Luke 13:16 - Hawa Naga Bible 2001

¹⁶ Majuiuc vyuq Abraham phvnx vmaq saz piq kuex wawc 18 Satan rueq khvrc buinc rvhumc tueq, piq muex Vguilc Raungnuiyq dawc kuy mvy yaq rvmuq haz?” ngoz tueq tvralc tueq.

ASII LAKDAP Bible (BSI)

¹⁶ Riita, ümchaü ara Abraham lai maiqnyung ashi, Thawe raq wiiroqshi ri wiitiichat kharü maq kha raüta tiichamchao wanto. Apaiq kra tiq sha, Asii Niitiitsak ranaiq na kharü mong wa tiidong ra mak ngutlan?”

Muklom

¹⁶ Iro miqnu ashey, piq sha Abraham phi aa lí wang etho piq sha pang asi pang ashat Thangwa eq lo eq shingta; Sabbath saal o piq shi qhap ching ang moq i?”

Luke 13:16 Referencias Cruzadas

Tvtsvmc 107:14

Vpiq rueq tsuingshiq kuex raung- nyauk rueq puingc yaq mungx wawc tvdung shvlx wvnc vtueq, tsuingshiq khvrc juing yanx ruiuz htenc kuex tvhtaq tvruk jumz kuq gay tueq.

Matthew 4:10

Kvkaq Yesu rueq, “Satan lex, kaz wvnc kuiuz! Rumvrc luik nuex, ‘Taungjix m-Tishox muex dvyx nawk palx lvp shuiux nuiyc vpiq muex shomc kuy rax!’ ngoz tueq juex wuiyq shec tvnx,” ngoz tueq tvralc tueq.

Mark 2:27

Kvruex yimaq Yesu rueq, “Vguilc Raungnuiyq kuex miq muex vhvlx lvmx tvkoc tvhungx shec tueq, miqsaz kuex Vguilc Raungnuiyq tvkoc tvdung sung shec tueq rvmuq.

Luke 16:24

Kvkaq piq rueq, ‘Iwaz Abraham lex! Ngaz muex menjenc kuq koq, Lazaru rueq vyauk shix kuex yuix nuex thuimc vtueq ngvy tvlix vruex mtvhemc kuq kaz phueq. Yvmx khoc lac ngoz ruiux lec wvrluic mungx nuex kuilc daz yunghvlc rvhumc vtaungx!’ ngoz tueq.

Luke 19:9

Yesu rueq, “Majuiuc raungnuiyq vruex yuimx vyuq palc daungc wvnc lvmx httuiuc kaz tueq, yvmx khoc lac ngoz ruiux lec piq muinz Abraham suiuz vsaz rvtueq.

Luke 3:8

Kvkhoc rvtueq nuimshiq mvrax htenc kvwawc thuinz kvlayc yek wvnc tiq ngoz tueq jungx laz juing shuimx kaz wuez shuinz. Nuimshiq rueq Abraham kuex naungshiq jix vwaz rvtueq ngoz tueq nuimshiq vdvmz dvmz nauk jungx kaz. Nuimshiq muex ngaz rueq jungx kuq ix, Tishox rueq vruex lung htenc vwawc Abraham suiuz vsaz muex tvyaungc lot yaq!

John 8:44

Nuimshiq kuex nuimshiq waz ngoz vshuinx htaungc piq sahez rvtuit, kvkhoc ningkhvnc nuex nuimshiq waz thuinroc lvmx kuex phvnx vtueq shuimx kaz vshuinx, htaungc waz kuex vphaungc vyaungc maq phuex miq thvy jix waz rvtueq, piq htauk nuex tsuingrux lvmx vguez ningkhvnc nuex tsuingrux lvmx nuex httax lot muq. Piq kuex vrot vkaq bomjungc jix waz rvtueq, piq kuex vrot waz muex vwaz rvtueq, miqmac gvnngvmx thuinz rulc rv-ngvlc vrot vkaq dvyx jungx thenc yaq.

Acts 13:26

“Abraham suiuz vsaz phvnx iphuz inox Israel miqsaz htenc nuiyc Tishox muex nawk palx jix vganc Pungnuk miqsaz htenc lotlaz lex, vruex palc daungc wvnc lvmx nuex seng yaq bomjungc kuex naungshiq kox nuex httuiuc waung ruex rvtueq.

2 Timothy 2:26

Kvkaq tsuingshiq rueq vlvmz khiz wvnc vtueq Htaungc waz rueq vtsanc bix wawc dung wvnc lvp tuex, kvruex htaungc waz rueq tsuingshiq kuex lvp vtueq piq thuinroc lvmx nuex tv-phvnc yoalx shex waz rvtueq.