Luke 19:42 - Hawa Naga Bible 2001

⁴² “Ghaqyungx mnoz lex, nomic lvmx lvp tvkoc yvmx lac rax yaq nguinx kuex majuiuc raungnuiyq mnoz rueq tuiuz ruiux yuq lex! Yuq muinz majuiuc mnoz rueq khiz tuiuz muq!

ASII LAKDAP Bible (BSI)

⁴² hoqto: “Ümniiraq ümchaü ranaiq na, khusang maq si miitu jamlai riichang wa, kra sap haü jaq ahea riichang! Shatmaq, ümchaü ümniiraq chhilot maü she!

Muklom

⁴² etho batta, “Nungmay rangma thaney aa chamlang som ching aa ta nim aa samtin o daqhal ang wangta! Etharin thanga ethitang tha nim aa khimin!

Luke 19:42 Referencias Cruzadas

Tvtsvmc 32:6

Kvkhoc rvtueq mnoz muex tvmtuing httaz yaq miqsaz lotlaz kuex rax yaq vkhing nuex mnoz kox wawc vjux thoz aungx yaq; vdaungx maq buk wvnc yaq yuix kuex tsuingshiq kox nuex httuiuc kaz tuex rvmuq.

Tvtsvmc 81:13

Ngvy miqsaz htenc rueq ngvy kvjaz tay tvkoc ngaz rueq mtanc lac roc vshaungx; ngvy kvjaz kuex phvnc tvkoc ngaz rueq mtanc lac rvnx vtaungx nguinx!

ISAIA 44:18

Vkhoc miq htenc kuex miqyaq ningkhvnc nuex tsuingshiq rueq yvmx wuez shuimx yaq nguinx tuiuz muq. Vlvmz rvkhauk laz kuex khiz muq tuiuz muq tvkoc tsuingshiq muik htenc nuiyc tsuingshiq thuinz vmungx htenc kuex puingc gay tueq.

ISAIA 48:18

“Ngaz rueq nvr phaungx kvjaz kuex mnoz rueq tay vshuiux ngoz ruiux kuex, mkaq muinz ruic kaz muq yuix saz ruilx ikhoc ruimrix kejux kuex mtvkoc kaz tuex! Taungx wvnc lvmx kuex svmuk-tvrax kawx nuex yuix tul kuix wvnc yaq ikhoc mnoz nuex kvkhic dung wvnc tuex.

ISAIA 55:6

Yehowa kox nuex kvroz vtueq vjux thoz shuinz, majuiuc vpiq kuex vnyek nuex shex.

JEREMIA 13:17

Mkhoc shoc maq mnoz rueq tay muq, mngamc boq ruiux yuq, ngaz kuex vyumx maq khoar taungx; Yehowa mmiqsaz kuex vlvp lvy rvhumc yaq jix ikhoc lvp lvy rvhumc ningkhvnc nuex, ngaz kuex vkhuip vkhaq httaz laz juing khoar vtueq ngvy muik phic svrc tuex, yvmx khoc lac ngoz ruiux lec Yehowa miqsaz htenc kuex thuq lvy ningkhvnc nuex rvtueq.

EJEKIEL 33:11

Ngaz, Johvlc Yehowa kuex vtvraungx Tishox rvtauk, kvkhoc rvtueq mvrax vhttax waz thueyc kay kuex vkoz vkez maq lawc shaungx rvmuq. Mvrax yauk shuimc kuex gay shex ruiux tvraungx httaz tuinx kuex lawc roc vshaungx ngoz tueq tsuingshiq muex jungx shuiuz. Israel lex, mnoz rueq shuimx vshuiux layx vbac phvnx kuex gay shuiuz. Mnoz yvmx ngoz tueq thueyc kay roc lac?

Luke 19:41

Vpiq kuex Yerusalem ghaq hep nuex httuiuc wvnc vtueq, kvruex ghaqyungx kuex khiz tueq nuex vpiq vkhoar vtueq,

Luke 19:43

Mralx hez rueq mnoz kuex kvtuk htenc htuz ruiux tvroz tuimx wvnc vtueq baung ruip saz tuing gay vkhing httuiuc wvnc tuex.

Luke 19:44

Tsuingshiq rueq mnoz muex muinz mpalx ruk htenc mungx nuex httax yaq miqsaz htenc tvsawc ric tvbac gay vkhing kuex mnoz kox nuex dung wvnc tuex; mnoz nuex lung poshiz htauk nuex poshiz kvdaungc muq laz juing yaungx wvnc tuex, yvmx khoc lac ngoz ruiux lec mnoz kuex Tishox rueq mnoz palc kay tvkoc httuiuc kaz tueq vkhing kuex helc muq tuiuz muq,” ngoz tueq.

Acts 10:36

Israel miqsaz kox nuex tvgurc kuy jix Tishox, miqsaz lotlaz muex Taungjix rvtueq Yesu Christu maq raz tueq tvtay wvnc tueq nomic nuex seng vtueq Thuix Thaungx Vhvlx kuex nuimshiq rueq tuiuz vshuinx.

Acts 13:46

Polu nuiyc Barnaba rueq khvmc thuinz maq jungx tueq kuex, “Nuiyshiq rueq Tishox bomjungc kuex nuimshiq muex kungkhux tvluing kuq vphix, yuq muinz nuimshiq rueq kvruex tvrac kuex tuip gay ruiux, miqmac shauk vgvnz kv-ngoc pattup rullungx rulc hungx htaungx muq jix ngoz tueq kv-ngoc vtuinx ningkhvnc nuex nuiyshiq kuex nuimshiq kox wawc dung wvnc vtueq, Pungnuk miqsaz kox nuex kaz wvnc vtix.

TRI CHONGKE 32:29

Tsuingshiq yvmx ningkhvnc nuex lac sumx tvnx tsuingshiq rueq khiz muq; yaungx wvnc tueq kuex tsuingshiq rueq tuiuz muq.

TRI CHONGKE 5:29

Tsuingshiq rueq kvkhoc ngaz muex mkaq muinz hiyaz tvtsanc nganc vtueq, ngaz rueq nvrc bomc htenc phvnx shuex ngoz ruiux yuq kuex tsuingshiq nuiyc tsuingshiq suiuz vsaz phvnx htenc kuex pattup rungwanx wuez tuex.

Hebrews 3:13

Nuimshiq phungc wawc washiz muinz mvrax rueq laulawc rvhumc vtueq khux tsanz jix miq muex nauk yaungx kaz, Rumvrc luik nuex jungx shec tueq, “Majuiuc raungnuiyq,” ngoz tueq naungshiq laung nuex jungx yaq wawwawx wvraungx nuiyq tek vdvmz dvmz rvromc rvshix wuez kuinz.

Hebrews 3:15

Rumvrc luik nuex, “Majuiuc raungnuiyq nuimshiq rueq Tishox tvruingc tay ruiux yuq, Tishox muex nuimshiq jix vwaz tamx rueq khawx lvlx wvnc tueq nuex ikhoc, khux nauk tvtsanz wuez kaz,” ngoz tueq jungx tueq.

Hebrews 3:7

Kvkhoc rvtueq Vsawc Siyac rueq jungx tueq, “Nuimshiq rueq majuiuc raungnuiyq Tishox tvruingc tay ruiux yuq,