Luke 15:22 - Hawa Naga Bible 2001

²² Yuq muinz vwaz rueq piq nvrc waz hez kuex gvl vtueq, ‘Vhvlx pinhtumc khoz vkhvy kuex htat htat lvmz waung vtueq piq muex tvsvmc shuinz! Vyauk nuex yauktop muinz, yaz nuex yapaungc muinz tvpaungc kuq shuinz.

ASII LAKDAP Bible (BSI)

²² Shatmaq, awe raq ajaqshisetiim ka hea raüta, ‘Kotsi!’ nguta apaiq raq thaüto. ‘Samtong ahea pinthum ira lamwa rongkiq. Lanta, tiisam kuq ronglaq. Ajaq na jaqtop ri tiipa kuq ronglaq. Ahok na hokpa ri tiipa kuq ronglaq.

Muklom

²² Etharin uwa aa sanga tang thima batta, ‘Kallo! Khat jaqhal wang som kat eq piq ma tasam kot inn. Ujakshi o jakshi khap wang takhap kot inn etho ujaa ro jaaqhong wang taqhong kot inn.

Luke 15:22 Referencias Cruzadas

RAPHA HIQWA LAK 41:42

Hokhvmx waz rueq piq tvsik lomx yaq vyauk shix wawc yauktop kuex put vtueq Yosep yauk nuex tvpaungc kuq tueq. Yosep muex khvymvnz vnyel hungluz kuex tvsvmc ruiux, duingx nuex muinz kuimshawx ruiuz kuex tvwic tueq.

ESTHAR 3:10

Hokhvmx waz rueq piq bomc tvtay lvmx yaungc tvkoc tvsik tawk shuex nuex shuimx yaq piq yauktop kuex put vtueq, Yuda miqsaz ralx waz rvtueq Agag suiuz vsaz wawc Hammedatha saz Haman muex kuq tueq.

ESTHAR 8:2

Hokhvmx waz rueq Haman kox wawc vtvyez lvmz taq piq seal kop yaq yauktop kuex put vtueq Mordekai muex kuq tueq. Esther rueq muinz Mordekai muex Haman taungx vwawx htenc kuex lawc mawc tvkoc taq tueq.

Tvtsvmc 132:16

Kvruex ghaqyungx wawc shomc waz bix rueq shuimx kaz yaq htenc kvyuq ngaz rueq ruimruimx kuq shaungx, kvruex wawc ghaq miqsaz htenc kuex vkoz vkez maq shix ngoyx guyc sez wuez tuex.

Tvtsvmc 132:9

Mshomc waz bix rueq vlvmx kuex mkaq muinz mshuimx kaz shueq; mmiqsaz htenc rueq vkoz vkez maq m-guyc sez wuez kueq!

Tvtsvmc 18:33

Khiyix yaz phaungx yaq ikhoc vpiq rueq ngvy yaz tv-phaungx kuq phuex; kuz vkanx htenc htauk nuex ngaz kuex vpiq rueq tvkhup wungx taq phuex.

Tvtsvmc 45:13

Hokhvmx shvlx saz kuex hoc nuex httax yaq, piq kuex svp hvlc mvnauz! piq svmhung hungluz htenc kuex kuimshawx ruiy maq vtauk rvtueq.

ASHICHONG 7:1

Mnoz kuex pinhtumc vwangc juing yunx nyuiuz khoc nauz! M-yaz nuex yapaungc vpaungc shec kuex svp hvlc rvtueq. M-wex phawc htenc kuex vyac wuiyq tvhungx jix waz yauk mal ikhoc rvtoq.

ISAIA 61:10

Yehowa rueq shuimx wvnc ningkhvnc nuex Yerusalem kuex kokez yaq. Piq kuex miqlvmc moalx tvkoc tvmarc tvsvp yaq nyuiuz nyalx nyuiuz rulc rv-ngvlc yaq. Tishox rueq palc daungc wvnc nuiyc lotlaungc wvnc lvmz khvy kuex svmx yaq.

Luke 15:21

Vsaz rueq vwaz muex, ‘Iwaz lex, Tishox muex muinz mhtumc nuex muinz ngaz yaq tauk, majuiuc vmaq kuex msaz ngoz tueq kv-ngoc muinz ngaz hungx mauk shex rvtauk,’ ngoz tueq.

Luke 15:23

Kvmaq mantonx pung kvrac taungx shuinz kvruex phauk saq vtueq kokez wuez ix!

Romans 13:14

Yuq muinz Taungjix Yesu Christu kuex nolaungx marrarc ikhoc svmx wuez shuinz, gvnngvmx rueq rvnphvnx yaq lvmx htenc kuex tvthauk gay shuinz.

Romans 3:22

Yesu Christu muex kvmluimx ningkhvnc nuex jix miqsaz kuex Tishox htumc nuex tsuingrux wvnc lvp tueq. Tishox rueq Yesu Christu muex kvmluimx jix miqsaz lotlaz htauk nuex tvtsuing tvrux kuq tueq. Tvrv-phvlc juing lvmx muinz vguez:

Romans 8:15

Yvmx khoc lac ngoz ruiux lec Tishox kox wawc nuimshiq rueq lvp wvnc tuit Siyac rueq nuimshiq kuex dax muex tvyaungc kv-phuinx rvmuq, vhiz vsungx thuinz muinz tvhttax shuex rvmuq; Siyac rueq naungshiq kuex Tishox saz hez muex tvyaungc phuex kvdvyx muinz rvmuq, Siyac luimc vkawc maq Tishox ngoc, “Aba! Iwaz lex!” ngoz tueq ngoz lvp vshix.

Galatians 3:27

Nuimshiq kuex Christu rulc vshiz dvyx yaungc tvkoc yuix luip lvmc wvnc ningkhvnc nuex, Christu kuex svmx kvmarc khak wuez vtuinx.

Ephesians 6:15

nomic Thuix Thaungx Vhvlx kuex jungphvnc kuy tvkoc tvyoalc yoalx mruez shueq, yaz nuex yapaungc paungc vtueq jvp laz kuinz.

TRI CHONGKE 33:25

Piq ghaqyungx htenc kuex yanx kaluix maq mtvwungx shueq, Piq kuex mkaq muinz kvkhup wungx vtueq mhttax kueq.”

Revelation 19:8

Piq rueq svmc juing vluiz vsawc khvynyel maq piq shauk gvnz kvmarc tvkoc vkhangx lvp tueq shex.” (Kvruex khvynyel kuex Tishox miqsaz vhvlx honc vyaungc, shuimc vkay ngoc rvtueq.)

Revelation 2:17

“Siyac rueq phungc nuex yvmx khoc lac jungx wvnc tvnx kuex nac vhttax waz rueq mtay wvnc shueq! “Taungx wvnc jix muex vhttuiyq vruez shec manna wanx wvyvmc kuex ngaz rueq kuq shaungx. Tsuingshiq miq tek vtueq lungluiz kuex ngaz rueq kuq shaungx, kvruex lungpoz nuex wuiyq shec tueq muingc vnyalx kuex lungpoz lvp wvnc jix waz maq lvy vtueq vganc uraq muinz tuiuz muq.

Revelation 3:18

Kvkhoc rvtueq mnoz rungwanx wvnc muex wvr maq vtvyuimx kuimshawx muik shauk kvmuinz, mnoz sawkumx miqyvlc vsac miq htumc nuex httax muq juing puingc tvy tvkoc mnoz rueq khelc svmc muex vluiz khoz vkhvy htenc kvmuinz, muik maq khic wvnc muex nyvt juing phumz kvmuinz, ngvy kox wawc rez tvkoc ngaz rueq mnoz muex kvmungx kuq vphaungx.

Revelation 6:11

Tsuingshiq vshiz maq vshiz muex vluiz khoz vkhvy tvsvmc kuq ruiux, tsuingshiq ikhoc vthvy gay rvhumc tuex yauk shuimc jix nvrc waz hez nuiyc Christan phunox bix muingc wvlc mvrc wvnc tuex nuex httuiuc laz, vlox bvmc tvkoc tsuingshiq muex jungx shec tueq.

Revelation 7:9

Kvruex yimaq ngaz rueq lawc koq tueq, miq htenc lotlaz kuex uraq muinz wvl lot muq miq vkung daungx vshiz kuex kvyuq ngaz rueq khiz tauk! Tsuingshiq kuex miqphvnx ruip saz wawc muinz, waruiuz ruip rawx wawc muinz, mungtan ruip rawx wawc muinz, kvjaz phvnx ruip wawc muinz vhttuiuc kaz hez rvtueq, tsuingshiq rueq vluiz khoz vkhvy svmx wuez ruiux tsuingshiq yauk htenc nuex pam yauk laungx tuz htenc kuex shuimx vtueq hoc daungraungc nuiyc Khelbuenx Saz khaungkac nuex jvp wuez yaq.