Luke 19:8 - Hawa Naga Bible 2001

⁸ Zake kuex kvtenc jvp vtueq Taungjix muex jungx tueq, “Tay shuiuz! Ngvy tsak vnyvmx htenc wawc wvyvmc kuex htemc saz jix muex phvlx kuq shaungx, kvmaq miq washiz shiz tsak vnyvmx ngaz rueq mop saq gay tauk ngoz ruiux yuq muinz htvmx bvlic tvrvp vtueq htuimz kuq shaungx,” ngoz tueq.

ASII LAKDAP Bible (BSI)

⁸ Kiimaq, Jekias ka tarü man na chap raüta, Tatiwe ma chongto, “Shiilangwe le liilaq. Ngi raq ita iwii hupsam sitlaq kriiwa, mannai na phea lata, manshi kra miitsan miijan maiqse miishe miphea kuqha. Kiimaq ngi raq maiq weshi ra la laolii wan kang jiila, kra thaq na manblai tliip lata mitham kuqha.”

Muklom

⁸ Zacchaeus aa lang eq Teyhungwa ma batta, “Teyhungwa tat u! Nga ilik angin chamtan aa riwang tangko raa tangshit tangma kot náng, etho nga miq ma dipkup táng ta ang ajo, ning ma takbali ahan kotnáng.”

Luke 19:8 Referencias Cruzadas

2 SAMUEL 12:6

Kvkhoc layx vbac yauk shuimc kuex piq rueq shuimx tueq ningkhvnc nuex, piq rueq lvmz wvnc tueq kvruex tanc maq htvp bvlic tvhtuimc juing rvtueq,” ngoz tueq jungx tueq.

Tvtsvmc 41:1

Htemc vrvmc jix miqsaz htenc tvkoc rvwvlc tvmaung jix waz kuex thuinhvlx yaq; tsuingshiq kuilc daz rvhumc tuex nuex Yehowa rueq tsuingshiq muex romc kuq shuex.

DUNGWVNC 20:16

“Miq vshiz shiz muex tvyaq vtueq, hakhix khvmc mvy muq.

TAKSU LAK 6:31

yuq muinz piq kuex lvp ruiux yuq htvp mvshix htauk nuex jvnc vtueq htuimc kuy juing rvtueq, piq nuex httax yaq hup vsvmx phvnx ruip saz maq htuimc kuy juing rvtueq.

EJEKIEL 33:15

bomc tv-ngvlc, kuimphox nvmc kuy tvkoc vkhvmc hup svmx kuex yez kuq, piq rueq vguiuq hup vsvmx htenc kuex yez kuq, piq rueq mvrax kuex httvr gay ruiux rullungx tvraungx tvrac htenc kuex phvnx ruiux yuq piq kuex thueyc muq, tvraungx lvp shuex.

WEAWEA 5:7

kvruex waz kvraq piq mvrax kuex kvjungc kvdawc ruiux, wvlc guez waqguez guirguenc rvhumc jix waz muex hungx laz htuimz kuq shuex htauk nuex muinz, shashiz htauk nuex pasen 20 maq hulawx htuimc kuy yek rax.

Luke 11:41

Yuq muinz nuimshiq panx nuiyc kok nuex httax yaq kuex htemc saz jix muex kuq shuinz, kvkhoc ngoz ruiux yuq jix httax yaq lotlaz kuex nuimshiq tvkoc vsawc rvtuex.

Luke 12:33

Nuimshiq hup vsvmx lotlaz kuex shaung vtueq lvp shuinx kuimphox kuex htemc saz jix muex phvlx kuq shuinz, thvmx muq ramx muq kuimphox htungc kuex gurx wuez shuinz, vguiuq muinz httuiuc lot muq, httvp rueq muinz tvbac lot muq raungmungx nuex vhtumx kay ngoz tueq vguez kuimphox tumz kvyuq yoalc taq shuinz.

Luke 16:9

Kvkaq Yesu rueq jungx tueq, “Ngaz rueq nuimshiq muex jungx kuq ix: miqmac tvkoc tvrac muq mungkawx tsak vnyvmx maq kungjix lvp rvyaungc kuinz, kvkaq jix kvruex htumx ruiux yuq pattup phaungx ngaungx yaq yuimx nuex nuimshiq kuex malc wvnc kv-phuinx.

Luke 19:7

Kvruex khic jix miq lotlaz rueq, “Vruex waz kuex mvrax vhttax waz yuimx nuex duic tvkoc kaz wvnc vtuex nyix!” ngoz tueq thuirburx wuez tueq.

Luke 7:13

Taungjix rueq kvruex nyuiuz kuex khiz vtueq menjenc sac vtueq, “Nauk khoar kaz,” ngoz tueq.

Luke 7:19

Taungjix kox nuex tvkaz tueq, “Mnoz kuex Yohan rueq jungx yaq httuiuc kaz yaq waz kvruex haz rvtonx? Shuex miq vnyalx washiz muex jix nuiyshiq thuinz tvluimc bvmc juing lac?” ngoz tueq wiz tueq.

1 SAMUEL 12:3

Ngaz kuex vyuq httax vtaungx. Ngaz rueq phvnx shishiz vshuimc yaq ruiux yuq, majuiuc Yehowa khaungkac nuex muinz, vpiq rueq vthvl shec hokhvmx waz mvnz nuex muinz, ngaz muex mvrax tvgurc mvy yaq. Ukhaq mansuiux kuiux, rvmuq ngoz ruiux loze lac ngaz rueq lvmz tauk nguinx? Ngaz rueq ukhaq lac tuinghtuing phauk saq tauk nguinx? Ukhaq kox wawc lac khauz loayc lvmz tauk nguinx? Kvruex phvnx htenc wawc phvnx shishiz ngaz rueq shuimx tvyaq gay tauk ngoz ruiux yuq kuex, ngaz rueq lvmz itauk phvnx kvruex vhtuimc kuy rv-phaungx,” ngoz tueq jungx tueq.