz hez kuex gvl vtueq wungthvt ruiux, majuiuc vmaq kuex Yesu muingc jungx vtueq tvluingc mvy muq ngoz tueq jungx kuq ruiux, tvkaz gay tueq.

Acts 8:3

Yuq muinz Sholu kuex phungc tvbac tvmoz gay tvkoc hunglaungx tueq, piq rueq yuimx shiz maq vduiz yuimx shiz maq vsvt kvmluimx jix miqsaz yalxjuik miqwaz het tvdung vtueq khoktep nuex shauk gay tueq.

Acts 9:4

Piq kuex ghaq nuex kvlak rul wvnc tueq, “Sholu Sholu yvmx ngoz tueq lac ngaz tvkuilc daz guirguenz vphux?” ngoz tueq kvjaz kuex tay tueq.

1 Peter 2:13

Taungjix htvlx phawc lawc vtueq miqsaz wawc vrangx vpangx lvp jix khung nuex httax wuez kuinz: johvlc vrangx vpangx vhttax jix Honoc waz khung nuex yuq muinz,

Revelation 2:10

Mnoz rvhumc wvnc juing kuilc daz muex nauk hiz kaz. Lawc shuiuz! Nuimshiq muex talc lawc tvkoc Htaungc rueq nuimshiq wawc wvyvmc kuex khoktep nuex shauk vtueq nuimshiq kuilc daz jamjaux rvhumc tuinx lvmz kuex raungx rokshiz tup httvmx tuex. Vthueyc nuex httuiuc laz ngaz nuex tvmtuing httax kuiuz, kvkaq ngaz rueq mnoz muex rullungx khushec kuq phaungx, kvruex kuex mnoz rueq taungx wvnc toq yauk mauk rvtueq.