Luke 2:46 - Hawa Naga Bible 2001

⁴⁶ Raungnuiyq thuimx yix maq jix Shomc Yuimx mungx nuex Yuda tvluingc waz hez rulc ngaungc vtueq, tsuingshiq kvjaz muinz tay, vwiz muinz wiz rvyaq.

ASII LAKDAP Bible (BSI)

⁴⁶ Ranaiqtsam ngoja niishe, tsangnai raq no ka Shomjam mong na, Jehudinok shrabi rai nga raüta, tsangshiq bomchong kra tai nai, apaiq raq tsangshiq ma bom wai rea she lohoto.

Muklom

⁴⁶ Saltom salsey ang atho ningni aa piq tha Rangnuk him himthal na kap khita. Piq tha Jehudi raaq tataltey tang jamna tong chey eq ning raaq tha tat eq raaq pitpi chey ta.

Luke 2:46 Referencias Cruzadas

1 HOKHVMX 12:12

Nuiyq thuimx yix maq piq rueq tsuingshiq muex khvmc kuq tueq rulc rv-ngvlc Jeroboam nuiyc mungx miqsaz lotlaz kuex Hokhvmx Rehoboam kox nuex kaz yek tueq.

1 HOKHVMX 12:5

Piq rueq, “Raungnuiyq thuimx vngoz nuex ngaz kox nuex kaz yek luit, kvkaq jix ngaz rueq nuimshiq muex tvyez jungx kuq phaungx,” ngoz tueq tvralc tueq. Kvkhoc rvkoq tueq tsuinghez muinz yek waung wuez tueq.

ISAIA 50:4

Johvlc Yehowa rueq yvmx khoc jungc juing lac kuex ngaz muex tvluing kuq yaq, kvkaq ngaz rueq vhunc vnyec jix muex hunglaungc kuq lot tauk Wvraungx nvp tek vpiq rueq ngaz muex yvmx khoc tvluingc kuy juing lac lvmz kuex tay wvnc muex tvraungc raq yaq.

Matthew 12:40

Yona kuex vnuiyq nuiyq thuimx, vwvrx wvrx thuimx ngaq yungx wuk mungx nuex httax tueq kvkhoc Miq Saz vruex muinz ghaq mungx nuex vnuiyq nuiyq thuimx vwvrx wvrx thuimx httax tuex.

Matthew 16:21

Kvruex vkhing maq raz tueq Yesu rueq vpiq sangac hez muex jungx phaungc wvnc tueq kuex, “Ngaz kuex Yerusalem nuex kaz vtueq vyungx vlaungx bix nuiyc shomc walaungx bix tvluingc waz hez yauk maq tvliz tvlawx guirguenc paunghvlc rvhumc vtueq, vthvy gay rvhumc ruiux raungnuiyq thuimx nuex ngaz tvtenc tvyuing wvnc rvhumc taungx,” ngoz tueq.

Luke 2:47

Vpiq kvjaz tay lvy jix lotlaz kuex vpiq phaqjic maq wiz yaq nuiyc tvralc jungx yaq kvmac vwangc rvwuez tueq.

Luke 5:17

Raungnuiyq shiz Yesu rueq tvluing kuq yaq nuex Galile mungx tvroz nuiyc Yuda mungx hong ghaq ruip saz wawc muinz Yerusalem ghaq maq vkaz Pharise nuk nuiyc Tvrac tvluingc waz hez htenc kuex vpiq hep nuex ngaungc kaz tueq. Vthuiuz vsac jix tvhvlc kuy tvkoc Taungjix luimc vkawc kuex Yesu htauk nuex httax tueq.

John 3:10

Yesu rueq, “Mnoz kuex Israel miqsaz htenc muex tvluingc kuy jix vyungx washiz rvtoq rvhvt maq, vruex phvnx htenc kuex mnoz rueq tuiuz muq ix?

Acts 5:34

Yuq muinz mungx miqsaz lotlaz rueq tvtsanc nganc yaq Tvrac tvluingc wayungx Gamaliel ngoz yaq Pharise waz rueq kamx waz hez kuex yuzphic nuex vlox tvdung gay ruiux,

1 Timothy 1:7

Tsuingshiq kuex Tishox tvrac tvluingc jix tvluingc waz hez yaungc roc yaq, yuq muinz tsuingshiq kuex miqmac rueq jungx yaq kvjaz htenc kvmuinz, miqmac dvyx vlvmx rvtueq ngoz tueq pinhtumc kvmx thuinz maq jungx yaq lvmz htenc kuex vsuing ngoz ruiux tuiuz tay wuez muq.